Apocalipsis 3:7 - Mixtec Tezoatlán

⁷ ’Ta taa taꞌani ña̱ koꞌi̱n kaꞌi̱n xíꞌón noo̱ iin ka̱ tuti, dá tandaꞌón ña̱ koꞌa̱n noo̱ ángel kómí choon sa̱tá na̱ kúú kuendá yuꞌu̱ ndéi ñoo Filadelfia, ta kaao̱n xíꞌín ná: “Diꞌa káꞌa̱n na̱ ii̱, na̱ kúú na̱ ndaa̱, na̱ kómí ndaꞌá ka̱a rey David, na̱ sónó, ta ko̱ íin taꞌon kandeé kadi, na̱ sadí, ta ko̱ íin taꞌon kandeé konó, no̱ón kúú na̱ kaá diꞌa xíꞌín ndó:

Apocalipsis 3:7 Iomraidhean Croise

San Mateo 16:19

Ta noo̱ ndáꞌa̱ miíón naki̱ꞌo yuꞌu̱ ndaꞌá ka̱a, dá kaꞌa̱ndo̱n choon no̱ó ña̱yuu ñóꞌo ti̱xi ndáꞌa̱ Ndios. Chi̱ tá ná kaꞌa̱ndo̱n choon no̱ó ña̱yuu Ndios, ta kuiin Ndios xíꞌón. Tá ná kado̱n dao choon noo̱ ná, ta kuiin taꞌani Ndios xíꞌón ―kaá na̱.

San Mateo 24:35

Induú káa xíꞌín no̱ñóꞌo̱ yóꞌo naá váán, tído to̱ꞌon káꞌi̱n, o̱ yáꞌa taꞌan vaan.

San Marcos 1:24

―¿Ndi ki̱án ndóꞌo ní xíꞌín nduꞌu̱, Jesús, na̱ ñoo Nazaret? ¿Á ve̱i ní dánaá ní nduꞌu̱? Sa̱ náꞌá vá yuꞌu̱ ndá yoo kúú mií ní, chi̱ mií ní kúú na̱ ii̱ ni̱ kii noo̱ Ndios.

San Lucas 1:32

Ta kakuu xi iin na̱ ndáya̱ꞌi, ta kananí xí de̱ꞌe mií Ndios, na̱ kómí ndidaá choon. Ta mií Ndios, na̱ kúú satoꞌo yo̱, no̱ón kúú na̱ ki̱ꞌo choon noo̱ ndáꞌa̱ xí ña̱ kakuu xi rey, táto̱ꞌon ni̱ sa̱ kuu David, na̱ sáꞌano veꞌe xi.

San Lucas 4:34

ta kaáa̱n xíꞌín Jesús: ―¡Dánkoo ní nduꞌu̱, kuaꞌán ní! ¿Ndí ki̱án ndóꞌo ní xíꞌín nduꞌu̱, Jesús, na̱ ñoo Nazaret? ¿Á ve̱i ní dánaá ní nduꞌu̱? Sa̱ náꞌá vá yuꞌu̱ ndá yoo kúú mií ní, chi̱ mií ní kúú na̱ ii̱ ni̱ kii noo̱ Ndios.

San Juan 14:6

Dá ni̱ kaa Jesús: ―Yuꞌu̱ kúú íchi̱, ta yuꞌu̱ kúú na̱ ndaa̱, ta yuꞌu̱ kúú na̱ xíꞌo ña̱ kataki chíchí ña̱yuu. Ta ni iin tóꞌón ña̱yuu o̱ kúu kasandaá noo̱ Ndios tá ko̱ véi na xíꞌín yuꞌu̱.

Hechos 3:14

Ta ndoꞌó kúú na̱ ni̱ ku̱ñóꞌó na̱ kúú na̱ ii̱ xíꞌín na̱ ndaa̱. Diꞌa ni̱ xika̱ ndo̱ ña̱ yaa̱ iin ta̱a saꞌání ndi̱i.

1 Juan 5:20

Ta sa̱ náꞌá taꞌani yó ña̱ ni̱ kixi de̱ꞌe Ndios, ta ni̱ xi̱ꞌo na ña̱xintóni̱ yo̱, dá ná kanaꞌá yó na̱ miía̱n ndaa̱ kuiti kúú Ndios. Ta ñóꞌo yó noo̱ ndáꞌa̱ na̱ kúú Ndios ndaa̱, ta ñóꞌo taꞌani yó noo̱ ndáꞌa̱ de̱ꞌe na Jesucristo. Na̱ yóꞌo kúú na̱ miía̱n ndaa̱ kuiti kúú Ndios, ta xíꞌo na ña̱ kataki chíchí yó.

Apocalipsis 1:11

Dá ni̱ kaꞌa̱n xíꞌíín: ―Yuꞌu̱ kúú to̱ꞌon mií no̱ó xíꞌín to̱ꞌon noo̱ ndíꞌi, ta kúúí na̱ míí saꞌa̱ xíꞌín na̱ noo̱ ndíꞌi. Ta taa kíi̱ yo̱ꞌó noo̱ tuti ndidaá ña̱ ndéꞌón kúu, dá tandaꞌón ña̱ ná koꞌa̱n noo̱ ndin usa̱ veꞌe ño̱ꞌo ñóꞌo chí kuendá Asia, noo̱ kúú ñoo Éfeso, xíꞌín ñoo Esmirna, xíꞌín ñoo Pérgamo, xíꞌín ñoo Tiatira, xíꞌín ñoo Sardis, xíꞌín ñoo Filadelfia xíꞌín ñoo Laodicea ―kaá na̱ xíꞌíín.

Apocalipsis 1:18

Ta kúú taꞌanii na̱ daá ió takí. Ni̱ xiꞌi̱i̱, tído takíi̱ viti, ta daá kuií vá katakii̱. Dión ná koo. Ta mií yuꞌu̱ kómíí ndaꞌá ka̱a noo̱ ñóꞌo na̱ kúú ndi̱i, ta kómí taꞌani yuꞌu̱ choon no̱ó ña̱ kédaá xíꞌín ña̱yuu, dá xíꞌi̱ na̱.

Apocalipsis 1:5

Ta dión taꞌani ná kee Jesucristo xíꞌín ndoꞌó. Ta no̱ón kúú na̱ xíꞌo ndaa̱ kuendá sa̱ꞌá ña̱ ndaa̱, ta mií ná kúú na̱ mií no̱ó ni̱ na̱taki iin íchi̱ no̱ó na̱ ni̱ xiꞌi̱, ta iin tóꞌón mií ná kúú dini̱ noo̱ ndidaá rey dándáki no̱ñóꞌo̱ yóꞌo. Ta mií ná kúꞌu̱ ini saꞌa̱ yo̱, ta ni̱ da̱ndóo na kua̱chi yó xíꞌín nii̱ ná,

Apocalipsis 15:3

Ta xíta na yaa ni̱ xita Moisés, táꞌa̱n na̱ sa̱ xinkuáchí noo̱ Ndios, xíꞌín yaa xíta na̱ kúú léko, ta diꞌa xíta na: Ña̱ náꞌano kée ní, ta ña̱ ndato nda̱ꞌo kée ní, satoꞌo ndu̱. Mií ní kúú na̱ kándéé kée ndidaá táꞌa̱n ña̱ꞌa. Ta mií ní kúú na̱ kéndúsáꞌano, ta mií ní kúú na̱ kée ña̱ ndaa̱. Ta iin tóꞌón dini̱ mií ní kúú rey dándáki ndidaá táꞌa̱n ña̱yuu.

Apocalipsis 16:7

Ta ni̱ sei̱do̱ꞌi ni̱ ka̱yuꞌú iin ka̱ ángel nda̱ noo̱ náa̱ Ndios, ta kaá na̱: ―Miía̱n ndaa̱ kuiti dión kíán, satoꞌo ndu̱, mií ní kúú Ndios kándéé kée ndidaá táꞌa̱n ña̱ꞌa, ta kéyíko̱ ndaa̱ ní, ta kéyíko̱ va̱ꞌa ní sa̱ꞌá ña̱yuu.

Apocalipsis 19:11

Dá ni̱ xinii̱ ni̱ nono̱ induú, ta kúú ni̱ xinii̱ iin kuéi̱ ku̱xí, ta kánóo iin ta̱a sata̱ ri̱, ta naní ná, Na̱ Kéndúsáꞌano, Na̱ Ndaa̱. Dión naní ná, dá chi̱ kéyíko̱ ndaa̱ na̱, ta ko̱ na̱á ndava̱ꞌa na xíꞌín ni iin tóꞌón ña̱yuu.

Apocalipsis 19:2

dá chi̱ kéyíko̱ ndaa̱ na̱, ta kéyíko̱ va̱ꞌa na saꞌa̱ iin rá iin ña̱yuu, sa̱ꞌá ño̱ó ni̱ keyíko̱ na̱ sa̱ꞌá ña̱ kini ni̱ kee ñáꞌa̱ xíxi kée díkó mií no̱ó ta̱a, dá chi̱ ni̱ da̱túúán ndidaá ña̱yuu ndéi no̱ñóꞌo̱, sa̱ꞌá ño̱ó ni̱ ya̱ꞌa na ni̱ kee na kua̱chi. Ta ni̱ na̱kiꞌin ya̱ꞌi Ndios noo̱ ñáꞌa̱ ñoó sa̱ꞌá ña̱ ni̱ sataa̱n nii̱ ña̱yuu sa̱ xino kuáchí noo̱ ná.

Apocalipsis 2:1

’Taa ña̱ koꞌi̱n kaꞌi̱n xíꞌón noo̱ iin tuti, dá tandaꞌón ña̱ ná koꞌa̱n noo̱ ángel kómí choon sa̱tá ña̱yuu kúú kuendá yuꞌu̱ ndéi ñoo Éfeso, ta kaꞌo̱n xíꞌín ná: “Na̱ ñóꞌo ndin usa̱ ti̱ñoo̱ noo̱ ndáꞌa̱ xoo kuáꞌa, na̱ xíonoo tein ndin usa̱ candelero oro ñoó kúú na̱ kaá diꞌa xíꞌín ndó:

Apocalipsis 21:5

Dá ni̱ kaa na̱ ió dándáki noo̱ téi̱ ñoó: ―Kande̱ꞌé ndó, yuꞌu̱ kúú na̱ ndésa̱á ndidaá táꞌa̱n ña̱ꞌa. Dá ni̱ kaa na̱ xíꞌín yuꞌu̱: ―Taa ndidaá ña̱ yóꞌo, dá chi̱ ndinoꞌo ña̱ ndaa̱ kía̱n káꞌi̱n, ta miía̱n ndaa̱ kooan.

Apocalipsis 3:14

’Ta taa taꞌani ña̱ koꞌi̱n kaꞌi̱n xíꞌón noo̱ iin ka̱ tuti, dá tandaꞌón ña̱ ná koꞌa̱n noo̱ ángel kómí choon sa̱tá ña̱yuu kúú kuendá yuꞌu̱ ndéi ñoo Laodicea, ta kaꞌo̱n xíꞌín ná: “Mií na̱ dáxi̱nko̱o to̱ꞌon Ndios, no̱ón kúú na̱ xíꞌo ndaa̱ kuendá sa̱ꞌá ña̱ ni̱ xini na̱, ta káꞌa̱n na̱ ndinoꞌo ña̱ ndaa̱, ta kúú ná yo̱ꞌo ndidaá ña̱ꞌa ni̱ ka̱va̱ꞌa ió ñayuú yóꞌo ni̱ kee Ndios, na̱ yóꞌo kúú na̱ kaá diꞌa xíꞌín ndó:

Apocalipsis 4:8

Ta iño̱ kúú ndixi̱ iin rá iin ndin komi̱ ña̱ ta̱kí ñoó, ta iin níí ndixi̱án tándaa nduchí nóóa̱n. Ta ko̱ sá tuu taꞌan vaan nduú ni ñoó ña̱ kía̱n káꞌa̱n diꞌa: Na̱ ii̱, na̱ ii̱, na̱ ii̱ kúú Ndios, na̱ kúú satoꞌo yo̱, ta mií ná kúú Ndios, na̱ kándéé kée ndidaá ña̱ꞌa. Ta mií ná ni̱ sa̱ kuu na, ta mií ná kúú ná, ta mií ná kúú na̱ kasaa̱.

Apocalipsis 5:9

Ta xíta ra iin yaa sa̱á káꞌa̱n diꞌa: Ió íchi̱ ní natiin ní libro, ta kaꞌanda ní selloa̱n, chi̱ ni̱ saꞌání rá mií ní, ta xíꞌín nii̱ mií ní ni̱ chi̱ya̱ꞌi ní saꞌa̱ ndúꞌu̱, dá ni̱ nduu ndu ña̱yuu Ndios. Chi̱ ni̱ kee ní dión xíꞌín ña̱yuu ni̱ kii iin rá iin tata, xíꞌín na̱ káꞌa̱n iin rá iin yúꞌu̱, xíꞌín na̱ ndéi iin rá iin ñoo, xíꞌín na̱ ndéi iin rá iin nación.

Apocalipsis 6:10

Ta káyuꞌú ndidaá na̱ yóꞌo, ta kaá na̱ xíꞌín Ndios: ―Mií ní kúú na̱ néꞌe choon káꞌano cháá ka̱, mií ní kuu na̱ ii̱, na̱ ndaa̱, sa̱ꞌá ño̱ó, ¿ndá oon keyíko̱ ní saꞌa̱ ndúꞌu̱, dá nakiꞌin ya̱ꞌi ní sa̱ꞌá nii̱ ndúꞌu̱, kirá ni̱ sata na̱ ndéi no̱ñóꞌo̱? ―kaá na̱.