1 Timoti 3:3 - Laulau na Vinalu mine Salemo

³ Ei ni ma ininu lou mei matalilili. Ei ni ma lilovilivili asiasi lou me ei ma maububi lou ane sou sanii. Boa. Ei ni tomamali moni e sou. Ei ni ma kale mamaimai lei a gualena vatu.

1 Timoti 3:3 Iomraidhean Croise

Matiu 21:13

Ei vei le sou maido, “Laulau mine Salemo ei isa a inade maido, ‘Luma minau ei ni muina a luma mina kinaka.’ Moni amutou goli ei tomane a muina unovuna mina vanua na paaalina.”

Aposel 20:33

Eau ma isu oto ana silva ma gol ma malo ue golu mina bibi tasa.

Laulau Pol ei niage usino ne sou e Rom 16:18

Sou ma pipigopigo oto ane Krais, Bibi Taula mine eitou. Boa. Sou ogomulimuli moni a masagana mina vovone sou oto. Me na mamisina inade ma inade na toegolaline sou, sou aualala ane sou a vanunua ma tavivine sou ma muada oto e sei inigogona ei doana me sei inigogona ei pagu.

Epesus 5:18

Amutou ma inu mamaumau lou me mu matalilili. Umana. Matana inigogona maido, ei toegegeligeli e amutou. Moni namutou toe a Nunu mine Salemo ni vonu ne amutou.

1 Tesalonaika 5:14

Tamtamaigu, amiteu kale namiteu mailisiliu e amutou namutou toebilelesi a inigogona mine sou a vanunua sou bale maisaba me namutou masagali a lilona vanunua vuso sou laelae, me namutou buloi a vanunua sou ma sagali oto. Me namutou lilomea moni ana vanunua vuso.

1 Timoti 3:8

Tomane moni, sou a vanua na pipigona mina kinaka ne sou damutale bilesi a pipigona mine sou. Ne sou ma ade tabele i lualua lou. Ne sou ma ininu lou. Ne sou ma damutatala lou a isualena vatu ma golugolu sanii mina vanunua.

2 Timoti 3:2

Sou a vanua ne so kale e sou oto moni, me ne sou kale mamai sele a vatu, me ne sou masalai a aisane sou oto, me ne sou toebuebue, me ne sou adegegeli e sanii, me ne sou ma longemuli ete a inade mine tamane sou me tinane sou, me ne sou ma toledadangi ete, me ne sou ma ogomuli ete a maolona inigogona mine Salemo,

Taitus 1:11

Vanua sou odo sou kale ne sou lapuale a vatu, maido me sou matetengi e sou a inigogona sanii i ma mapigogoi ete neitou goli. Na inigogona do sou toegegeligeli a silimulina mina tamenatatuna makuba. Maido me oo no magilisobe sou, ne sou ma goligoli lei a matana inade maido.

Taitus 1:7

Oo muada, bibi na itealalena viepiluna kinaka ei a bibi na niitealalena pipigona mine Salemo. Maido me ei ni ma isa oto a inigogona pagu, mei ni ma toe buebue ete ei oto, mei ni ma sinoa asiasi lou, mei ni ma matalilili lou, mei ni ma ubi maisabesabe lei a vanunua, mei ni ma kale mamaimai lei a gualena vatu.

Taitus 2:3

Mo no vei le sou a tavivine buobuo tamai ne sou asu na inigogona Salemo i kale. Ne sou ma adegegeligeli lei sou sanii. Me ne sou ma inu mamaumau lou, moni ne sou matetengi e sou sanii a inigogona doana.

Taitus 3:2

me ne sou ma adegegeli lei a bibi tasa, me ne sou ma adesinoanoa lou. Taliuliu ne sou ugu vale moni, me ne sou goli a inigogona doana ana vanunua ma tavivine vuso.

Hibru 13:5

Amutou ma ogomulimuli lei a inigogona mina isualena vatu. Namutou damutale maido, golu amutou lapitole, iede ei mapigogoi e amutou. Salemo ei veiosi le eitou maido, “Eau na ma litase ete oo. Eau na ma itetase ete oo. Boa vuso sele.”

Iemus 4:1

Sei golu ei mailisi a maisinoana ma maubina balivua ne amutou? A matamatana lilogegeluna ei ino ne amutou sou maububi na lilone amutou. Na inigogona moni iedo sou mailisilisi a inade na maisinoana ma maubina.

1 Pita 5:2

Ne amutou iteale kube a sipsip mine Salemo, sou a vanunua ma tavivine mine Salemo na limane amutou. Me amutou ne mu mongemonge a gunolina pipigona do me namutou goli a pipigona do na masagana ivu mine amutou tomane Salemo ei kale namutou ogomuli. Ei ma puiale ete a vanunua buobuo sanii abesuli e amutou me amutou goli a pipigona do. Me namutou ma goligoli lei a pipigona do mina gualena vatu moni.

2 Pita 2:3

Vanunua sou odo, sou a vanunua mina niisualena sele, maidolo me ne sou goli a adeaualana papaina mina lapualena vatu mine amutou. Moni lisa oto sele Salemo ei vileale a malada mina vavasana ane sou, me ei ade e sou ne sou buale. Ma mamauna do ni palea le sou ei ni ma buale oto. Ei ni muina moni.

Iudas 1:11

Maule sou, mavaana buo ei ni palea le sou. Sou asuasu na inigogona ne Kain. Sou damutatale moni a gualena vatu tomane Balam. Me sou laivili e Salemo tomane Kora, me na inigogona do sou buale sele.

Inade i Ovu 1:9

Eau e Ioanes, tamaine amutou. Eau tamai eau guale a mavaana ma davutina tomane amutou, eau magitalitali a niitealalena mine Salemo. Eau malongo a inade mine Salemo, mea veimuade e Iesu. Vuna moni ieli, sou peltaselele eau me sou tau e eau na lolopatipati iedo sou tole e Patmos.