Sip. 9:1 - BUKO SIPUNENAN

¹ Bulatnia te, sangamberinia nene akulelekakean, sangamberi sirimanua simatopit samba sangamberi sirimanua simasiku patuat samba sangamberi sigalaiakenenda, nuntut baga ele lagat baga, ai ka kabei Taikamanua; ta raagai sirimanua aponia siloketnia.

Sip. 9:1 Iomraidhean Croise

Job 12:10

Aile kakabeiNia purimanuaiat sangamberi sipungongoingoi, samba engan senen sirimanua.

Job 27:12

Bulatnia, tubumuian sangamberimui amasiitco, angoi mupatuat kam sita' katukolobat?”

Job 5:8

Ke aku bai ka purimanuaiatnu, ka Taikamanua le kupusosoga. KatubuNia le kupangangasege, samba leu kukakau pakaroatku.

PSALMEN 10:14

Tapoi Nuitco le nia, aipoi Ekeu le sipasiitco pubesikat tubu samba besit paatuat, bule Nualania ka kabeiNu. KatubuM le rataroake tubutda sitaioitubu; ka siputataina Ekeu le sipasirorop.

PSALMEN 119:109

Purimanuaiatku sarat masipaseseake pulotokat, tapoi surukatNu ta kukakalipogi.

PSALMEN 31:5

Belaake le aku ka jarik sigalaira sirimanua kaku, kalulut Ekeu le kudduat pukunenanku.

PSALMEN 73:3

Kalulut matutu bagaku ka sirimanua simabuak titiboat, ke' kuitco uktukda sirimanua sikatai.

Pangt. 16:3

Segeake le katubut Tuhan sangamberi siisiakenennu, iageti mariuriunangan sangamberi siisiakenennu.

Sip. 1:17

Akumuineakean paatuatku masiagaikolou pusikuat paatuat samba puaagai, putaiaagai samba pukelakat paatuat. Tapoi kuagai le, nene leu et iate besiakenen masijarik rusa,

Sip. 10:14

Sirimanua sitaiagai paatuat maigi titiboatnia, kenanen bai taraagai sirimanua aponia geti sipuaaili, samba kasei sipasikukua katubunia aponia geti muaaili lepania?

Sip. 7:15

Kabagat pusisiboiat purimanuaiatku akuitcoan sangambneri nene: ai sirimanua simatopit simasusubu ka putopinannia, ai sirimanua sikatai simaburu murimanua kabagat pukakatainia.

Sip. 7:25

Kuipoake le patuatku bule kuagainia, masilelekake, samba masigaba sikut patuat samba pubulanan, samba leu masiagai pukakatai nenda iate taiagai patuat samba kelat patuat nenda iate purorokat.

Sip. 8:14

Ai sara pusiboboiat sipuaili ka polak: ai sirimanua simatopit, sisilo ukuman simateu ka galajet sirimanua sikatai, samba ai sirimanua sisilo upa ka galajetda sirimanua simatopit. Aku masikua: “Nene leuet siboboi!”

Sip. 8:16

Kateteret akulelekakennia bule kuagai kolou sikut patuat samba itcokungan galajet sigalaiakenen sirimanua ka polak taimalaulau sinago samba sinoibo,

Sip. 8:7

Bulatnia te, ta iagai aponia sipuaili, kalulut kasei te sikua kamatania kipa ipuaili nenda?

Sip. 9:6

Nuntut bagatda, ele pulagakat baga samba tutut bagatda amaburuan aimapepe, samba teret buruburu taan anai rubeiatda kabagat sangamberinia sipuaaili ka tei matatsulu.

Jes. 26:12

Oi Tuhan, Nutarekake le geti aban ka kai, kalulut senengamata galaiakenenmai, Ekeu le masigagalaiake ka kai.

Jer. 43:6

Taimanteu, tainanalep, tatoga samba totogat rimata sinanalep samba senen sirimanua siobaakenen Nebuzaradan, utet saladdu sipujajago, katubut Gedalya togat Ahikam togat Safan; kasedda leuet nabi Jeremia samba si Barukh togat Neria.

5Mos. 33:3

Bulatnia, manuntu bagat Tuhan ka bangsaNia. Jagonangan sangamberi sirimanua sibailiu bakkatNia. Kauan tapurappo kam ka rereNia samba tareddet sangamberi parentaNia.

2Tim. 1:12

Ia te lulunia akuorik sangamberinia nene, tapoi ta mamaila aku; aipoi kuagai nia katonemietku samba matonem bagaku sangamberi sinegeakenennia kaku momoi ipasikeli nia teret ka gogoi sialu.

1Ptr. 1:5

Ia te kam pinasikeli ka geget Taikamanua kalulut tonem baga ujumui masingena puaragat simatatarek patoilaket ka gogoi sialu.

1Sam. 2:9

Sirimanua simatopit sarat masanang le ka bagat pasikelat Tuhan. Tapoi sikatai tusubuake ka bagat pugepgeman. Ronta saratta ta momoi tukaroake, puroron sirimanua ta iaake kamanangan.