Sip. 7:2 - BUKO SIPUNENAN

² Mei ka lalep sipurereureu baga peile maeru bele peile ka lalep pupupunenan, kalulut ka lalep pureuteugat baga le pangampulat tetere sirimanua; siripotnia sirimanua sipuririmanua buita rapuletsei nene.

Sip. 7:2 Iomraidhean Croise

PSALMEN 90:12

Oto gelai le kai masiadde sangamberi gogoimai, bule kusese kai sikut patuat.

Sip. 2:14

Matatda simasikupaatuat ai ka utenia, beringan sirimania sitaiagai paatuat muenung le ka pugepgeman, tapoi kuagai leuet, enungan puririmanua nene iorak le sia simakere.

Sip. 2:16

Kalulut ta'anai repdemen sitaimasususu, ka sirimanua simasiku paatuat, samba leu ka sitaiagai patuat, aipoi ka gogoi ka sibabara sangamberinia amaburuan tukalipogi. Samba sirimanua simasiku paatuat leu matei leuet kele sirimanua sitaiagai paatuat.

Sip. 3:19

Kalulut enungan puririmanuan sirimanua makere le enungan puririmanuan tarimeu, enungan puririmanua simakere iorak le sia; kele imatei sisara, kisedda leu bagei. Ka ruania ai enga simakere, samba sirimanua taanai pabaggeiatnia ka tarimeu, kalulut sangamberinia iate siboboi le.

Sip. 3:20

Karuania masiailiake kudduat simakere; karuania sibara ka abu samba karuania toili minca ka abu.

Sip. 6:6

Kenanen murimanuannia ruangaminca kabagat sangaribu ngarura, ke ta inanam pusanangan: tapa sangamberinia masiailiake sara kudduat?

Sip. 9:2

Sangamberinia makere le ka sia; enungan purimanuaiat sirimanua makere: sirimanua simalina patuat ele sirimanua sikatai, sirimanua simatopit ele sirimanua sikatai, sirimanua simalina ele sirimanua kasitsinnakenen, sirimanua sipanguruatake buluakenen ele sirimanua sitaipanguruatake buluakenen. Kele sirimanua simatopit, kisedda leu sirimanua sijo; kele sirimanua sipupalele, kisedda leu sirimanua sitaioba mupalelengan.

Sip. 9:3

Nene te kamateiat kabagat sangamberi sipuaili ka tei matatsulu; enungan purimanuaiat sirimanua makere. Patuatda tatogat sirimanua sun le pukakatai, samba pukelakat patuat ai kabagat patuatda burut purimanuaiat, samba lepa geti ailiakerangan laggaira sirimanua simamatei.

Sip. 9:5

Kalulut sirimanua sipuririmanua raagai, mamatei le sia, tapoi sirimanua simamatei ta raagai aponia pa, taanai upatda, beringan repdemen katubutda asapprungan.

Jes. 47:7

Siboiki ekeu masikua: “Teret buruburu mariuriu le ibaiiu aku rimata sinanalep!” beringan ekeu ta anuagai samba ta anupaatu kalepakat sangamberinia nenda.

Jer. 16:8

Bui' nutuguru ka lalepda sirimanua sipupupunen addeat mukuddu, mukom samba mulo pasamba sia.

Hag. 1:5

Kau le', nulelekngake kam purimanuaiatmui!

Malk. 2:2

Suru' kam Aku ka galai tubumui. Ke ta nuoba kam masiarepmake tiboietKu, teleikungan kam. Sangamberinia uktuk sisilomui silinangannia bailiu telei. Bulatnia te sangamberi simaeru nenda Akuteleian, kalulut ta anupuletcei kam parentaKu.

4Mos. 23:10

Kelan le ngai punuteteu Jakob tamomoi tuadde, bangsa Israel iginia ta magulai. Bule matei aku kele sirimanua simaroipo baga bule teteret purimanuaiatku kele teteret purimanuaiatda sangamberi sirimanua nenda.”

Mat. 5:4

Mauktuk te sia sipurereureu baga; ipususuibi poi sia Taikamanua.

5Mos. 32:29

Ke bai masiku patuatdra, raagai kolou geti, samba paatutdrangan kalepakat purimanuaiatdra.

5Mos. 32:46

kuanangannia, “Lelengake kam sangamberi parenta sisegeakenenku ka tubumui gogoi nene. Gelaiake kam ka tatogamui, bule imariuriu topitdra masigalaiake sangamberi surukat Tuhan.

Plp. 3:19

Kalepakat puririmanuanda ia te pulangokat, taikamanuanda ia te balugura, pulatsananda ia te ailada, sarat pagalaiat polak le rapaatu.

Ibr. 9:27

Makere kele siteuakenen ka sirimanua sangaminca le matei, lepa nenda, ukumanan le,