Sip. 3:19 - BUKO SIPUNENAN

¹⁹ Kalulut enungan puririmanuan sirimanua makere le enungan puririmanuan tarimeu, enungan puririmanua simakere iorak le sia; kele imatei sisara, kisedda leu bagei. Ka ruania ai enga simakere, samba sirimanua taanai pabaggeiatnia ka tarimeu, kalulut sangamberinia iate siboboi le.

Sip. 3:19 Iomraidhean Croise

2Sam. 14:14

Sangamberitta mamatei le sita, sita nene kele oinan simapipili ka polak samba tamomoi tururuakenia minca. Tapoi Taikamanua ta iaala engan sirimanua, iate lulunia ibesiake bule itoili minca sirimanua siribbaiakenen nenda.

PSALMEN 104:29

Ke Nulipputake pumataatNu, tugegerangan; ke Nuala enganda, matei samba subu sia samba toili minca ka abu.

PSALMEN 49:12

Rateira ia te lalepda teret buruburu, kudduatda sipurereddenan kenanen maigi polak bakkatda;

PSALMEN 49:13

Tamomoi iomake tubunia sirimanua ka bagat pulatsanannia, makere le nia kele tarimeu mateiakenen.

PSALMEN 49:20

tapoi ka reddenanda taikebbuakania le isesege, sitaipasiitco pato teret buruburu.

Sip. 1:14

Akuitsoan sangamberi galaiet sigalaiakenen sirimanua katei sulu, tapoi itso, sangamberinia nenda iate siboboi samba besiakenen masijarik rusa le.

Sip. 1:17

Akumuineakean paatuatku masiagaikolou pusikuat paatuat samba puaagai, putaiaagai samba pukelakat paatuat. Tapoi kuagai le, nene leu et iate besiakenen masijarik rusa,

Sip. 2:14

Matatda simasikupaatuat ai ka utenia, beringan sirimania sitaiagai paatuat muenung le ka pugepgeman, tapoi kuagai leuet, enungan puririmanua nene iorak le sia simakere.

Sip. 2:16

Kalulut ta'anai repdemen sitaimasususu, ka sirimanua simasiku paatuat, samba leu ka sitaiagai patuat, aipoi ka gogoi ka sibabara sangamberinia amaburuan tukalipogi. Samba sirimanua simasiku paatuat leu matei leuet kele sirimanua sitaiagai paatuat.

Sip. 7:2

Mei ka lalep sipurereureu baga peile maeru bele peile ka lalep pupupunenan, kalulut ka lalep pureuteugat baga le pangampulat tetere sirimanua; siripotnia sirimanua sipuririmanua buita rapuletsei nene.

Sip. 9:12

Kalulut sirimanua ta raagai teterenia. Kele iba ialania jarik simateiakenia, samba kele uma' ialania saesere, kisedda te tatogat sirimanua tusere ka tetere pangoringan, ke iorak sia pagalaiat nenda sinulut.

Sip. 9:2

Sangamberinia makere le ka sia; enungan purimanuaiat sirimanua makere: sirimanua simalina patuat ele sirimanua sikatai, sirimanua simatopit ele sirimanua sikatai, sirimanua simalina ele sirimanua kasitsinnakenen, sirimanua sipanguruatake buluakenen ele sirimanua sitaipanguruatake buluakenen. Kele sirimanua simatopit, kisedda leu sirimanua sijo; kele sirimanua sipupalele, kisedda leu sirimanua sitaioba mupalelengan.

4Mos. 16:29

ke matei sangamberi nene kele ramatei senen sirimanua, samba rananam sinanamra senen sirimanua, oto aku ta sikoiniakenen Tuhan.