Sip. 3:22 - BUKO SIPUNENAN

²² Kuitconia taanai bulat simaeru ka sirimanua bele pei muangka baga ka galaiakenennia, kalulut nenda te puuktungannia. Kalulut kasei te masipatotoila katubunia aponia sipuaaili geti ka lepania?

Sip. 3:22 Iomraidhean Croise

Job 14:21

Sangamberi tatogania bailiu sirimanua abeuakenen, tapoi taiagaijetnia. Samba ke ibailiu sia sirimanua sitaiaddeakenen, ta anai sipaagaiake katubunia.

Sip. 10:14

Sirimanua sitaiagai paatuat maigi titiboatnia, kenanen bai taraagai sirimanua aponia geti sipuaaili, samba kasei sipasikukua katubunia aponia geti muaaili lepania?

Sip. 11:9

Pugora kam baga, ale tailainge, kabau tubum, eddangania ipugora bagam ka teteret silainge ekeu, samba tutnake siobat bagam samba kasiobat matam, tapoi agai le, kalulut ka sangamberinia Nene iambit te geti ekeu Taikamanua ka pasiukuman!

Sip. 2:18

Malaga bagakku ka senen besiakenen sigalaiku ka saggot tubu ka tei matat sulu, aipoi buita kugalakake le ka sirimanua siooi lepat aku.

Sip. 2:24

Ta'anai simaeru kasirimanua, ke' tamukom samba mulo samba musanang ka bagat besit tubunia. Kuagai, nene leu sibara kakabei Taikamanua.

Sip. 6:12

Kalulut kasei siagainia aponia simaeru ka sirimanua ka sanganantat tetere sitete' ka purimanuaiatnia ka pusisiboiat, enungiennia kele ailiggou? Kasei momoi masikua ka sirimanua aponia sipuaaili geti katei matatsulu kalepatnia?

Sip. 7:14

Ka gogoi simaeru puangka kam baga, tapoi ka gogoi pangoringan repdep kam, gogoi pangoringan leu sibaraakenen Taikamanua le kele leuet gogoi simaeru, bule ta rasese sirimanua sara teterenia ka sibabara.

Sip. 8:15

Kalulut nenda kuuumun le obaket baga, kalulut taanai puuktungan bagei ka sirimanua ka tei matatsulu, sarat mukom samba mulo samba leu muangka baga. Nenda te sipaaleinia kabagat besit tubunia ka burut purimanuaiatnia sikau Taikamanua katubunia ka tei matatsulu.

Sip. 8:7

Bulatnia te, ta iagai aponia sipuaili, kalulut kasei te sikua kamatania kipa ipuaili nenda?

Sip. 9:12

Kalulut sirimanua ta raagai teterenia. Kele iba ialania jarik simateiakenia, samba kele uma' ialania saesere, kisedda te tatogat sirimanua tusere ka tetere pangoringan, ke iorak sia pagalaiat nenda sinulut.

Sip. 9:6

Nuntut bagatda, ele pulagakat baga samba tutut bagatda amaburuan aimapepe, samba teret buruburu taan anai rubeiatda kabagat sangamberinia sipuaaili ka tei matatsulu.

Dan. 12:13

Ekeu Daniel, bui tamariuriu numatopit teret iaili kalepakat polak. Mamatei te geti ekeu, tapoi tusuru le geti ekeu addeat masisilo upam ka gogoi sialu.”

Mat. 6:34

Oto bui nupukarani kam baga pagalaiat gogoi mancep; ai leu ipugejaji tubunia ka sia gogoi mancep. Metnangan senenia gogoi masipugejaji tubunia.”

5Mos. 12:18

Kam samba tatogamui, sapaguguletmui samba tai Lewi sikuddu ka laggaimui, bui'ta rakom panguruat nenda ka matat Tuhan Taikamanuamui, ka kudduat sipilit Tuhan Taikamanuamui, samba ka kudduat nenda bui' ta muangka kam baga ka lulut sangamberi sigalaimui.

5Mos. 12:7

Ka kudduat nenda leu, Ka matat Tuhan Taikamanuamui, pukommuian samba puangkamuian baga sangalalepmui kalulut sangamberi uktuk sisilomui ka sigalaimui sisukatnakenen Tuhan Taikamanuamui.

5Mos. 28:47

Aipanukaningan kam si Tuhan Taikamanuamui ka bagat sangamberinia, tapoi ta noba kam masipaguguletnake tubu ka tubuNia ka bagat oba samba angkat baga.