Sip. 9:10 - BUKO SIPUNENAN

¹⁰ Sangamberi siailit kabeinu galaiakenen, galaiake nenda kabagat ron tubu, kalulut taanai galajet, paatuet, puaagai samba sukut patuat kabagat laggaira simamatei, kaipa eijanannu.

Sip. 9:10 Iomraidhean Croise

1Mos. 37:35

Kenanen rapusuibi bagania tatogania, taimanteu samba tainanalep tapoi ta' ioba rapusuibi bagania. Kuanangannia, “Ta'! eddangan kupureureu baga pat matei aku kusoibi togakku.” Kise te si Israel isoibi, togania si Josep.

1Taw. 22:19

Oto, kau leu kam masipaguguletake tubu kai Tuhan Taikamanuamui ka muinet puririmanuamui. Taddangan kam sigalai uma addeat Tuhan, bule Peti Pakerekat BagaNia samba sangamberi pugalai bagei pakeiet sikokoi addeat parurukat momoi tugalakngake sedda.”

1Taw. 28:20

Lepa geti kuanangan Rimata David minca kai Salomo togania, “Buita matonem bagam samba magege ekeu. Tadda te galajet nenda samba bui' makarat bagam katubut apapa leu et. Tuhan Taikamanua panindogietku masirop ekeu geti. Ta' ikakaddiuake ekeu geti. Nia masipaalei ekeu geti teret kapplu sangamberi galajet nenda.

Neh. 2:12

Ujunia nenda ta'aku poiliat ka tubut kasei pa', aakena Taikamanua seset patuat katubukku addeat masigalai minca laggai Jerusalem. Mancepnia ka talagat soibo pei le suru aku sogaikungan piga pa' saalei kuei kai ka ulau irip laggai. Ta'anai akuambit kai tarimeu bagei, sarat kaliddei sikudduijiku le'.

Neh. 4:2

Ka matat saaleinia samba saladdudra tai Samaria, kuanangan, “Aponia ragagalaiake tai Jahudi simabesi' purimanuaiat nenda” Raoba leu pa' minca masigalai laggai nene? Rapaatu le te galajet nenda momoi ilepa ka bagat sangagogoi, kenanen sarat kapasipangunguruatnake buluakenen? Momoi leu pa' rapakei bukku simakakasak nenda rabailiuakenia rupit lalep?

Neh. 4:6

Kineneiget riuriu le kupaeru kai irip nenda samba taan mauuju sangamberi irip nenda ilepa itupaeru teret iletalaga buaknia, aipoi rapugalai sarakyat ka bagat muinet paatuat.

Job 10:21

Ta'an mabuburu kutuitui samba ta'an totoili minca masiailiake laggai simagepgep,

Job 10:22

laggai simagepgep, simasun ailiggou samba pukakatai, simakere pato ka pugepgeman.”

Job 21:13

Tataakerangan gogoira kabagat sanang puririmanua, samba matei sia kabagat arau baga.

PSALMEN 6:5

Toilingan, Tuhan, samba belaake aku, Kalulu kiliu bagaM arauake le aku.

Pangt. 3:28

Bui nukua ka saaleinu sirimanua, putuituian samba toiliakean ekeu, mansep geti akekungannia, tapoi tiddogetnia nenda ai katubum.

Sip. 11:3

Ke' bai tanai rusa mainep, iageti bele urat; samba ke'bai mabukkat loina ka isit ka kaiaman ele ka bare, kakudduat ka belekat loina nenda, sedda te ikukuddu.

Sip. 11:6

Karapake karamennu ka simanceman, samba bui ipuari ipugalai kabeinu ka sinago, kalulut ta'nuagai Nene ele nenda geti tueeddet, ele karuania makere le erunia.

Jes. 38:10

“Kuakungannia: Kabagat paoggangan rurakku buita mutuitui aku, ka matatbaliu laggaira taikabaga tusogai aku ka legei purimanuaiatku.

Jer. 29:13

Kebai nugaba kam Aku, sesemuian geti Aku; Kebai nurereake kam Aku kamuinet paatuamui,

4Mos. 13:30

Iageti pusuibinangan si Kaleb patuatda bangsa nenda kamatat Mose, kuanangannia, “Ta! Memei le sita samba kudduijittangan laggai nenda, kalulut bulat momoi le takalaakenia!”

Mat. 20:7

Kuarangan ka matania, ‘Ta anai siupaji kai.’ Kuanangan ka matada, ‘Oto kam leu et, kenan kam mugalai ka monen anggurku.’

Mat. 6:33

Besiake le kam boiki Purimataat Taikamanua samba puroipoatnia, tuppaiakenangan leu sangamberinia nene ka kam.

Joh. 4:34

Kuanangan ka matada Jesus, “Katku ia te mugalai siobat bagat sikoiniake aku samba masilepaake galajetnia.

Joh. 5:4

Aipoi ai teterenia itugorosot malaikat Tuhan ka oinan masigotso oinan. Kasei tugorosot boiki ka oinan aimugogotso oinan, male, kenanen apa pa besinia.

Joh. 9:4

Ai pei le matatago buita tagalai galajet sipasikokoiniake aku; babara poi soibo, sedda taan anai kasei pa momoi mugalai.

ROMA 12:11

Bui ipagulai ngamangmui, kau ipujuluu ketsatmui samba puuku kam si Tuhan.

1Kor. 15:10

Tapoi kalulut kiliu bagat Taikamanua, bailiu kele kisean aku kineneiget, samba kikiliuna aku ta siboboi. Bailoknia, saliu pei le pugagalaira sangamberida pugagalaiku; tapoi ta leu aku, kiliu bagat Taikamanua le aipaalei aku.

1Kor. 16:10

Ke moi si Timoteus, puuku kam nia, bui ka bagat loto ikuddu ka talagamui, aipoi galajet Tuhan le igagalai keleu aku.

1Kor. 9:24

Ta pa nuagai kam, sia sipananangka ka panangkakat, sangamberida le pabalau, tapoi sarat sara le sisilo upa kamanangan? Kau kisedda leu nupabalau kam, bule nusilo kam upa kamanangan.

1Kor. 9:26

Ia te lulunia kaku ta pababalau aku si ta paraboat, samba aku ta sipabubuku, sesena le buku.

EPESUS 5:16

samba bui nupasibbu kam tetere, aipoi tetere kineneiget tetere sikatai le.

Kol. 3:23

Aipoi apa nugalai kam, bulat sibara ka paatuat nugalai kam nia kele kai Tuhan, bui kele ka sirimanua.

1Sam. 10:7

Ke sangamberinia nenda muaili, galaiake le apa le sibabagai bagam simaeru, kalulut Taikamanua masipaalei ekeu.