Sip. 12:13 - BUKO SIPUNENAN

¹³ Kapangampulat tiboiet kasenen siarep iate: kalotoake le geti Taikamanua samba pusiddonan le kasangamberi surukatNia, iate Nene galaiakenen senen sirimanua.

Sip. 12:13 Iomraidhean Croise

1Mos. 22:12

“Bui nubesiki toga nenda ele bui nugalai apa pa' katubunia,” ngangan Tuhan kapaneiteiat malaika nenda. “Kineneiget Akuagaian, masuru' samba mareddet le ekeu katubukKu. Kalulut ta'nukera nuake togam sisasara nenda katubukKu.”

1Rim. 2:3

Galaiake apa siparentaakenen Tuhan Taikamanuam katubum. Reddet sangamberi surukat samba sangamberi parentaNia sitususurat ka bukot Mose, bule kaipa le nuei mariuriu numauktuk ka senen galaiakenennu.

Job 28:28

Samba kuanangan katubut sirimanua: “Bulatnia, loto kai Tuhan, iate sikut patuat, samba masiareuake pukakatai iate puaagai patuat.”

PSALMEN 111:10

Panandaat sikut patuat iate loto katubut Tuhan, sangamberi sirimanua sigalaiakenia rasilo le puaagai kolou simaeru Pasiumunan katubuNia teret buruburu.

PSALMEN 145:19

Isunnake le siobakat bagatda sirimanua sikalotoakeNia, masiarepi gereira sitiddou paroman samba masiarauake sia.

PSALMEN 147:11

Ka sirimanua sikalotoakeNia le masanangnia si Tuhan, katubut sirimanua sikaroni katet bagaNia.

Pangt. 1:7

Loto ka Taikamanua, iate bakkat puaagai, tapoi sirimanua sitaiagai patuat masipaloloi sikut patuat samba nganturat.

Pangt. 19:23

Loto ka Taikamanua iate sibaraake purimanuaiat, masegenangan bagam samba bela ekeu ka kamateiat.

Pangt. 23:17

Bui imasisi' bagam ka sirimanua sijo, kau mariuriu numareddet ka Taikamanua,

Sip. 2:3

Itubbui le puoobaku mutopit, kubesiake le musanang pasamba mulo anggur samba mugaugau. Kukua le nendangan enungan simaeru ka sirimanua masinanam puririmanuania sitete ka polak nene.

Sip. 3:14

Kuagai, sangamberi sigalai Taikamanua mariuriu le ibara teret buruburu; nenda tamomoi ruruppai samba tamomoi tubeleki; Taikamanua masigalai kisedda, bule ramaloto sirimanua katubuNia.

Sip. 5:7

Ke nuinco ka sara laggai rapaorei sirimanua simage samba surukat kesedda leu tupakatai puroipoat, bui' imakisei bagam ka pagalaiat nenda, kalulut sara simabuak tiboi tubu masipasikeli sabagei, kisedda leuet bulat simabuak tiboi tubu masipasikeli sia.

Sip. 6:12

Kalulut kasei siagainia aponia simaeru ka sirimanua ka sanganantat tetere sitete' ka purimanuaiatnia ka pusisiboiat, enungiennia kele ailiggou? Kasei momoi masikua ka sirimanua aponia sipuaaili geti katei matatsulu kalepatnia?

Sip. 7:18

Bulat maeru ke nuungkaake sara, samba ta nuobaake bagei, kalulut sirimanua sikalotoake Taikamanua bela le karuania nene.

Sip. 8:12

Kenanen sirimanua sijo samba sigalaiake sikatai sangotungaminca murimanua simaburu, tapoi kiuagai, sirimanua sikalotoake Taikamanua rasilo le geti puuktungan, kalulut maloto sia ka purimataatNia.

Sip. 8:5

Kasei sireddet parentat rimata ta isisilo pakaroat kamateiat, samba patuat sirimanua simasiku patuat iagai pasiukuman,

Mik. 6:8

Ta! Aipatoilaan poi simaeru ka tubutta si Tuhan. BesiakenenNia ka tubutta geti iate bule tagalaiake simaroipo, masiparaboatnake pununtuat baga, puepekat paatuat, masisuraake puririmanua ka Taikamanuanta.

Luk. 1:50

Katet bagania ta tatakki ka sangamberi sirimanua sirepdep loto ka tubunia.

5Mos. 10:12

“Kineneiget, kam sasaraina, lelekngake kam aponia besiakenen Tuhan Taikamanuamui ka tubumui: Kau nusuru kam Tuhan Taikamanuamui samba galaiake kam sangamberi parentaNia. Kau imakate bagamui ka tubuNia samba panindou kam ka tubuNia ka muinet paatuatmui.

5Mos. 10:20

Suru' kam Tuhan Taikamanuamui samba sarat ka tubuNia le panindou kam. Kau imariuriu topitmui ka tubuNia samba sarat ka oniNia le nupusuppa kam.

5Mos. 4:10

pagalaiat gogoi nenda, ka teteret anupurio kam ka matat Tuhan Taikamanuamui ka leleu Sinai. Ka teteret nenda kuanangan ka matamui, “Ruruake kam bangsa nene. Kuoba raarep aponia segeakenenKu, bule ragelai mureddet ka tubuKu ka sanganantat purimanuaiatdra, samba bule ragelaiake tatogatdra mureddet ka tubuKu.”

5Mos. 4:2

Apa siparentaakenenku, bui' nutuppai ele nupabele' kam beri goiso. Reddet kam sangamberi parentat Tuhan Taikamanuamui siakeku ka tubumui.

5Mos. 6:2

Kau nusuru samba sapunuteteunu masisuru Tuhan Taikamanuamui samba masireddet surukatNia sisegeakenenku ka tubumui, bule imananta purimanuaiatmui ka kupkumen laggai nenda.

1Ptr. 2:17

Suru kam sangamberi sirimanua, pununtuki kam baga sasaraina, kalotoake kam Taikamanua, suru kam rimata.

Pamoil. 19:5

Ia geti maarepnangan nganga sibara ka uddenan purimataat masikua, “Umun kam Taikamanuanta, kam sapaguguletnia, kam sikalotoake nia, sigoiso samba sabeu!”

1Sam. 12:24

Suru' kam si Tuhan samba paguguletake kam tubumui ka tubuNia simariuriu samba ka muinet paatuat. Repdem kam sangamberi sigalaiakenen sabeu sigalaiakenenNia kakam.