Sip. 9:5 - BUKO SIPUNENAN

⁵ Kalulut sirimanua sipuririmanua raagai, mamatei le sia, tapoi sirimanua simamatei ta raagai aponia pa, taanai upatda, beringan repdemen katubutda asapprungan.

Sip. 9:5 Iomraidhean Croise

2Sam. 14:14

Sangamberitta mamatei le sita, sita nene kele oinan simapipili ka polak samba tamomoi tururuakenia minca. Tapoi Taikamanua ta iaala engan sirimanua, iate lulunia ibesiake bule itoili minca sirimanua siribbaiakenen nenda.

Job 14:21

Sangamberi tatogania bailiu sirimanua abeuakenen, tapoi taiagaijetnia. Samba ke ibailiu sia sirimanua sitaiaddeakenen, ta anai sipaagaiake katubunia.

Job 30:23

Bulatnia, kuagai: Ekeu masiabbit aku ka kamataeiat, ka kudduat pasirurukat sangamberi sipuririmanua.

PSALMEN 109:15

Eddangan sangamberi nenda mariuriu ilelekakenia si Tuhan, bule itutataake ka polak repdemen katubutda.

PSALMEN 6:5

Toilingan, Tuhan, samba belaake aku, Kalulu kiliu bagaM arauake le aku.

PSALMEN 88:13

Raagai pa sirimanua sangamberi pukerenganNu kabagat pugepgeman, samba puroipoatNu ka laggai sitaanai repdemen?

Sip. 1:11

Repdemen ka gogoi situsasabau taanai, samba ka gogoi ka mata ka sibabara leu geti taan babara, taan babara repdemen ka tubutda sipuririmanua kalepakatnia.

Sip. 2:16

Kalulut ta'anai repdemen sitaimasususu, ka sirimanua simasiku paatuat, samba leu ka sitaiagai patuat, aipoi ka gogoi ka sibabara sangamberinia amaburuan tukalipogi. Samba sirimanua simasiku paatuat leu matei leuet kele sirimanua sitaiagai paatuat.

Sip. 7:2

Mei ka lalep sipurereureu baga peile maeru bele peile ka lalep pupupunenan, kalulut ka lalep pureuteugat baga le pangampulat tetere sirimanua; siripotnia sirimanua sipuririmanua buita rapuletsei nene.

Sip. 8:10

Itcokungan leu sangamberi sirimanua sikatai rateiakenen momoii tuguru, tapoi sirimanua sipuparaboat simaeru buita mutuitui ka kudduat sipunenan samba tukalipogi kabagat laggai. Nene leuet siboboi.

Sip. 9:10

Sangamberi siailit kabeinu galaiakenen, galaiake nenda kabagat ron tubu, kalulut taanai galajet, paatuet, puaagai samba sukut patuat kabagat laggaira simamatei, kaipa eijanannu.

Sip. 9:4

Tapoi kasei addeakenen sirimanua sipuririmanua sibara karoakenen, kalulut jojo sipuririmanua peile maeru bele peile singa simamatei.

Jes. 26:14

Atataan sia, taan muririmanua sia minca, aibailiuan sia ketsat, taan tususuru sia minca; bulatnia te, anuukuman samba anusubuakean sia, samba anutataakean senengamata pasirerepdepda.

Jes. 63:16

Ta pa Ekeu le Ukkuimai? Bulatnia, si Abraham ta iagai aponia pa pagalaiat kai, samba Israel ta iagai kai. Oi Tuhan, Ekeu le Ukkuimai; onim iate “Sipanebui kai” barania peile ka siburu.

Luk. 20:32

Kalepakatnia, matei leu ka sia sinanalep.

Ibr. 9:27

Makere kele siteuakenen ka sirimanua sangaminca le matei, lepa nenda, ukumanan le,