Sip. 12:14 - BUKO SIPUNENAN

¹⁴ Kalulut iambit le geti Taikamanua senen galaitubuta simalipput ka pasiukuman; galai tubu sikatai samba simaeru.

Sip. 12:14 Iomraidhean Croise

Job 19:29

Kau numaloto kam ka lanjau! Kalulut mugolu le Taikamanua samba iukum sirimanua si jo, iageti agaimuiannia, ai Taikamanua sipasiukum sirimanua.”

PSALMEN 50:21

Nenda te nugagalaiake, tapoi tenan aku mengmeng; nukua le, Aku nene makere kele ekeu. Kineiget kusuksuk le geti ekeu samba Kuambit le pakaro nene ka tubum.

PSALMEN 90:8

Galakakenungan puseleatmai kamatam, beringan leu simalipput kabagat patot pumataatNu.

PSALMEN 96:13

kamatat Tuhan, kalulut moi le Nia, kalulut moi le Nia masiukum polak. Iukum le geti polak kabagat puroipoat, samba sangamberi bangsa kabagat riuriu topit.

Sip. 11:9

Pugora kam baga, ale tailainge, kabau tubum, eddangania ipugora bagam ka teteret silainge ekeu, samba tutnake siobat bagam samba kasiobat matam, tapoi agai le, kalulut ka sangamberinia Nene iambit te geti ekeu Taikamanua ka pasiukuman!

Sip. 3:17

Kuakungan ka patuatku: “Iukum le Taikamanua sirimanua simatopit samba leu sirimanua sitaimaroipo, kalulut ka sangamberinia samba sangamberi galajet ai teterenia.”

Mat. 10:26

“Oto ba kakalotoake kam sia, aipoi ta anai sinambo taitotoilaakenen, samba ta anai simalipput taimaagai geti.

Mat. 12:36

Tapoi kukua nia ka matamui: senen tiboiet si ta galai siniboira sirimanua, raalegi te ka gogoi pasiukuman.

Joh. 5:29

belarangan sangamberi sigalai simaeru tusuru ka purimanuaiat, sia sigalai sikatai geti tusuru tuukum.”

ROMA 2:16

Sangamberinia nene matotoila geti ka gogoi sialu, ka teteret iukumake Taikamanua simalipput ka paatuat sirimanua kalulut Jesus Kristus, siripot Katuareman Simaeru sinegeakenenku.

1Kor. 4:5

Ianenda, bui nupasiukum kam ta ka teterenia, ke tapei amoi si Tuhan. Nia le masitotoroiji simalipput ka bagat pugepgeman samba masipatotoila isiat paatuat. Sedda pei te senen sirimanua masisilo katuumunan sibara ka Taikamanua.

2Kor. 5:10

Aipoi sangamberita buita murio ka matat uddenan pasiukuman Kristus, bule senen sirimanua masisilo siloketnia, siripot sigalaiakenennia ka putubuat, simaeru ele sikatai.