Ioanes 1:1 - Laulau na Vinalu mine Salemo

¹ Lisa lisa otosi, Inade eiliosi. Inade ei ino pilu e Salemo ma Inade ei oto ei e Salemo.

Ioanes 1:1 Iomraidhean Croise

Matiu 1:23

“Oite. Tavine tasa ei saboa ngolo pilu a bibi tasa, ei ni saaavu mei ni maalepose a bibaini tasa. Me ne sou maaise e ei e Emanuel.” Masovana aisa do ei maido, Salemo ei eili pilu e eitou.

Malongolongona Kubaana mine Iesu Luk ei niage 24:53

Me taliuliu sou muine sou na luma mine Salemo me sou beilangelange a aisane Salemo.

Ioanes 1:14

Inade ei palea a bibi, me ei asu usinani me ei eili balivua ne amiteu. Amiteu itesi a malasana buo minei, ei a malasana mine Natuna tasa moni, ei asu maino ne Tamana. Dinodo ma inigogona patotona ei vonu lilo ne ei.

Ioanes 1:18

Bibi tasa i saboa ite e Salemo. Natune Salemo tasa moni iedo, ei oto ei e Salemo mei ino valitole sele Tamana, ei tasa moni ei maitesi e eitou e Salemo.

Ioanes 1:2

Lisa lisa otosi Inade ei pilu e Salemo.

Ioanes 16:28

Lisa eau asu usinani na magamaga maino ne Salemo. Seidei eau kale na ilisitase a magamaga me eau na asu usino ne Euma.”

Ioanes 17:5

Ouma, ilala a magamaga i saboa palea, eau ino pilu e oo me eau isa a aisa buo. Me seidei eau kale no bilii e eau lou a aisa buo do.

Ioanes 20:28

Me Tomas ei sie liu a inadene ei maido, “Oo Bibi Taula minau, oo e Salemo minau.”

Ioanes 8:58

Me Iesu ei vei le sou, “Patotona sele eau vei ane amutou, ilala Abraham ei saboa alaposa, eau oto eau eiliosi.”

Laulau Pol ei niage usino ne sou e Rom 9:5

Salemo ei vileale a tubutubune sou, sou isa a aisa buo ivu. Me na abuna mine sou moni Krais i palea a bibi. Krais ei e Salemo, me ei iteale a golugolu vuso. Me taliuliu taliuliu neitou beilange a aisane ei.

Epesus 3:9

Salemo ei mapale a golugolu vuso, moni ei tau oovi a damutatalana minei na malada vuso lisa. Moni seidei ei vileale eau mina ademuadana damutatalana ovu minei ieli usino na vanunua vuso.

Pilipai 2:6

Ei e Salemo ivu, moni ei ma damutale ete ei ni muina tasa moni tomane Salemo. Boa.

Kolosi 1:15

Eitou ma mapigogoi ete neitou ite Salemo, moni Natune Salemo ei tomane moni e Salemo oto. Ei ino palasi ana golugolu vuso Salemo ei mapale.

Kolosi 1:17

Ilala golugolu vuso saboa sou palea, ei eiliosi. Me ei toe a golugolu vuso do i muina kubaana me ei pipigo kuba pilu.

1 Timoti 3:16

Eitou muada iiti i maido, inade ovu mina inigogona mine Salemo ei a golu tasa i buo sele. Inade li Salemo ei matetengiosi e eitou, ei maido, Ei palea a bibi ivu, me sou a vanunua ma tavivine sou ite ei. Maolona Nunu ei maite i maido, inigogona minei ei bilesi vuso, me sou a bineanea mine Salemo sou ite ei. Sou a vanunua sou asu me sou veipale a inade minei ane a abuna vanunua vuso. Vanunua ma tavivine na magamaga sou silimuli ei, Me Salemo i maasi e ei uata me ei guale a aisa buo sele.

Taitus 2:13

Maido me eitou magitalitali ivu a golu doana iedo neitou monge sele a niitena. A golu doana iedo ei e Salemo mei buo mamau sele, me Iesu Krais ei e Bibi Taula mina gualeliune eitou, ei ni palea muada sele pilu a aisa buo mine Salemo.

Hibru 13:8

Iesu Krais, ei muina tasa moni tomane a lavi me seidei, me taliuliu taliuliu.

Hibru 7:3

Melkisedek ei ma isa oto e tamana me tinana, me ei ma isa oto a abune eisusune ei. Malada mine tinana i maalepose ei boa, me ei ma isa oto a malada ei mate. Ei muina tasa moni tomane Natune Salemo. Ei muina a prist taliuliu taliuliu.

2 Pita 1:1

Eau e Saimon Pita, eau a bibi na pipigona ma aposel mine Iesu Krais, ei e Salemo mine eitou, me ei e Bibi na gualeliune eitou. Eau niage a inade ieli usino ne amutou a vanunua ma tavivine amutou guale a silimulina ei kubaana sele. Na inigogona bilesi mine Iesu Krais, silimulina mine amutou i palea tasa moni tomane a silimulina mine amiteu.

1 Ioanes 5:20

Eitou muada, Natune Salemo ei sibitalasi, mei bilii e eitou a damutatalana, ne eitou muada e Salemo ivu. Eitou valitole Salemo ivu pilu e Natuna Iesu Krais. Iesu Krais ei e Salemo ivu, me ei a vuna maulina kubaana taliuliu taliuliu.

1 Ioanes 5:7

Sou taotolu sou veimuade a inigogona minei,

Inade i Ovu 1:11

A bibi iedo ei vei maido, “Golugolu vuso oo ite, iede oo no niage mo masosove usino na viepiluna kinaka padilua, ne Epesus, Smena, Pegamum, Taiataira, Sadis, Piladelpia me Laodisia.”

Inade i Ovu 1:17

Eau ite ei mea bosa agavuale a ubuna, me eau palea tomane a bibi ei matesi. Moni ei tau a limana e gata muata ne eau, me ei vei maido, “Oo ma laelae lou. Eau a munugana sele me a punuluna sele.

Inade i Ovu 1:2

Me Ioanes veimuade a golugolu vuso ei itesi me ei longesi, golugolu ie ei a inade mine Salemo ma veimuadena mine Iesu Krais.

Inade i Ovu 1:8

Salemo, Bibi Taula ei vei maido, “Eau a Alpa me eau a Omega, eau eili seidei ma lisa tamai, me mulimuli eau na asu usinani, eau isa a sagagalina vuso.”

Inade i Ovu 19:13

Daladala ei avipope a kinainai lagolago ei kai, me sou vate a aisana “A inade mine Salemo.”

Inade i Ovu 2:8

Bibi iedo ei ade lou maido, “Oo no niage a inade sanii usino na bineanea mina viepiluna kinaka mine Smena. Inade oo no masosove usino ne ei i maido, ‘Eau a munugana sele mea a punuluna sele. Lisa eau matesi, moni seidei eau eili mauli. Me eau masosove a inade li usino minio.

Inade i Ovu 21:6

Me ei vei lei le eau maido, “Golugolu vuso sou pulosi. Eau a Alpa me eau a Omega, eau a munugana sele me eau a punuluna sele. Mane sei bibi ei malou, io eau na longo ei ni inu na aopu na nanu na maulina. Ei ni ma oli ete.

Inade i Ovu 22:13

Eau a Alpa me eau a Omega. Eau a munugana ivu me eau a punuluna sele. Eau a sinokona me eau a punuluna.

Inade i Ovu 3:14

Bibi iedo ei ade lou maido, “Oo no niage a inade sanii usino na bineanea mina viepiluna kinaka mine Laodisia. Inade oo no masosove usino ne ei i maido, ‘Eau a bibi sou tole e “Amen,” me eau ogomuli sagali sele a inade vuso mine Salemo. Me taliuliu eau veipale a inade patotona moni. Eau a vuna golugolu vuso Salemo ei mapale.