Sip. 3:11 - BUKO SIPUNENAN

¹¹ Nia masigalai sangamberinia malainge ka teterenia, samba leu ikau le sitaimasusu kabagat patuatda. Tapoi tamomoi isinouginia sirimanua galajet sigalaiakenen Taikamanua barania kapanandaat pat aili kalepakat.

Sip. 3:11 Iomraidhean Croise

1Mos. 1:31

Itconangan sangamberi sigalaiNia nenda Taikamanua, samba bulat maangka bagaNia. Pasat soibo, bara simansep. Nenda te' gogoi sikaenem.

Job 11:7

Momoi pa nusinoigi pagalaiat Taikamanua, nuagai kolou tetere kupkumen Sipulugege?

Job 37:23

Sipulugege, sitaioi isinougi patuatta, siabeu gege samba puroipoatNia, kenanen makayoNia pubulanan, ta paoreiNia.

Job 5:9

Bulat abeu sigalai Taikamanua, tamomo ikeruijinia patuatta. Sangamberi kiseiet sigalaiNia tamomoi tuadde samba ta'anai katatakatnia.

PSALMEN 104:24

Apate igi sigalaiNu, ale Tuhan, sangamberinia Nubailiuake kabagat pusikuat patuat, polak sun le sibarakenenNu.

Pangt. 16:4

Sangamberi sigalai Tuhan ai lulunia, samba ailiakenenda sirimanua sikatai iate kamateiat.

Sip. 1:13

Kumuineake le paatuatku masigaba samba masilelekake kabagat pusikuat paatuat senengamata sipuaaili katei manua. Nenda galajet sigejaake baga siaket Taikamanua katubut sangamberi tatogat sirimanua sisaggoiji tubu.

Sip. 11:5

Kele taiagainu pueenungnia rusa samba sangamberi tolat ka bagat suruket sara sinanalep sipususuruket, kisedda te taiaagainu galaiet Taikamanua sigalai sangamberi galaiakenen.

Sip. 7:13

Lelekake galajet Taikamanua! Kasei pa momoi masiroipoake aponia soikoilutakenenNia?

Sip. 7:23

Ka sangamberinia nene akusibongan bule kuaili sikut patuat. Kuakungannia: “Kusesese te sikut patuat,” tapoi mareunan le sikut patuat katubukku.

Sip. 7:29

Itcopei, sarat nene le akusese: Aibaraakean Taikamanua sirimanua simaroipo baga, tapoi maigi le ragaba pasailaat.

Sip. 8:17

oto makoinongnangan kaku, sirimanua tamomoi rasinougi sangamberi sigalai Taikamanua, sigalaiakenenNia ka tei polak. Kenanen kipapa besit tubunia sirimanua igabania, ta isesese. Kenanen sirimanua simasiku patuat masikua, iagai, tapoi tamomoi isesese.

Mat. 11:27

Sangamberinia aisegeakean Ukkuiku ka tubuku. Samba ta anai sipasiaagai Toga, sarat Ukkui le; ia leu et ta anai sipasiaagai Ukkui, sarat Toga le samba sia ka siobat Toga masipoiliat Ukkui ka matada.

Mat. 13:22

Sibebele ka talagat rui, ia te sipasiaarep tiboiet, tapoi kalulut ookkipna tiboiet puukuket polak samba pajoat pukayoat, taipubuanangan.

Mrk. 7:37

Tenan le kisei ka bagada sirimanua, kuarangan, “Sangamberinia le aipaeru. Simatakkep ikau maarep piu, taiagai manibo ikau raagai manibo.”

ROMA 1:28

Kalulut ta rabesiake masiagai Taikamanua, segeakenangan sia Taikamanua ka pupaatuanan sikatai, bailiu ragalaiake sitaimateu tugalaiake.

ROMA 11:33

Apate kerunia pukayoat, sikut paatuat samba puaagai Taikamanua! Bulat ta momoi tukerui ukumannia samba bulat ta momoi tusinogi enungannia!

5Mos. 32:4

Tuhan siropmake ekeu simagege, simasappru eru sigalaiNia, samba maroipo sangamberi enunganNia. Taikamanuamui simariuriu topit, ta anai patajuat ka tubuNia, Nia masigalaiake simaeru samba sineseat.