Sip. 2:23 - BUKO SIPUNENAN

²³ Sanganantat puririmanuania sun le pureureugat baga samba pugagalainia sun le besit paatuat, mandeaan kateteret sinoibo paatuatnia ta' masanang. Nene leu siboboi le.

Sip. 2:23 Iomraidhean Croise

1Mos. 3:17

Kuanangan si Tuhan ka simanteu nenda, “Anuarepman poi tiboiet sinanalepnu, iageti komnungan buat kaju sikeraKu. Kalulut sigalainu nenda, tutelei le polak. Bui'ta mugalai le ekeu simaron ujum murimanua bule polak nene moi ibaraake kannu.

1Mos. 47:9

Aleginangan si Jakob, “Amurimanuangan aku sangotu telu pulu ngarura sibailiu sipueppak. Purimanuaiatku nenda matete samba si sun katai le, ta' kele nantat rurat taikebbukatku sipuririmanua sibailiu sipueppak.”

Est. 6:1

Ka soibo nenda leu et ta momoi iperep rimata. Kalulut nenda tiddounangan tuala buko pasisuranan sejarah purimataat samba masikoniake rabasaakenia.

Job 14:1

Sirimanua sipututu'tu mata ka tainanalep, matete' rurania samba masun pukaranan baga.

Job 5:7

tapoi sirimanua le aibaraake pangoringan katubunia, kele itubetti bot obengan ka pata.

PSALMEN 127:2

Siboboi le tususurumui simaseggei samba kuddu muari pat saliu soibo, addeat masigaba purimanuaiat ka besit tubu – aipoi katubut simanuntu bagaNia kaunangan si Tuhan kateteret merep.

PSALMEN 32:4

Sinago sinoibo Nuoruki le aku kabeiNu simasane, rontubukku sapru kele ipotpotnia oloi sulu.

PSALMEN 90:15

Galai le kupuangka kai baga simakere ka sangamberi gogoi anupaoreiji kai, simakere ka sangamberi rura akuenungi kai pangoringan.

Sip. 1:13

Kumuineake le paatuatku masigaba samba masilelekake kabagat pusikuat paatuat senengamata sipuaaili katei manua. Nenda galajet sigejaake baga siaket Taikamanua katubut sangamberi tatogat sirimanua sisaggoiji tubu.

Sip. 1:18

aipoi kabagat iginia pusikuat paatuat maigi leu et saggot paatuat, samba kasei masituppai igit puaagai, masituppai igit pureureugat baga.

Sip. 2:11

Kateteret kulelekake senen galaiet sigalai kabeiku samba senen besiakenen sigalaiakenenku addeat ka saggot tubu, itso le, ka sangamberinia iate siboboi le samba besit tubu masijarik rusa; kirenangan taanai puuktungan ka tei sulu.

Sip. 5:12

Ai pangoringan sireuteuake baga siitcoku ka tei matatsului: pukaioat sikoirikeakenen sibakkatnia ibailiu le kamateiatnia.

Sip. 5:17

Itco pei, addeakenenku simaeru samba sipasesese iate, ke mukom sirimanua samba muangka baga kabagat sangamberi galajet sigalaiakenennia kabagat besit tubu ka tei matat sulu ka burut purimanuaiat sitete', sipanguruatakenen Taikamanua katubunia, kalulut nenda puuktungannia.

Sip. 8:16

Kateteret akulelekakennia bule kuagai kolou sikut patuat samba itcokungan galajet sigalaiakenen sirimanua ka polak taimalaulau sinago samba sinoibo,

Dan. 6:18

Pasat nenda ambitrangan samba galakrangan sara bukku sabeu nenda ka ngungun ngaliu, lepa ettetakkenangan tularat sipsipnia rimata ka bukku nenda samba tularat sipsip siabeu tiboitubu ka purimataatnia, bule bui berisara sirimanua moi masibelaake si Daniel ka ngaliu singa nenda.

Pugap. 14:22

Ronakerangan paatuatda sipasiului, pangantomanrangan sia ramariuriu ka bagat tonem baga, samba rakua, buita taorik le maigi gejat baga tatuguru ka purimataat Taikamanua.