Sip. 7:15 - BUKO SIPUNENAN

¹⁵ Kabagat pusisiboiat purimanuaiatku akuitcoan sangambneri nene: ai sirimanua simatopit simasusubu ka putopinannia, ai sirimanua sikatai simaburu murimanua kabagat pukakatainia.

Sip. 7:15 Iomraidhean Croise

1Mos. 47:9

Aleginangan si Jakob, “Amurimanuangan aku sangotu telu pulu ngarura sibailiu sipueppak. Purimanuaiatku nenda matete samba si sun katai le, ta' kele nantat rurat taikebbukatku sipuririmanua sibailiu sipueppak.”

1Rim. 21:13

Rua sigalai sikatai mukuddu sipamamatai pasamba si Nabot, samba ka matat sirimanua simigi rasusunia aipateleiji Taikamanua samba rimata. Kalulut nenda tuambitnia ka ulau laggai lepa turibbai pasamba bukku teret matei.

PSALMEN 10:3

Sirimanua sikatai raatciake le siobakat paatuatnia sirmanua simapepe paatuat masitelei samba masitataake si Tuhan.

PSALMEN 39:6

Itco, piga ngaremang le pa anuteuake rurakku; samba tetere purimanuaiatku kele taanai kamatam. Bulatnia te, sirimanua bulat siboboi le. S e l a

Sip. 2:23

Sanganantat puririmanuania sun le pureureugat baga samba pugagalainia sun le besit paatuat, mandeaan kateteret sinoibo paatuatnia ta' masanang. Nene leu siboboi le.

Sip. 3:16

Itcokungan leu ka tei matat sulu: ka kudduat pasiukuman, sedda leu taanai tusese katuroipoat, samba ka kudduat katuroipoat, sedda leu tusese sitaimaroipo.

Sip. 6:12

Kalulut kasei siagainia aponia simaeru ka sirimanua ka sanganantat tetere sitete' ka purimanuaiatnia ka pusisiboiat, enungiennia kele ailiggou? Kasei momoi masikua ka sirimanua aponia sipuaaili geti katei matatsulu kalepatnia?

Sip. 9:9

Nanam le purimanuaiat pasamba sikalalep simanuntu bagam burut purimanuaiatnu siboboi, sipanguruatakenen Tuhan katubum katei matatsulu, kalulut nenda te puuktungannu kabagat purimanuaiat samba kabagat galajet sigalaiakenennu kabagat besit tubu ka tei matatsulu.

Jes. 65:20

Taan babara minca sedda toga sigoiso simatete' gogoi puririmanua samba saukkui sitaiaili rurania teret baja', kalulut kasei sipururura sangotu, tuaddeake le sibau tubu, samba kasei sitaiaili rurania sangotu, tuaddeake siorak pateleijat.

Joh. 16:2

Rakekekele te kam ka uma parurukat. Babara te teterenia ka bagada te simateiake kam siobat bagat Taikamanua le aragalai.

Pugap. 7:52

Kasei ka tai nabi ta arakukuru taikebbukatmui? Samba ramateiake sipasipopoiliat siburu kaoijanan Sirimanua Simaroipo, ia te sipajo samba simateiakenenmui kineneiget.