Sip. 5:1 - BUKO SIPUNENAN

¹ Bui' imaola ka ngungum, samba bui' imaola patuatnu ibelaake titiboat kamatat Taikamanua, kalulut Taikamanua ai ka manua samba ekeu ai ka polak; kalulut nenda, eddangan itaimaigi titiboatnu.

Sip. 5:1 Iomraidhean Croise

2Taw. 26:16

Kele aimaron purimataatnia si Uzia, mabuaknangan patuatnia bailiu galaiakenangan sikatai. Pasabaunangan surukat Tuhan Taikamanuania kalulut aiguruki Uman Tuhan masilabo kumanyang ka uddut kudduat pasilabokat pumanyang.

Job 11:2

“Ta'pa sitapaluluat le takau alegiat? Tusineseatnake pa sirimanua simangamang manibo?

Job 22:12

Ta' pa Taikamanua le' masikukudduiji manua simabuak, samba masiitco ka repe, ka sangamberi panyanyat simakope buak?

PSALMEN 89:7

Kalulut kasei te ka sangalio tanai rusa simakere pasamba si Tuhan, simakere kele Tuhan katalagatda sangamberi taikamanua?

2Mos. 3:5

Lepa kuanangan Taikamanua, “Bui' numalegre. Golok tarangainu, aipoi nupuririo ka polak sipunenan.

2Mos. 30:18

“Galai sara kudduat oinan sibara ka tembaga samba bongennia sibara ka tembaga leu et. Galakngake kudduat oinan nenda kapaoggangan Sapou samba kudduat pasibuluat, lepa geti kaunungan oinan kabagania.

Pangt. 10:19

Kabagat igit paninibo bulat babara te pinasabau, tapoi kasei masikeraake bibonia iate simasiku patuat.

Pangt. 15:8

Isilo le si Tuhan panindogatda sirimanua simatopit, tapoi malaga le bagaNia panguruatda sirimanua sikatai.

Pangt. 21:27

Ta ioba si Tuhan panguruatda sirimanua sikatai, sarapei ke tupanguruatake kapinatu sikatai.

Jes. 66:3

Sirimanua masija'ja jaui simanteu, tapoi ramateiake leu et sirimanua, sirimanua masibuluake biribiri, tapoi rabakbakake leu et lolokkat jojo, sirimanua masipanguruatake buluakenen komen, tapoi rapanguruatake leu et logau sakkoilo, sirimanua masipanguruatake kumanyang, tapoi rabuluiji leu et tularat bulungan. Kalulut nenda: makere le sia, raoba peile raenungi enunganda, samba ketsatda ioba bulungan kasitsitakenenda.

3Mos. 10:3

Lepa kuanangan si Mose kai Aron, “Nene te sikuat Tuhan: Katubut sirimanua simalegere katubukKu Kupatoila le pusisipunenanKu, samba kamatatda sangamberi bangsa nenda Kupatoila le geti pulatsananKu.” Tapoi si Aron itangeu le tubunia.

Pugap. 10:33

Koiniakekungan tebai sia rasogai ekeu, samba ka erut bagam amoian ekeu. Oto kineneiget amatarekngan kai sangamberimai ka matat Taikamanua masiarepmake sangamberi sitoneakenen Taikamanua kekeu.”

Pugap. 17:11

Tai Berea nene makatopit sia bele pei tai Tesalonika; bulat raoba masisilo tiboiet Taikamanua samba senen gogoi rabasa Surat Sipunenan masilelekngake ele bulatnia leu sangamberi sikuada.

1Kor. 11:22

Ta pa anai lalepmui senemui, bule sedda nupukom kam samba nupulo kam? Ele noba nupaloloi kam paamian Taikamanua samba nupakaila kam si ta anai apa pa? Aponia kuanenku ka kam? Kuumunake pa kam? Ka bagat nene ta kuumunake kam.

Ibr. 10:26

Aipoi ke tapali bai mugalai jo, lepat atasilo puaagai pubulanan, taan te anai minca buluakenen pasiposat jo.

Jak. 1:19

Repdep kam sasaraina kilibet bagaku! Senen sirimanua kau maruei masiarep, tapoi bui maruei manibo samba bui maruei mugolu.

Jos. 5:15

Aleginangan ute' saladru Tuhan nenda, “Buka sepatum; polak puriokatnu nenda iate polak sipunenan.” Iageti bukanangan sepatunia si Josua.