Sip. 7:17 - BUKO SIPUNENAN

¹⁷ Bui' makope numakatai, bui' numataiagai patuat! Angoi nuoba matei ke tapei teterenia?

Sip. 7:17 Iomraidhean Croise

2Sam. 6:20

Kateteret aitoili si David ka uma purimataat ikau paroroiat ka sangalalepnia, bela si Mikhal togat Saul masiailiake si David samba kuanangan, “Gogoi nene rimata Israel bulat aikau tubunia abeuakenen! Amubulututnia kele sitaiagai patuat, sitaiagai puailaat ka matatda sapagugulet tainanalep, paguguletda sipugagalai ka uma purimataat!

Job 22:16

Tuoppu sia ainan ta'pei aiaili gogoi kamateiatda, samba raggaiakenangnan sia eba.

PSALMEN 55:23

Segeake le karat bagam katubut Tuhan, iageti pasikelinangan ekeu! Ta iobaake ipageugeu sirimanua simatopit.

Pangt. 10:27

Loto kai Tuhan masipananta puririmanua, tapoi sangamberi rurat sirimanua sikatai tupatete.

Jehz. 16:20

Beringan leu tatogam taimanteu samba tainanalep situ'tuakenennu bakkatKu alanungan samba panguruatakenungan sia ka tularat sibailiu komenda. Malabbei peile pa puoloman tubum nene

Jehz. 8:17

Lepa kuanangan katubukku: “Anuitcoan leu nenda, ale togat sirimanua? Pakaroat sigoiso pa nenda ka muntogat Jehuda, ragalaiake sangamberi galajet sikatai sene, rasunake polak nene ka pukakatai simakope samba kabagat nenda rabesiki le patuatKu simariuriu? Bulatnia, muparaboat le sia sitaimateu kamatakKu.

Pugap. 12:23

Ia leu ne teterenia tepanangan nia malaikat Tuhan, kalulut taisusuruna Taikamanua; gutgutnangan nia leiti, matei nia.

Pugap. 16:28

Pugereinangan si Paulus sabeu nganga kuanangan, “Ba gagalai sikatai ka tubum ai kai sangamberimai sene.”

Pugap. 5:10

Belenangan leu et ka bebet reret Petrus, tata engania. Kele aratuguru tailainge, itcora le atataan nia, lepa bairatrangan nia, rateiakerangan nia ka bebet simanteunia.

Pugap. 5:5

Kele aiarep tiboiet nene si Ananias, bele nia, tata engania. Malotorangan simakope sangamberi sirimanua sipasiaarep pagalaiat nene.

Jak. 1:21

Oto ribbaiake le kam sangamberi pulolinan samba pukataikat simaigi, samba silo le kam ka leppet baga tiboiet siurepmakenen ka paatuatmui, simagege masiarauake ketsatmui.

1Sam. 25:38

Ele aili pulu ngagogoi pa oraknangan si Nabal besit teinung minca sibara kai Tuhan bailiu mateinia.