Apocalipsis 5:2 - Mixtec Tezoatlán

² Ta kúú ni̱ xini taꞌanii iin ángel ndakí nda̱ꞌo, ta ni̱ꞌi nda̱ꞌo káꞌa̱n na̱: ―¿Ndá yoo ió íchi̱ ña̱ kaꞌanda na̱ ndin usa̱ sello, ta konó ná tuti yóꞌo? ―kaá na̱.

Apocalipsis 5:2 Iomraidhean Croise

Apocalipsis 10:1

Ni̱ ndiꞌi, dá ni̱ xinii̱ ko̱noo iin ka̱ ángel ndakí nda̱ꞌo ve̱i na nda̱ induú, ta ni̱ kii na tein iin viko̱, ta íin iin chi̱yángí dini̱ ná. Táto̱ꞌon ki̱ꞌo ndéꞌé ndi̱ndii, ki̱ꞌo dión ndéꞌé noo̱ ná. Táto̱ꞌon ki̱ꞌo ndéꞌé ñóꞌo̱ sáꞌano ita̱, ki̱ꞌo dión ndéꞌé saꞌa̱ ná.

Apocalipsis 18:21

Dá ni̱ tiin iin ángel ndakí nda̱ꞌo iin yuu̱ káꞌano, ña̱ káa táto̱ꞌon ki̱ꞌo káa iin yuu̱ molino. Dá ni̱ da̱kána na ña̱ no̱ó ta̱ñoꞌo̱, dá ni̱ kaa na̱: ―Táto̱ꞌon ki̱ꞌo ndée̱ téí ni̱ ka̱nkao yuu̱ káa, ki̱ꞌo dión ndoꞌo ñoo káꞌano Babilonia, dá naá ñá, ta ni iin kuu̱ ka̱ o̱ nándió ko̱oan.

Apocalipsis 5:1

Ta ni̱ xini taꞌanii kánóo iin tuti ni̱ na̱tuu̱ noo̱ ndáꞌa̱ xoo kuáꞌa na̱ ió noo̱ téi̱ ñoó, ta ndi nduú xooa̱n káa to̱ꞌon, ta ndadí yúꞌán xíꞌín usa̱ sello.

Apocalipsis 5:5

Dá ni̱ kaa iin ta̱ sáꞌano ñoó xíꞌín yuꞌu̱: ―O̱ sa̱ kuákón, dá chi̱ na̱ kúú ndikaꞌa ni̱ kii tein na̱ veꞌe Judá, na̱ ni̱ kii tein na̱ veꞌe David, na̱ yóꞌo kúú na̱ ni̱ ka̱ndeé noo̱ ndidaá ña̱ꞌa, sa̱ꞌá ño̱ó ió íchi̱ ná konó ná tuti káa, ta kaꞌanda na̱ ndin usa̱ sello ndadí yúꞌán.