Sip. 5:18 - BUKO SIPUNENAN

¹⁸ Ka senen sirimanua sipanguruatakenen Taikamanua pukaioat samba gege parimanuakenennia, bule isilo puuktungannia, samba bule ipuangka baga kabagat besit tubunia – nenda leu panguruat Taikamanua.

Sip. 5:18 Iomraidhean Croise

PSALMEN 42:8

Koat simalio musoga sipaalegi kabagat gong purupugatNu; senengamata roirai samba lektukNu muguilu masilakkup aku.

Sip. 11:9

Pugora kam baga, ale tailainge, kabau tubum, eddangania ipugora bagam ka teteret silainge ekeu, samba tutnake siobat bagam samba kasiobat matam, tapoi agai le, kalulut ka sangamberinia Nene iambit te geti ekeu Taikamanua ka pasiukuman!

Sip. 2:10

Ta'kusasakkeri matakku ka obaket matakku, samba ta'kuomake paatuatku ka senen angkat baga, aipoi maangka le bagat paatuatku kelulut ka sangamberi saggot tubuku. Nenda te buat sangamberi saggot tubukku.

Sip. 2:24

Ta'anai simaeru kasirimanua, ke' tamukom samba mulo samba musanang ka bagat besit tubunia. Kuagai, nene leu sibara kakabei Taikamanua.

Sip. 2:3

Itubbui le puoobaku mutopit, kubesiake le musanang pasamba mulo anggur samba mugaugau. Kukua le nendangan enungan simaeru ka sirimanua masinanam puririmanuania sitete ka polak nene.

Sip. 3:22

Kuitconia taanai bulat simaeru ka sirimanua bele pei muangka baga ka galaiakenennia, kalulut nenda te puuktungannia. Kalulut kasei te masipatotoila katubunia aponia sipuaaili geti ka lepania?

Sip. 6:2

ka sirimanua sikau Taikamanua pukaioat, pubebeunan, bailiu berisara simagulai ka siobat bagania, tapoi ka sirimanua nenda ta aikau Taikamanua gege inanamnia, tapoi sirimanua sabagei le masinanam! Nene te pusiboboiat samba pangoringan simapongit.

Sip. 8:15

Kalulut nenda kuuumun le obaket baga, kalulut taanai puuktungan bagei ka sirimanua ka tei matatsulu, sarat mukom samba mulo samba leu muangka baga. Nenda te sipaaleinia kabagat besit tubunia ka burut purimanuaiatnia sikau Taikamanua katubunia ka tei matatsulu.

Sip. 9:7

Kauan, kom kannu kabagat angkat baga, samba lo anggurnu kabagat sanang patuat, kalulut amaburuan Taikamanua aioba sigalaiakenennu.

Jer. 52:34

Pagalaiat komennia, rimata Babel mariuriu le ikaunia, siripokat pakeietnia sisenen gogoi, ujut purimanuaiatnia, teret gogoi kamateiatnia.

1Kor. 16:16

Bule nureddet kam sia sirimanua kele nene samba sabagei sipugagalai samba sipusasaggo tubu.

5Mos. 12:18

Kam samba tatogamui, sapaguguletmui samba tai Lewi sikuddu ka laggaimui, bui'ta rakom panguruat nenda ka matat Tuhan Taikamanuamui, ka kudduat sipilit Tuhan Taikamanuamui, samba ka kudduat nenda bui' ta muangka kam baga ka lulut sangamberi sigalaimui.

5Mos. 12:7

Ka kudduat nenda leu, Ka matat Tuhan Taikamanuamui, pukommuian samba puangkamuian baga sangalalepmui kalulut sangamberi uktuk sisilomui ka sigalaimui sisukatnakenen Tuhan Taikamanuamui.

5Mos. 26:11

Sura'ake sangamberi puuktungan siaket Tuhan Taikamanuamui ka kam samba ka lalepmui. Sogai kam tai Lewi samba tai toi sikuddu ka talagamui raoi ka punen nenda.

1Tim. 6:17

Nganturu sia simakayo ka polak nene, bui ramabuak paatuat, samba bui rapukaronan ka apa pa sitaimariuriu, kele pukayoat, Taikamanua le karoniet, sipasiaake ka sita sangamberinia ta anai gulai puuktungietta.