Apocalipsis 1:1 - Mixtec Tezoatlán

¹ Ña̱ yóꞌo kúú ña̱ ni̱ naꞌa̱ Jesucristo noo̱ ndidaá na̱ xínkuáchí noo̱ ná, ña̱ ni̱ xi̱ꞌo mií Ndios noo̱ ná saꞌa̱ ndidaá ña̱ꞌa yachi̱ ve̱i koo. Ta ni̱ ta̱ndaꞌá ná iin ángel nákaa̱ ti̱xi ndáꞌa̱ ná, ni̱ kii na ni̱ naꞌa̱ na̱ ndidaá ña̱ yóꞌo noo̱ yúꞌu̱, Juan, na̱ xínkuáchí noo̱ Jesucristo.

Apocalipsis 1:1 Iomraidhean Croise

San Juan 12:49

Ta o̱ du̱ú to̱ꞌon kána ña̱xintóni̱ mií yuꞌu̱ káꞌi̱n xíꞌín ndó. Tatá Ndios, na̱ ni̱ ta̱ndaꞌá yuꞌu̱ ve̱ii, no̱ón kúú na̱ ni̱ xi̱ꞌo choon no̱ói̱ ndi kía̱n kaꞌi̱n xíꞌín ndó, ta ndá to̱ꞌon kaꞌi̱n xíꞌín ndó.

San Juan 15:15

Ta o̱ chínaní ka̱ yuꞌu̱ ndo̱ꞌó ña̱ kúú ndó ta̱ kéchóon noo̱í, dá chi̱ ko̱ náꞌá taꞌon iin ta̱ kéchóon ndí ki̱án kée satoꞌo ra̱. Ta viti nachinaní yuꞌu̱ ndoꞌó amigoi̱, dá chi̱ ndidaá vá ña̱ꞌa ni̱ kaꞌa̱n tatái̱ xíꞌíín ni̱ ka̱sto̱ꞌin xíꞌín ndó.

San Juan 17:8

dá chi̱ ndidaá to̱ꞌon ni̱ xi̱ꞌo ní noo̱í ni̱ ka̱sto̱ꞌin xíꞌín rá, ta ni̱ na̱tiin va̱ꞌa raa̱n, ta náꞌá rá ña̱ miía̱n ndaa̱ noo̱ mií ní ni̱ kixii, ta kándísa ra ña̱ mií ní kúú na̱ ni̱ ta̱ndaꞌá ñaá ve̱ii.

San Juan 3:32

Ta xíꞌo na kuendá sa̱ꞌá ña̱ ni̱ xini na̱ xíꞌín sa̱ꞌá ña̱ ni̱ seídóꞌo na chí induú, tído ko̱ íin taꞌon xiín natiin va̱ꞌa ña̱ káꞌa̱n na̱.

San Juan 8:26

Kua̱ꞌá nda̱ꞌo ña̱ꞌa ió kaꞌi̱n xíꞌín ndó, ta ió nda̱ꞌo kua̱chi kuu keyíko̱i̱ saꞌa̱ ndo̱. Tído iin na̱ ndaa̱ kúú na̱ ni̱ ta̱ndaꞌá yuꞌu̱ ve̱ii. Ta sa̱va̱ꞌa ña̱ kúú to̱ꞌon ni̱ xi̱ꞌo na noo̱í, ñoó vá kía̱n káꞌi̱n xíꞌín ndidaá ña̱yuu ―kaá na̱.

Romanos 16:25

Ió choon noo̱ ndáꞌa̱ Ndios ña̱ kendakí ná ndo̱ꞌó xíꞌín to̱ꞌon va̱ꞌa dánaꞌi̱ saꞌa̱ Jesucristo. Ta to̱ꞌon va̱ꞌa yóꞌo kúú mií mií ña̱ ni̱ naꞌa̱ Ndios noo̱ yo̱, táꞌa̱n ña̱ ni̱ sa̱ káa̱ de̱ꞌé nda̱ rá ko̱ ñáꞌa̱ kava̱ꞌa ñayuú yóꞌo.

Gálatas 1:12

Dá chi̱ ko̱ ní nátiin taꞌon yuꞌu̱ to̱ꞌon yóꞌo noo̱ ni iin tóꞌón ta̱a, ta ni iin tóꞌón ta̱a ko̱ ní dánaꞌa̱ ña̱ noo̱í. Mií vá Jesucristo kúú na̱ ni̱ xi̱ꞌo to̱ꞌon va̱ꞌa yóꞌo noo̱í.

Efesios 3:3

Ta ni̱ naꞌa̱ túu Ndios ña̱ ni̱ sa̱ io de̱ꞌé noo̱ ná noo̱ yúꞌu̱. Ta sa̱ ni̱ taa va yuꞌu̱ cháá sa̱ꞌá ña̱ yóꞌo ko̱saa̱a̱n noo̱ ndo̱.

Tito 1:1

Yuꞌu̱ kúú Pablo, na̱ kéchóon noo̱ Ndios, ta kúúí iin apóstol, na̱ néꞌe to̱ꞌon Jesucristo, dá ná kasandaá ña̱yuu ni̱ ka̱xi Ndios kandeé káꞌano iní na̱ Jesús, ta kasandaá taꞌani na kanaꞌá ná to̱ꞌon ndaa̱ saꞌa̱ mií ná, dá ná kandeé ná kee na táto̱ꞌon ki̱ꞌo kóni̱ Ndios,

Apocalipsis 1:19

Ta taa ndidaá ña̱ ni̱ xino̱n, ta taa taꞌani ndidaá ña̱ kúu tiempo viti, xíꞌín ña̱ koo chí noo̱.

Apocalipsis 1:9

Ta yuꞌu̱ kúú Juan, na̱ kúú ñani ndo̱, ta ndóꞌo taꞌani nío̱ yuꞌu̱ táto̱ꞌon ndóꞌo nío̱ ndo̱ꞌó, ta nákaa̱i̱ ti̱xi ndáꞌa̱ Ndios táto̱ꞌon ñóꞌo taꞌani ndoꞌó, ta xíꞌo ndeé inii̱ tein ta̱ndóꞌó táto̱ꞌon xíꞌo ndeé taꞌani ini ndo̱ꞌó sa̱ꞌá ña̱ ndíta yó xíꞌín Jesucristo. Ta sa̱ꞌá ña̱ dánaꞌi̱ to̱ꞌon Ndios, xíꞌín sa̱ꞌá ña̱ káꞌi̱n saꞌa̱ Jesucristo, sa̱ꞌá ño̱ó ni̱ saꞌa̱n ta̱ néꞌe choon ni̱ da̱nkoo ra yuꞌu̱ iin yúku̱ íin ini ta̱ñoꞌo̱ noo̱ naní Patmos.

Apocalipsis 17:1

Ni̱ ndiꞌi, dá ni̱ kii iin ángel tein ndin usa̱ ángel, na̱ ni̱ sa̱ neꞌe usa̱ copa ñoó, dá ni̱ kaa na̱ xíꞌíín: ―Nakíi̱ chí yóꞌo, dá ná dánaꞌi̱ noo̱o̱n ndí kee Ndios dándóꞌo na nío̱ ta̱ꞌáná ñáꞌa̱ xíxi kée díkó mií no̱ó ta̱a, ñá ió no̱ó ta̱kui̱í kuaꞌa̱.

Apocalipsis 19:10

Dá ni̱ sa̱ kuíi̱n xi̱tíí noo̱ ná, dá ni̱ kaꞌín kandaño̱ꞌi na̱. Tído ni̱ kaa na̱ xíꞌíín: ―Ná dáꞌa ni keeón dión, dá chi̱ iin ta̱ xíno kuáchí dáó xíꞌín vóón noo̱ Ndios kúú yuꞌu̱, táto̱ꞌon ki̱ꞌo kée dao ka̱ ñano̱n, na̱ xíꞌo ndaa̱ kuendá saꞌa̱ Jesús. Kuaꞌán kandaño̱ꞌo iin tóꞌón dini̱ Ndios. Chi̱ to̱ꞌon ndaa̱ Jesús kía̱n dátoo̱n ña̱xintóni̱ profeta, dá káꞌa̱n na̱ sa̱ꞌá ña̱ ve̱i koo.

Apocalipsis 19:9

Dá ni̱ kaꞌa̱n ángel ñoó xíꞌín yuꞌu̱: ―Taa ña̱ koꞌi̱n kaꞌi̱n xíꞌón: “Ndikáꞌán ví na̱ ni̱ na̱kana Ndios koꞌo̱n kadíni víko̱ noo̱ tandaꞌa̱ na̱ kúú léko.” Dá ni̱ kaa taꞌani na xíꞌíín: ―Miía̱n ndaa̱ kuiti to̱ꞌon mií Ndios kía̱n káꞌi̱n xíꞌón ―kaá na̱.

Apocalipsis 21:2

Dá ni̱ xini mií yuꞌu̱, Juan, ña̱ kúú ñoo Jerusalén sa̱á, ña̱ kúú ñoo ii̱. Ta ni̱ xinii̱ ko̱nooan ve̱i ña nda̱ induú ni̱ kee mií Ndios, ta luu ni̱ kenduua̱n miíán táto̱ꞌon kée iin ñáꞌa̱ ni̱ kenduu mií ve̱i natiin yíi̱a̱n.

Apocalipsis 21:9

Ni̱ ndiꞌi, dá ni̱ kixi iin ángel nákaa̱ tein ndin usa̱ ángel ni̱ sa̱ neꞌe ndin usa̱ copa ni̱ chití ni̱ sa̱ ñoꞌo ta̱ndóꞌó sa̱ ni̱ ya̱ꞌa ñoó, dá ni̱ kaa na̱ xíꞌíín: ―Nakíi̱ chí yóꞌo diꞌa, dá koꞌi̱n dánaꞌi̱ noo̱o̱n na̱ koꞌo̱n tandaꞌa̱, na̱ kakuu ñadiꞌí na̱ kúú léko ñoó.

Apocalipsis 22:1

Ni̱ ndiꞌi, dá ni̱ da̱náꞌa̱ ángel ñoó iin yu̱ta ndato nda̱ꞌo noo̱í. Ta yu̱ta ñoó xíka ta̱kui̱í xíꞌo ña̱ kataki yo̱, ta ndato yéꞌe̱ ra̱ táto̱ꞌon ki̱ꞌo yéꞌe̱ yuu̱ ta̱tá. Ta ta̱kui̱í yóꞌo kána mií ti̱xi téi̱ noo̱ ió Ndios dándáki na xíꞌín na̱ kúú léko.

Apocalipsis 22:16

―Mií yuꞌu̱, Jesús, kúú na̱ ni̱ ta̱ndaꞌá iin ángel kéchóon noo̱í, dá ki̱ꞌo ndaa̱ na̱ kuendá saꞌa̱ ndidaá ña̱ yóꞌo noo̱ ndidaá na̱ kúú kuendá miíí. Yuꞌu̱ kúú na̱ ni̱ kii tein na̱ veꞌe rey David, ta yuꞌu̱ kúú ti̱ñoo̱ ndato xínko̱o tá kuaꞌa̱n tu̱u ―kaá na̱.

Apocalipsis 22:6

Dá ni̱ kaa ángel ñoó xíꞌíín: ―Ña̱ ndaa̱ kúú to̱ꞌon yóꞌo, ta miía̱n ndaa̱ xi̱nko̱o noo̱ káꞌa̱n. Sa̱ꞌá ño̱ó satoꞌo yo̱ Ndios, na̱ kúú Ndios xíꞌo ña̱ kándaa̱ ini na̱ kúú profeta na̱ saꞌa̱ ndí ki̱án koo, no̱ón kúú na̱ ni̱ ta̱ndaꞌá iin ángel kéchóon noo̱ ná noo̱ yo̱ꞌó, dá dánaꞌa̱ na̱ no̱ó ña̱yuu mií ná saꞌa̱ ndidaá ña̱ yati ve̱i koo, ña̱ kúú ña̱ kánian koo.

Apocalipsis 22:8

Ta mií yuꞌu̱, Juan, kúú na̱ ni̱ seídóꞌo ndidaá ña̱ yóꞌo, ta ni̱ xinii̱ xíꞌín noo̱í ña̱. Tá ni̱ ndiꞌi ni̱ seídóꞌi ña̱, ta ni̱ xinii̱ ñá, dá ni̱ sa̱ kuíi̱n xi̱tíí kuaꞌi̱n kandaño̱ꞌi ángel, na̱ ni̱ dánaꞌa̱ ndidaá ña̱ yóꞌo noo̱í.

Apocalipsis 22:9

Dá ni̱ kaa na̱ xíꞌíín: ―Ko̱ó, ná dáꞌa ni keeón dión, dá chi̱ iin na̱ xínkuáchí dáó xíꞌón kúú yuꞌu̱, táto̱ꞌon ki̱ꞌo kée dao ka̱ ñano̱n, na̱ kúú profeta, xíꞌín to̱ꞌon kée na̱ ndíta toon xíꞌín to̱ꞌon dánaꞌa̱ libro yóꞌo. Kuaꞌán kandaño̱ꞌo iin tóꞌón dini̱ mií Ndios.

Apocalipsis 4:1

Tá ni̱ ndiꞌi, dá ni̱ xinii̱ ni̱ nono̱ iin yéꞌé chí induú, ta tachi̱, ña̱ ni̱ sei̱do̱ꞌi míí saꞌa̱, ña̱ kía̱n níꞌi táto̱ꞌon ki̱ꞌo ni̱ꞌi káꞌa̱n trompeta, ño̱ó ni̱ kaa tuku xíꞌíín: ―Kuaꞌán kaa, nakíi̱, dá ná koꞌi̱n dánaꞌi̱ noo̱o̱n ndidaá ña̱ ve̱i koo cháá ka̱ chí noo̱ ―kaáa̱n.

Apocalipsis 5:7

Dá ni̱ ta̱tuu yati na̱ kúú léko ñoó ni̱ tiin na tuti kánóo noo̱ ndáꞌa̱ xoo kuáꞌa na̱ ió dándáki noo̱ téi̱ ñoó.