Sip. 9:9 - BUKO SIPUNENAN

⁹ Nanam le purimanuaiat pasamba sikalalep simanuntu bagam burut purimanuaiatnu siboboi, sipanguruatakenen Tuhan katubum katei matatsulu, kalulut nenda te puuktungannu kabagat purimanuaiat samba kabagat galajet sigalaiakenennu kabagat besit tubu ka tei matatsulu.

Sip. 9:9 Iomraidhean Croise

1Mos. 26:8

Piga pa' burunia aikuddu si Ishak sedda, kasara gogoi kinerenangan rimata Abimelekh ka jandelania, samba itconangan si Ishak ainia pauumun pasamba si Ribka, sinanalepnia.

PSALMEN 144:4

Sirimanua makere' le kele rusa sipuboboroi gogoinia kele ailiggou itusabau.

PSALMEN 39:5

“Ale Tuhan, paagai le kamateiatku, samba aponia tetere rurakku bule kuagainia taimatomku!

Pangt. 18:22

Kasei sibara sikalalep, isilo le puuktungan, sikalalep iate panguruat sibara katubut Tuhan.

Pangt. 19:14

Lalep samba pukaioat momoi tusilonia sibara ka ukkui, tapoi sikalalep simasiku patuat iate panguruat sibara katubut Tuhan.

Sip. 2:10

Ta'kusasakkeri matakku ka obaket matakku, samba ta'kuomake paatuatku ka senen angkat baga, aipoi maangka le bagat paatuatku kelulut ka sangamberi saggot tubuku. Nenda te buat sangamberi saggot tubukku.

Sip. 2:24

Ta'anai simaeru kasirimanua, ke' tamukom samba mulo samba musanang ka bagat besit tubunia. Kuagai, nene leu sibara kakabei Taikamanua.

Sip. 3:13

Samba senen sirimanua momoi rapukom, mulo samba masinanam pusanangan kabagat sangamberi besit tubunia, nenda leu iate siaket Taikamanua.

Sip. 3:22

Kuitconia taanai bulat simaeru ka sirimanua bele pei muangka baga ka galaiakenennia, kalulut nenda te puuktungannia. Kalulut kasei te masipatotoila katubunia aponia sipuaaili geti ka lepania?

Sip. 5:18

Ka senen sirimanua sipanguruatakenen Taikamanua pukaioat samba gege parimanuakenennia, bule isilo puuktungannia, samba bule ipuangka baga kabagat besit tubunia – nenda leu panguruat Taikamanua.

Sip. 6:12

Kalulut kasei siagainia aponia simaeru ka sirimanua ka sanganantat tetere sitete' ka purimanuaiatnia ka pusisiboiat, enungiennia kele ailiggou? Kasei momoi masikua ka sirimanua aponia sipuaaili geti katei matatsulu kalepatnia?

Sip. 7:15

Kabagat pusisiboiat purimanuaiatku akuitcoan sangambneri nene: ai sirimanua simatopit simasusubu ka putopinannia, ai sirimanua sikatai simaburu murimanua kabagat pukakatainia.

Malk. 2:15

Ta' pa Taikamanua sisasara aibailiuake kam sangaakkula samba sisara puririmanua pasamba sinanalep nenda? Aponia pinatut Tuhan ka pagalaiat nenda? Ta' anai bagei iate bule bara tatogamui sibailiu paamian Taikamanua simaeru. Oto jago kam tubumui, bui ibara ka talagamui sitaimatopit ka sinanalepnia.