Sip. 9:7 - BUKO SIPUNENAN

⁷ Kauan, kom kannu kabagat angkat baga, samba lo anggurnu kabagat sanang patuat, kalulut amaburuan Taikamanua aioba sigalaiakenennu.

Sip. 9:7 Iomraidhean Croise

1Mos. 12:19

Angoi nukua si Sarai nene bagim samba nuobaake kualania ibailiunia sinanalepku? Aikoinia, sinanalepnu; alaan samba tuituiake ekeu!”

1Rim. 8:66

Ka gogoi sikabalu koiniakenangan si Salomo sangamberi sirimanua nenda toili. Sangamberitda masiumunnakenia lepa toili sia ka lalepda ka angkat baga, kalulut sangamberi panukanan siaket Tuhan ka paguguletNia si David samba ka tai Israel paamianNia.

Sip. 10:19

Punen masibaraake ga'ga', samba anggur masibaraake puangkakat baga. Tapoi bui tabara bulagat masiluluinia.

Sip. 11:8

kalulut nenda ke' mananta rurania sirimanua, eddangan ipuangka baga ka bagania, tapoi kau le irepdep geti gogoi simagepgep, kalulut maigi. Senen sangamberi siooi iate siboboi le

Sip. 5:18

Ka senen sirimanua sipanguruatakenen Taikamanua pukaioat samba gege parimanuakenennia, bule isilo puuktungannia, samba bule ipuangka baga kabagat besit tubunia – nenda leu panguruat Taikamanua.

Sip. 7:14

Ka gogoi simaeru puangka kam baga, tapoi ka gogoi pangoringan repdep kam, gogoi pangoringan leu sibaraakenen Taikamanua le kele leuet gogoi simaeru, bule ta rasese sirimanua sara teterenia ka sibabara.

Sip. 8:15

Kalulut nenda kuuumun le obaket baga, kalulut taanai puuktungan bagei ka sirimanua ka tei matatsulu, sarat mukom samba mulo samba leu muangka baga. Nenda te sipaaleinia kabagat besit tubunia ka burut purimanuaiatnia sikau Taikamanua katubunia ka tei matatsulu.

4Mos. 6:20

Lepa si imam buita ipatoila komen nenda sibailiu panguruat sikokoiakenen kai Tuhan, nenda iate rubeiat sipunenan sibailiu rubeiat imam, samba leu ru'rukat samba bakkapat biribiri simanteu siripot aturan ibailiu rubeiat imam. Lepa nenda iapeite momoi ilo anggur sirimanua sipaguguletake tubunia kai Tuhan.

Mrk. 7:29

Kuanangan ka matania Jesus, “Kalulut tiboietnu nene, toiliakean ekeu, abelangan sanitu ka tubut togam.”

Luk. 11:41

Apa sibabara ka bagat pulokat samba mangkomui, ia te nupauuruake kam ka simageba, ia pei te malinanangan sangamberinia ka kam.

Joh. 4:50

Kuanangan ka matania Jesus, “Kenanan, aimuririmanua togam.” Tonem bagania sirimanua nenda ka tiboiet sikuat Jesus ka matania, tuituinangan leu et.

Pugap. 10:35

Senen sirimanua le ka senen bangsa sirepdep loto ka tubunia samba sigalai simaroipo nia te obaketnia.

5Mos. 12:12

Puangka kam baga ka matat Tuhan Taikamanuamui, sambat tatogamui, sapaguguletmui samba tai Lewi sikukuddu ka sangamberi laggaimui, kalulut ka sia tai Lewi ta anai polak rubeiatdra ka kupkumen laggaimui.

5Mos. 12:7

Ka kudduat nenda leu, Ka matat Tuhan Taikamanuamui, pukommuian samba puangkamuian baga sangalalepmui kalulut sangamberi uktuk sisilomui ka sigalaimui sisukatnakenen Tuhan Taikamanuamui.

Rut 3:7

Kele ailepa ipukom samba ipulo si Boas, sege bagania samba maangkanangan leu bagania. Lepa ei nia merep kalegret pasirurukat gandum. Simengmeng oi si Rut golok akenangan sobbet Boas, lepa perep akenangan tubunia kabebet reret Boas.