Sip. 7:6 - BUKO SIPUNENAN

⁶ Kalulut kele nau imalabo rui ka tei koali, kisedda te rapuga'ga sirimanua sitaiagai patuat. Nene leu siboboi.

Sip. 7:6 Iomraidhean Croise

PSALMEN 118:12

Raalou le aku kele mani, mujuluu kele obengan kabagat turuturu simarui, tapoi ka onin Tuhan kalaakekungan sia.

PSALMEN 58:9

Eddangan sia kele keong sibailiu ngengle, kele suruket simakakatai sitaipasiitco sulu.

Pangt. 29:9

Ke pakaro simasiku patuat ka sitaiagai patuat pugolunangan sitaiagai patuat samba mugaga, bailiu taanai pusanangan.

Sip. 2:2

Bailiu agaikungannia, pagalaiat “Muga'ga iate putaiaagai samba pusanangan ta'anai lulunia.”

Ams. 8:10

Punen puangkakat bagamui Kubabailiuake geti pureureugat baga, samba sangamberi uraimui ibailiu geti soubaga. “Kugagalai le' geti itusone sulu talagat sinago samba masikau imagepgep polak talagat torot gogoi. Kukokomakake le' geti komak goni ka senen tenga samba masibailiuake senen ute' tukuilo'. Kugagalai te' geti sibailiu pureureugatbaga kalulut ka kamatei togania sisasara, kalepakatnia bailiu kele gogoi sabau.”

Luk. 16:25

Kuana le si Abraham, ‘Repdep le sirou: ka teteret purimanuaiatnu anusiloan simaeru, kai Latsarus geti sikatai le. Kineneiget tupususuibingan le nia, ekeu geti masiorikngan le.

Luk. 6:25

Paan te ka kam simaektek kineneiget, aipoi malalaje le kam geti. Paan te ka kam sipugagaga kineneiget, aipoi murereureu le kam baga samba musou geti.