Ioanes 12:40 - Laulau na Vinalu mine Salemo

⁴⁰ “Salemo ei goli a matane sou i mata ego, me ei goli a damutatalana mine sou i sobo, dae a matane sou ni ite a golu tasa ma lilone sou ni muada a vuna inade, me ne sou sauvule a lilone sou me ne sou veteliuale eau me eau na toekube lei e sou.”

Ioanes 12:40 Iomraidhean Croise

Matiu 15:14

Amutou ma lilo mavaavaa lou a vanunua do. Sou tomane sou a mata ego, me sou kale ne sou maite e sou sanii a vea. Moni mane a mata ego ei maite a vea ane sou a mata ego sanii, io sou pilu ne sou bosa na lulu.”

Malongolongona Kubaana mine Iesu Mak ei niage 4:12

Maido me, ‘Ne sou gegemu mapapaina, moni ne sou ma iteilale ete a golu tasa. Me ne sou longe a inade taliuliu, moni ne sou ma muada oto a vuna inade, dae ne sou sauvule a lilone sou, me Salemo ei ni lilotase a sinusu mine sou.’”

Malongolongona Kubaana mine Iesu Mak ei niage 6:52

vuna sou ma muada kuba oto a gona sinaga Iesu ei goli a ulalu. Damutatalana mine sou saboa ino sobo.

Malongolongona Kubaana mine Iesu Luk ei niage 4:18

“Maolona Nunu mine Bibi Taula ei eili pilu e eau, vuna Bibi Taula ei singi a wel na letegu na malongo a malongolongona kubaana usino ne sou a kapelabe. Me ei peltase eau na veipale a malamalana usino ne sou ino na luma na tunuui, me eau na toekube sou a mata ego ne sou gemu lou. Ei peltase eau usinani mina taulelena mavaana i palea maino mine sou sanii.

Malongolongona Kubaana mine Iesu Luk ei niage 8:10

Me ei vei le sou maido, “Salemo ei bilii e amutou a muadana vuna inade ovu mina niitealalena mine Salemo, moni a vanunua ma tavivine sanii sou longelonge moni a adetinovona. Maido me, ‘Ne sou gemugemu, moni sou ma iteilale ete, me ne sou longe, moni sou ma muada oto i.’

Ioanes 12:39

Sou ma mapigogoi ete ne sou silimuli e Iesu, vuna Aisaia i niage a inade tasa lou. Ei vei maido,

Ioanes 9:39

Me Iesu ei vei maido, “Eau asu usinani na magamaga ieli mina vivilealene sou a vanunua ma tavivine. Maido me sou a vanunua so ma gemugemu oto, ne so gemu. Me sou a vanunua so gemugemu, ne sou ma gemu oto.”

Aposel 15:3

Sou a kristen sou peltase sou usino, me sou asu usino balivua na avena ne Ponisia me Samaria. Sou ademuada ane sou a kristen mina avena lua do e Salemo ei sauvuvule a lilone sou a vanunua ma tavivine mina abuna sea. Sou a kristen sou longe a inade do, ma lilone sou ei puiale sele.

Aposel 28:26

‘Oo asu usino na abuna vanunua ma tavivine iedo mo vei le sou maido, “Ne amutou longe a inade mapapaina, moni ne amutou ma muada oto a vuna. Ne amutou gegemu mapapaina, moni ne amutou ma iteilale ete a golu tasa.

Aposel 3:19

Maidolo me namutou sauvule a damutatalana pagu mine amutou, me mu sauvule a lilone amutou, me Salemo ni taulele a sinusu vuso mine amutou.

Laulau Pol ei niage usino ne sou e Rom 9:18

Maido me eitou muada, mane Salemo i kale ni dode a bibi tasa, io ei ni dode ei. Mane ei kale ni toe a damutatalana mina bibi tasa i sobo, io ei ni goli maido taliuliu na masagana minei oto.