Aposel 3:4 - Laulau na Vinalu mine Salemo

⁴ Pita me Ioanes sulu amusoepute ei, me Pita ei vei, “Oo gemuale amilu.”

Aposel 3:4 Iomraidhean Croise

Malongolongona Kubaana mine Iesu Luk ei niage 4:20

Iesu ei vivili a laulau me ei bilii liu a bibi mina niitealene sou a laulau me ei ugu. Vanunua ma tavivine vuso ino na luma na kinaka mine sou e Iuda sou gemualepute moni e Iesu.

Ioanes 11:40

Me Iesu ei vei le ei, “Palapala eau veiosi lio, mane o silimuli, de o no ite a aisa buo mine Salemo.”

Ioanes 5:6

Iesu ite a bibi iodo i mavutavuta muina, me ei muada a sinobe minei i tabaasi. Me Iesu i tagi e ei, “O kale a vovomu ni palea kuba, io?”

Aposel 10:4

Me Konilius ei gemuale ei me ei lae mamau. Ei vei maido, “Bibi Taula, matina?” Ma bineanea ei vei le Konilius maido, “Salemo i longesi a kinaka minio me ei damutale a inigogomu o goli mina buloina vanunua sou boto a golugolu. Me Salemo ei kale a inigogona minio de.

Aposel 11:6

Me eau gegemu kuba lilo mina malo, me eau ite a matamatana vanoluma, me sou a viuviu masivo, me sou a tavanaude ma manumanu.

Aposel 3:1

Na malada tasa Pita pilu e Ioanes su asu usino na luma mine Salemo na matailala tolu na lavilavi, ei a matailala na kinaka.

Aposel 3:11

Sou a vanunua ma tavivine sou longe a inade na golu ieli ei palea, me sou saga mamau sele me sou vele maino mina niite na bibi iedo. Me sou ite ei sautole Pita pilu e Ioanes me sou magili a muine sou na muina malolovina na bigomu na luma mine Salemo, sou vate a muina malolovina mine Solomon.

Aposel 3:12

Pita ei ite maido, me ei vei le sou a vanunua ma tavivine maido, “Amutou a vanunua mine Israel, posa matina amutou saga gegelu a golu ei palea ie? Posa matina amutou amusoepute amilu? Nane amutou damu i, amilu oto ami isa a sagagalina ue amilu ugu kuba sele na matane Salemo, me amilu toekube a bibi ieli i asuasu, io? Boa vuso sele.

Aposel 3:3

A bibi odolo ei ite Pita pilu e Ioanes su kale ne su gali ulilo mina luma mine Salemo, me ei kake sulu ve ne sulu pa ane ei a golu sanii.

Aposel 3:5

Ma bibi odolo ei amusoe sulu, vuna maido ei damu ve ne sou bilii e ei a golu sanii.