Sip. 5:13 - BUKO SIPUNENAN

¹³ Samba pukaioat nenda masubu le kalulut pangoringan, bailiu berisara katubunia uktuk togania.

Sip. 5:13 Iomraidhean Croise

1Mos. 14:16

Iageti oinangan aiala minca si Abram bibilet silepa turaurau, samba leuet si Lot pasamba sangamberi pukaioatnia, samba tainanalep samba sia sabagei sikabe'.

1Mos. 19:14

Lepa ei si Lot masiailiake karua tunangan tatogania, samba kuanangan, “Olaake kam bela ka kudduat nene, aipoi ipakakataian le si Tuhan kudduat nene.” Tapoi arapaatu paguileatnia le si Lot.

1Mos. 19:26

Tapoi sinanalep Lot masipitsa ka teitei, iageti silinangan tubunia bailiu arigit garam.

Job 20:20

Kalulut alau bagania sita' tetere, oto ta sesege bagania.

Pangt. 1:19

Kisedda te kalepakat purimanuaiatda simaalau baga sibara kapuuktungan sitaimaroipo, sipasiala engan sirimanua ka enungan sikatai.

Pangt. 1:32

Sirimanua sitaimaagai tumateiake le nia geti kalulut oret bagania, sirimanua simakela patuat tusubuake le nia kalulut taimaukut bagania.

Pangt. 11:4

Ka gogoi pasiukuman, taanai katukaunannia pukaioat, tapoi katubulanan masibelaake sirimanua ka kamateiat.

Pangt. 23:4

Bui nubesiake numakayo. Galakake besiakenennu nenda.

Pangt. 27:24

Kalulut pukaioat bibilet ta matotom. Bulatnia leu pa kirit purimataat mariuriu ka sangamberi reddenan?

Sip. 4:8

ai sirimanua sipusasara, taanai tatogania taimanteu ele sarainania taimanteu, samba ta muaari isaggoiji tubunia, matania leu ta sesege ka pukaioat; – kasei uktuk kusasaggoiji tubukku samba kukera pusanangan? – Nene leu siboboi samba pubesikat tubuM.

Sip. 5:14

Kele ibela ka suruket inania, kisedda leu geti ituitui, sibulutut kele kateteret ioi, samba ta isisilo sibara besit tubunia berisara momoi iambit kabagat kabeinia.

Sip. 8:9

Sangamberinia nene akuitcoan samba akulelekakean sangamberi galajet sigalaiakenen ka tei matatsulu, kateteret sara sirimanua masikupkupake sirimanua sabagei pat mateinia.

Jes. 2:20

Ka gogoi nenda sabulungan perak samba sabulungan mas sigalai kabei sirimanua bule rapurekkuk manindou katubunia turibbaiake le geti ka birut samba ka leituak,

Zep. 1:18

Kagogoi pulotokat nenda ipatoila goluNia si Tuhan, iageti sangamberi mas samba perakdra tamomoi irimanuaake' sia. Sangalioat polak katai ilabonia oloi golut Tuhan. Sinulut alanangan geti si Tuhan engan sirimanua ka palak nene.

Luk. 16:19

“Ai sara sirimanua simakayo, sileppeiake komang simabonan simalainge samba juto simaalit baga, ipuangkaki le bagania murimanua senen gogoi simalilimai kan le nia.

Luk. 19:8

Purionangan si Sakeus, kuanangan ka matat Tuhan, “Iretalaga pukayoatku kupanguruatnake ka simageba, samba ke ai kupataju sirimanua, silikungan minca epat ngaoleat.”