Apocalipsis 5:1 - Mixtec Tezoatlán

¹ Ta ni̱ xini taꞌanii kánóo iin tuti ni̱ na̱tuu̱ noo̱ ndáꞌa̱ xoo kuáꞌa na̱ ió noo̱ téi̱ ñoó, ta ndi nduú xooa̱n káa to̱ꞌon, ta ndadí yúꞌán xíꞌín usa̱ sello.

Apocalipsis 5:1 Iomraidhean Croise

Apocalipsis 10:2

Ta tárnee iin libro lóꞌo̱ ndáꞌa̱ ná, ta nónó noo̱án. Ta xíꞌín saꞌa̱ xoo kuáꞌa na̱ séi̱n na̱ no̱ó ta̱ñoꞌo̱, ta xíꞌín saꞌa̱ xoo íti na̱ séi̱n na̱ no̱ñóꞌo̱ i̱chí.

Apocalipsis 4:3

Táto̱ꞌon ndéꞌé yuu̱ ndato naní jaspe xíꞌín yuu̱ ndato naní cornalina, ki̱ꞌo dión ndéꞌé ñíi̱ na̱ ió dándáki ñoó. Ta íin iin chi̱yángí noo̱ ió na̱, ta chi̱yángí ñoó ndéꞌé táto̱ꞌon ki̱ꞌo ndéꞌé yuu̱ kuíi̱ ndato naní esmeralda.

Apocalipsis 4:9

Ta daá kékáꞌano ndin komi̱ ña̱ ta̱kí ñoó na̱ ió dándáki noo̱ téi̱ ñoó, ta xíꞌoan ña̱ñóꞌó noo̱ ná, ta náki̱ꞌoan ndivéꞌe noo̱ na̱ daá takí kuií. Ta iin rá iin taꞌándá káꞌa̱n dión,

Apocalipsis 5:13

Ta ni̱ sei̱do̱ꞌi ni̱ kaꞌa̱n ndidaá ña̱ ni̱ ka̱va̱ꞌa Ndios, ña̱ ndéi induú, xíꞌín ña̱ ndéi no̱ñóꞌo̱ xíꞌín ña̱ ñóꞌo ti̱xi ñóꞌo̱, xíꞌín ña̱ ñóꞌo ini ta̱ñoꞌo̱, xíꞌín ndidaá ka̱ ña̱ꞌa ni̱ ka̱va̱ꞌa Ndios, ta kaáa̱n diꞌa: Na̱ ió dándáki noo̱ téi̱ káa xíꞌín na̱ kúú léko káa kúú na̱ kánian natiin to̱ꞌon xíꞌo ña̱yuu kekáꞌano ñaá ná, ta ná natiin na ña̱ñóꞌó, xíꞌín to̱ꞌon ndato, xíꞌín ndée̱, ta daá kuití dión ná koo.

Apocalipsis 5:7

Dá ni̱ ta̱tuu yati na̱ kúú léko ñoó ni̱ tiin na tuti kánóo noo̱ ndáꞌa̱ xoo kuáꞌa na̱ ió dándáki noo̱ téi̱ ñoó.

Apocalipsis 6:1

Ta ni̱ xinii̱ ni̱ saꞌanda na̱ kúú léko ñoó iin sello ndadí yúꞌu̱ libro ñoó. Dá ni̱ sei̱do̱ꞌi ni̱ kaꞌa̱n iin ña̱ ta̱kí ñoó, ta ni̱ꞌi nda̱ꞌo ni̱ kaꞌa̱n. Táto̱ꞌon ki̱ꞌo ni̱ꞌi káyuꞌú dai̱, ki̱ꞌo dión ni̱ꞌi ni̱ kaꞌa̱n, ta kaáa̱n: ―Nakíi̱.

Apocalipsis 6:16

dá ni̱ kaa na̱ xíꞌín yúku̱ ñoó, xíꞌín káo̱ ñoó: ―Kue̱i ndó kodó ndó sata̱ ndúꞌu̱, ta dáda̱ꞌi ndó nduꞌu̱ no̱ó na̱ ió dándáki noo̱ téi̱ káa, xíꞌín no̱ó na̱ kúú léko káa, chi̱ xído̱ ini na̱ xiní na̱ nduꞌu̱,

Apocalipsis 8:1

Tá ni̱ ndiꞌi ni̱ saꞌanda na̱ sello kúú usa̱ ñoó, ta kúú tádi̱ óon ni̱ kuu induú noo̱ ió Ndios táto̱ꞌon ti̱xi dao hora.