Sip. 12:2 - BUKO SIPUNENAN

² kepei magepgep sulu samba pato, laggo samba panyanyat, samba sangamberi tanai rusa moii minca lepat urat,

Sip. 12:2 Iomraidhean Croise

1Mos. 27:1

Ka sara gogoi, kateteret amabajaan si Ishak samba matania amaramunnan, pat taioinangan ipaitco, sogainangan si Esau, togania sikebbukat, lepa kuanangan katubunia, “Togakku!” Aleginangan si Esau, “Oo, Ukkui.”

1Mos. 48:10

Si Jakob ta'momoi ipaitco simakolou kelulut amabajaan samba matania amaramunnan. Legreakenangan si Josep tatoga nenda kai Jakob, samba lakkaiakenangan samba sigguknangan sia.

PSALMEN 42:7

Mangorik le ketsatku katubukku, kalulut nenda repdekungan Ekeu barania ka polak oinan Jordan samba paleleuleu Hermon, barania ka leleu Mizar.

PSALMEN 71:20

Kirenangan anukau aku mangorik maigi reureu baga samba gejat baga, tapoi Nuririmanuaake aku minca, samba barania ka koat simakeru sakaiakenungan aku minca.

PSALMEN 77:16

Pasamba param tebuinungan paamianNu, muntogat Jakob samba muntogat Josep. S e l a

PSALMEN 90:10

Tetere purimanuaiatmai pitupulu ngarura, ke maron tubumai, balupulu ngarura, samba abeuakenennia sarat pugejaat baga samba pangoringan le; bulatnia maola kutuburut kai tumapepe.

Jes. 13:10

Kalulut sangamberi panyanyat samba mungkuatnia ka manua taan itotoroake patonia; matat sulu ibailiu magepgep kateteret ibela, samba laggo taan itotoroake toronia.

Jes. 5:30

Kateteret gogoi nenda kuneminangan sia sara nganga kele ipugok koat Ke rakinere ka polak, sibulatnia, ai gepgep simaokkip, samba pato ibailiu gepgep kalulut tanai rusa.

Jol. 3:15

Matat sulu samba laggo, ibailiu magepgep samba panyanyat taan matoro.

Mat. 24:29

“Lepana le paoreat nenda, magepgepnangan matat sulu, taiputoronangan laggo, bele ibele panyanyat sibara ka manua, mangeungeunangan leu ron manua.

1Sam. 3:2

Ka sara soibo, si Eli simakope baja' nenda aitaddangan imaramun matania, ainia memerep ka biliknia,

1Sam. 4:15

Ka sia si Eli aiat siba pulu balu ngarura samba malegrengan le ta imaitco matania.

1Sam. 4:18

Kele aisegeake pagalaiat Peti Pakerekat Baga sirimanua nenda, belenangan leu si Eli ka korosinia, tugailaknangan ka isit matatbaliu gugurukat. Amakopeat bajania samba mamo'monia bailiunangan kateteret ai bele bakbak lolokkatnia, samba mateinia. Aiuteake tai Israel epat pulu ngarura burunia.