Aposel 5:11 - Laulau na Vinalu mine Salemo

¹¹ Me sou a vanunua ma tavivine mina viepiluna kinaka vuso me a vanunua ma tavivine sanii tamai sou longe a inade na golu ieli ei palea, me sou lae sele.

Aposel 5:11 Iomraidhean Croise

Aposel 19:17

Sou vuso Iuda me so Grik ino ne Epesus sou longe a inade na golu ei palea do, ma nilae buo i palea le sou. Me sou beilange a aisane Bibi Taula Iesu.

Aposel 2:43

Me Salemo ei goli a gona sinaga makuba na limane sou a aposel, me a vanunua ma tavivine sou ite do, sou saga me sou lae.

Aposel 5:5

Ananaias ei longe a inade do me ei bosa me ei mate. Me sou a vanunua sou longe a inade na golu odo ei palea le Ananaias, sou lae mamau sele.

Aposel 9:31

Maido na avena vuso mine Iuda me Galili me Samaria sou a vanunua ma tavivine mina viepiluna kinaka, sou ugu iiti moni. Sou a vanunua seasea sou ma toegegeli ete sou, ma viepilupiluna kinaka ei palea sagali. Sou ogomuli a inigogona matano moni ane Bibi Taula ma Maolona Nunu i masagali a lilone sou. Ma savuluna vanunua ma tavivine sou silimuli sou salasuu uata.

Pilipai 2:12

De, amutou tamtamaigu, tomane namutou longemuli taliuliu a inadegu na malada eau muina pilu e amutou, seidei eau eili bulago ane amutou tamai, namutou longoala kuba sele lou. Salemo gualeliuosi e amutou, maido me seidei namutou lae me namutou tade sele Salemo, me namutou pipigo sagali sele a maitena inigogone amutou tomane Salemo ei gualeliuosi e amutou.

Hibru 11:7

Noa ei silimuli e Salemo, na ilala Salemo ei ademuada ane ei a golu ei ni palea mulimuli, a golu odo Noa i saboa ite, ei ogomuli a inade mine Salemo me ei tige a kuta tasa. Me ei pilu e susuna natatune ei sou gali ulilo na kuta do, maido me sou puiale moni, me sou ma mamau oto. Na silimulina minei iodo, Noa ei vavasa a inigogona pagu mine sou vuso a vanunua ma tavivine na magamaga. Noa ei silimuli e Salemo me Salemo ei vate ei a bilesina bibi, tomane Salemo ei goli le sou vuso a vanunua sou silimuli e ei.

Hibru 12:15

Namutou ulago iiti, dae ne tasa mine amutou ni bosa mei ni litase a dinodo mine Salemo. Me namutou ulage kube, dae ne tasa mine amutou ei ni palea tomane a obu ei tau a vuana i ama, me ei ni bilii e amutou a mavaana me ei ni toe amutou palea mumugu na matane Salemo.

Hibru 12:28

Niitealalena mine Salemo ei bilii e eitou, ei ni ma vuvule oto, maido me neitou toledadangi e Salemo. Me neitou beilange a aisane ei me neitou lae e ei me neitou totopatuliale ei na inigogona ei oto ei kale.

Hibru 4:1

Salemo ei adegatuna ni maasi e eitou tamai ulilo na manoana. Maidolo me neitou lae, dae ne Salemo ite a bibi tasa mine amutou ei ma mapigogoi ete ni gali ulilo na manoana odo.

1 Pita 1:17

Amutou vate e Salemo e “Euma.” Euma do ei ma kale levi ete eitou. Boa. Ei ite a inigogona mine eitou tastasa mei vilemuliale eitou. Maido me na ilala amutou malu na magamaga ie, namutou muada i maido, magamaga li ei ma aubu ivu oto mine amutou, me namutou tade moni e Salemo.

Inade i Ovu 15:4

Bibi Taula, oo tasa moni oo maolo. Maido ma vanunua ma tavivine vuso ne sou lae e oo me sou beilange a aisamu. A abuna vanunua vuso ne sou asu usinani me sou totopatuliale oo. Vuna, a inigogona bilesi minio ei palea muadasi.”