Aposel 14:9 - Laulau na Vinalu mine Salemo

⁹ Bibi iedo ei longe Pol i malongo a inade. Me Pol gemualepute ei, me ei ite maido a bibi iedo ei silimuli me ei mapigogoi ni palea kubaana lou.

Aposel 14:9 Iomraidhean Croise

Matiu 13:58

Me ei ma goli ete a gona sinaga makuba na aubu odo, vuna sou ma silimuli ete ei.

Matiu 15:28

Iesu ei longe a inade do mei maliu a inade maido, “Tavine, a silimulina minio ei buo sele. A golu oo kale ni palea le oo, ei ni palea.” Na ilala bilesi iodo, natuna tavine minei ei palea kuba lou.

Matiu 8:10

Iesu ei longe a inade li mei saga sele. Me ei vei le sou a vanunua sou ogomuli e ei maido, “Eau vei ivu le amutou, eau saboa ite a bibi tasa balivua mina abuna mine Israel ei isa a matana silimulina tomane a bibi ie.”

Matiu 9:22

Moni e Iesu ei sauvule mei ite a tavine do, mei vei, “Natugu, lilomu ni tabuli mea. Oo silimuli eau, maido me oo palea kuba lou.” Na ilala moni iodo tavine do ei palea kuba lou.

Malongolongona Kubaana mine Iesu Mak ei niage 10:52

Me Iesu ei vei lei, “Oo asu. A silimulina minio ei toekube oo mo kuba.” Ma tabaa oto a matane ei kuba mei gemu. Mei ogomuli e Iesu na vea.

Malongolongona Kubaana mine Iesu Mak ei niage 2:5

Iesu ei ite a silimulina mine sou, mei vei ana bibi sobe do maido, “Natugu, eau lilotasesi a sinusu vuso minio.”

Malongolongona Kubaana mine Iesu Mak ei niage 8:25

Me Iesu ei tau lei a limana na matane ei. Ma bibi iedo ei gegemu sagali, ma matane ei i palea kubaana, mei ite a golugolu vuso i palea muada.

Aposel 10:4

Me Konilius ei gemuale ei me ei lae mamau. Ei vei maido, “Bibi Taula, matina?” Ma bineanea ei vei le Konilius maido, “Salemo i longesi a kinaka minio me ei damutale a inigogomu o goli mina buloina vanunua sou boto a golugolu. Me Salemo ei kale a inigogona minio de.

Aposel 3:4

Pita me Ioanes sulu amusoepute ei, me Pita ei vei, “Oo gemuale amilu.”