Aposel 13:29 - Laulau na Vinalu mine Salemo

²⁹ Sou goliosi a golugolu vuso lisa sou a profet sou vei, ne sou a vanunua ne sou goli lei, io sou guale ei muata na tauvaleuti, me sou peilai ei na muina minate tasa.

Aposel 13:29 Iomraidhean Croise

Malongolongona Kubaana mine Iesu Mak ei niage 15:42

Na lavilavi Iosep mine Arimatea ei asu usinani. Ei e tasa mine sou a vanua na toebilelesina inade, me ei isa a aisa kubaana na matane sou a vanunua ma tavivine. Ei tamai ei kale ni ite a niitealalena mine Salemo. A malada do ei a malada na masusuluna mina Maolona Malada. De Iosep ei ma lae oto mei gali ulilo mei magili na matane Pailat. Ei nai e Pailat ve ni longo ane ei ni guale a aitolane Iesu.

Malongolongona Kubaana mine Iesu Luk ei niage 23:50

Me a bibi tasa ino aisana e Iosep. Ei tasa mine sou a vanunua na avelulusena inade. Ei a bilesina bibi.

Malongolongona Kubaana mine Iesu Luk ei niage 23:53

Io ei guale a aitolane Iesu utano, mei avisobe ei a malo keakea, mei tau na muina minate, iede a aova tasa na vatu a vanunua sou goli me saboa sou tau a aitolana bibi tasa.

Malongolongona Kubaana mine Iesu Luk ei niage 24:44

Me ei vei le sou maido, “Ilala eau saboa ino pilu e amutou, eau veiosi le amutou maido, golugolu vuso lisa sou niage e eau na binea mine Moses me na laulau mine sou a profet me na Laulau na Inala, golugolu vuso ieli ei ni palea ivu.”

Ioanes 19:28

De Iesu ei muada a pipigona vuso minei i pulosi seidei. Me ei vei maido, “Loogu i tagasa.” Ei goli a inade iedo ve ei ni toesesele a inade tasa ino na Laulau mine Salemo.

Ioanes 19:30

Iesu ei dame a vain viniga me ei vei maido, “Ei pulosi,” me ei letekulu utano ma nununa i asutase ei.

Aposel 13:27

Sou a vanunua ino ne Ierusalem pilu e sou a munuganuga mine sou sou gi taliuliu a inade ne sou a profet na Maolona Malada vuso, moni sou ma muada kuba oto e Iesu ma inade iede. Maido me sou vavasa ana bibi iedo ni mate, me na inigogona li sou toesesele a inade sou a profet sou veipale lisa.

Aposel 2:23

Me Salemo ei tau a bibi iede na limane amutou, tomane lisa ei damutalesi me ei vei patotonasi ni goli. Me na limane sou a vanunua pagupagu amutou gatitole ei na tauvaleuti me mu valiputemate ei.

Aposel 26:22

Salemo ei buloi e eau me eau ugu kuba moni i asu mapigogoi seidei. Maidolo me seidei eau magili ieli, me eau malongo a inade usino ne sou a vanunua sabubu me usino na vanunua buobuo tamai. Eau ma malongo oto a inade sea. Eau malongo a inade ieli moni lisa sou a profet me Moses tamai sou ade i ni palea.

Aposel 4:28

Ilala sou goli a golu odo, sou ogomuli a damutatalana ma masagana minio moni. Na sagagalina minio, lisa otosi oo masagaliosi a inade na golugolu vuso ei ni sibitala.

Aposel 5:30

Amutou gati e Iesu mina obu tasa me amutou valiputemate ei, moni e Salemo mine tubutubune eitou ei mailisiliu e ei.

1 Korin 15:4

Me sou tau e ei na muina minate, me na malada tolu ei ilisiliu, tomane a inade ino na Laulau mine Salemo.