Sip. 2:19 - BUKO SIPUNENAN

¹⁹ Samba kasei pa masiaagai, sirimania nenda simasikupaatuat ele sitaiagai paatuat? Kenanen bai kisedda muririmate geti nia ka senen besiakenen sigalaiku ka tei matat sulu ka besit tubu pasamba pasipapakei pusikuat paatuat. Nene leuet siboboi le.

Sip. 2:19 Iomraidhean Croise

1Rim. 11:43

Lepa geti tata'nia samba turateiake ka Laggai David. Lepa togania Rehabeam bailiu rimata masisailiakenia.

1Rim. 12:13

Ta aireddet nganturatda sikebbukat laggai nenda, tapoi aialegi le siberikabaga nenda kagolunia;

Sip. 2:11

Kateteret kulelekake senen galaiet sigalai kabeiku samba senen besiakenen sigalaiakenenku addeat ka saggot tubu, itso le, ka sangamberinia iate siboboi le samba besit tubu masijarik rusa; kirenangan taanai puuktungan ka tei sulu.

Sip. 2:20

Kabagat nene taddanangan imatete paatuatku ka senen besiakenen sigalaiku ka besit tubu ka tei sulu.

Sip. 3:22

Kuitconia taanai bulat simaeru ka sirimanua bele pei muangka baga ka galaiakenennia, kalulut nenda te puuktungannia. Kalulut kasei te masipatotoila katubunia aponia sipuaaili geti ka lepania?

Sip. 9:13

Pagalaiat nene leu kuaddeake sibailiu sikut patuat ka tei matatsulu samba ituitco abeu kaku;

Luk. 16:8

Ia geti umunakenangan bendahara sitaimaroipo si tuan, kalulut sikut paatuatnia igalai nene. Aipoi tatogat taikapolak pei le makasiku paatuat paalei pasasambada, bele pei tatogat pato.

1Tim. 6:10

Alau baga ka bulagat poi ungat sangamberi pukataikat. Piga pa sia sialau bulagat, amapepengan sia rakaddiuake tonem bagada, oraknangan sia sene ngamata gejat baga masibesiki tubuda.

Jak. 1:17

Senen siloket simaeru samba panguruat sipulelelek sibara ka pata le, ka Ukkui pupatokat; ka tubunia ta anai pasiliat ele pasakkeriat kalulut pasiliat.

Jak. 3:17

Sikut paatuat sibara ka pata geti ia te: siboiki malina, sioba paaban, maleppe baga, mareddet, masun katet baga samba bua simaeru, ta magoa baga samba ta anai patajuat.