Sip. 9:11 - BUKO SIPUNENAN

¹¹ Itcokungan minca ka tei matatsulu kamanangan patakaiat ta uktuk ka simaola, samba kamanangan pasaggangan ta uktuk simaron, kisedda leu roti ta uktuk simasiku patuat, pukaioat ta uktuk simaagai, samba panguruat ta uktuk simaagai, kalulut tetere samba enungan purimanuaiat rananam le sangamberitda.

Sip. 9:11 Iomraidhean Croise

2Sam. 17:14

Iageti kuanangan si Absalom samba sangamberi tai Israel, “Nganturat Husai peile maeru ka nganturat Ahitofel.” Kalulut aiteuakean si Tuhan ta ipuriuriu singantruakenen Ahitofel nenda, bule ibaraake kamateiat Absalom.

2Sam. 17:23

Kele aiagainia si Ahitofel tairereddetda nganturatnia, kaunangan apo ka kalideinia, lepa toilinia ka lalepnia ka Gilo. Pasikelinangan sangamberi ka lalepnia, lepa tiggotnangan lolokkatnia. Kisedda te aimatei, samba rateiakerangannia ka puariat muntogatnia.

2Taw. 20:15

samba kuanangan, “Arepake ale tuanku Rimata Josafat samba sangamberi tai Jehuda samba leu sipulaggai ka Jerusalem. Aikua si Tuhan: Bui' numaloto kam masisaggangi saladdu simigi nenda. Kalulut ta kam pasasaggak, tapoi Taikamanua le.

Job 34:29

Ke mumengmengNia, kasei masiorakngake ukuman? Ke ilipputnake mataNia, kasei masiitcoNia ele tai bangsa ele sara sirimanua?

PSALMEN 76:5

Malatsat Ekeu, abeu pei le ka leleu simasun tarimeu kukuret.

Pangt. 1:5

Kabagat sangamberi panganturat nene tuppainangan puaagaira simasiku patuat, samba sibara simaagai masisese enungan.

Sip. 2:12

Lepa pitsakungan masiitso pusikuat paatuat, putaiaagai samba pukelakat paatuat, aipoi apania ragagalaiake sirimanua masisili rimata? sarat aponia sigalaiakenen sirimanua.

Sip. 3:14

Kuagai, sangamberi sigalai Taikamanua mariuriu le ibara teret buruburu; nenda tamomoi ruruppai samba tamomoi tubeleki; Taikamanua masigalai kisedda, bule ramaloto sirimanua katubuNia.

Sip. 3:17

Kuakungan ka patuatku: “Iukum le Taikamanua sirimanua simatopit samba leu sirimanua sitaimaroipo, kalulut ka sangamberinia samba sangamberi galajet ai teterenia.”

Sip. 4:1

Itcokungan minca senengamata paoreiat sipuaaili ka tei matatsulu, samba itco pei, elutda sirimanua situoorei samba taanai sipusuibi, kalulut rubeiat sangamberi sipaoorei ai sibara gege.

Sip. 4:4

Samba itcokungan senengamata besit tubu samba senengamata puaagai kabagat galajet iate si'sit baga ka sabagei. Nene leu siboboi samba galajet masijarik rusa.

Sip. 7:13

Lelekake galajet Taikamanua! Kasei pa momoi masiroipoake aponia soikoilutakenenNia?

Sip. 9:2

Sangamberinia makere le ka sia; enungan purimanuaiat sirimanua makere: sirimanua simalina patuat ele sirimanua sikatai, sirimanua simatopit ele sirimanua sikatai, sirimanua simalina ele sirimanua kasitsinnakenen, sirimanua sipanguruatake buluakenen ele sirimanua sitaipanguruatake buluakenen. Kele sirimanua simatopit, kisedda leu sirimanua sijo; kele sirimanua sipupalele, kisedda leu sirimanua sitaioba mupalelengan.

Sip. 9:3

Nene te kamateiat kabagat sangamberi sipuaili ka tei matatsulu; enungan purimanuaiat sirimanua makere. Patuatda tatogat sirimanua sun le pukakatai, samba pukelakat patuat ai kabagat patuatda burut purimanuaiat, samba lepa geti ailiakerangan laggaira sirimanua simamatei.

Jer. 46:6

Sirimanua simaatja tubu ta' moi raputuitui, saladdu ta' mio rabelaake tubutra; ka bare, ka bebet bat oinan Efrat le' ratusoksok samba rabele'.

Jer. 48:14

Kipa iooi ramaeme taimanteu ka Moab masikua, “Kai saladdu, simaron silepa sibo' ka pasaggangan”

Jer. 9:23

Kasenen le' ngangan Tuhan: “Bui' iumunake tubunia sirimanua simasiku paatuat kelulut sikut paatuatnia, bui iumunake tubunia sirimanua simagege ka lulut gegenia, bui iumunake tubunia sirimanua simakayo kalulut pukayoatnia,

Dan. 4:35

Sangamberi tai ka polak taanai paluluatnia. Malaika ka manua samba sipulaggai ka polak Taikamanua le sibakkatnia. Berisara sirimanua siooi masisaggangi siteuakekenNia, taanai simagege masiparereake apa galaiakenenNia.

Zakh. 4:6

Malaika nenda masikoiniake aku bule kusegeake patonekat Tuhan nene ka tubut Zerubabel, “Ta kalulut gegetdra saladdu samba ron tubum aibara puuktungannu, tapoi sibara ka paroman ka ketsatKu le.

Malk. 3:18

Itcorangan te geti minca sapaamianKu pabaggeijat ka talagat uktukdra sirimanua simatopit samba sirimanua sikatai, ka talagat sirimanua sipaguguletnake ka tubuKu samba sitapaguguletnake tubu ka tubuKu.”

EPESUS 1:11

Ka bagat Kristus leu ikau sita mueneu ka sangamberi palelengan, sita sikokoiakenen ka panandaatnia pei le manilo rubeiat siripot isiat Taikamanua sigalaiake sangamberinia siripot teu bagania,

5Mos. 8:17

Oto, bui' nupaatu kam, kalulut sigalai samba ronmui le saramui anumakayo kam.

5Mos. 8:18

Repdem kam, Tuhan Taikamanua le amasiake pukayoatmui. Aigalaiake kele nenda si Tuhan kalulut teret kineneiget aipeile maririuiriuNia ka bagat palelengaNia ka taikebbukatmui.

1Sam. 17:50

Kisedda te si David aikalaake samba aimateiake si Goliat, aipakei pipingping samba bukku! Ikalaake tai Filistin nenda samba imateiakenia, ta anai palittei ka kabei.

1Sam. 6:9

Pulelek kam enungannia, ke Peti Pakerekat Baga nenda iabbit ka isit tobbou laggainia le, iate laggai Bet-Semes, nenda katukolobatnia Taikamanuanda tai Israel le sipasiake pugejaat baga sabeu nenda ka tubutta. Tapoi ke pedati nenda ta iailiake sedda, sedda agaitangan pugejaat baga nenda ta sibara ka Taikamanuan Israel, tapoi aiipo le.”