Sip. 5:7 - BUKO SIPUNENAN

⁷ Ke nuinco ka sara laggai rapaorei sirimanua simage samba surukat kesedda leu tupakatai puroipoat, bui' imakisei bagam ka pagalaiat nenda, kalulut sara simabuak tiboi tubu masipasikeli sabagei, kisedda leuet bulat simabuak tiboi tubu masipasikeli sia.

Sip. 5:7 Iomraidhean Croise

Pangt. 23:17

Bui imasisi' bagam ka sirimanua sijo, kau mariuriu numareddet ka Taikamanua,

Sip. 12:13

Kapangampulat tiboiet kasenen siarep iate: kalotoake le geti Taikamanua samba pusiddonan le kasangamberi surukatNia, iate Nene galaiakenen senen sirimanua.

Sip. 3:14

Kuagai, sangamberi sigalai Taikamanua mariuriu le ibara teret buruburu; nenda tamomoi ruruppai samba tamomoi tubeleki; Taikamanua masigalai kisedda, bule ramaloto sirimanua katubuNia.

Sip. 3:16

Itcokungan leu ka tei matat sulu: ka kudduat pasiukuman, sedda leu taanai tusese katuroipoat, samba ka kudduat katuroipoat, sedda leu tusese sitaimaroipo.

Sip. 5:3

Ke mupalelengan ekeu katubut Taikamanua, bui' nusaklaake nugalaiakenia, kalulut ta ioba bagaNia ka sirimanua sitaagai patuat. Galaiake le palelengannu.

Sip. 7:18

Bulat maeru ke nuungkaake sara, samba ta nuobaake bagei, kalulut sirimanua sikalotoake Taikamanua bela le karuania nene.

Sip. 8:12

Kenanen sirimanua sijo samba sigalaiake sikatai sangotungaminca murimanua simaburu, tapoi kiuagai, sirimanua sikalotoake Taikamanua rasilo le geti puuktungan, kalulut maloto sia ka purimataatNia.

Sip. 8:13

Tapoi sirimanua sikatai ta rasesese puuktungan samba kele ailiggou ta mabuburu rurania, kalulut ta malotonia ka purimataat Taikamanua.

Sip. 8:9

Sangamberinia nene akuitcoan samba akulelekakean sangamberi galajet sigalaiakenen ka tei matatsulu, kateteret sara sirimanua masikupkupake sirimanua sabagei pat mateinia.

Mat. 12:36

Tapoi kukua nia ka matamui: senen tiboiet si ta galai siniboira sirimanua, raalegi te ka gogoi pasiukuman.