Sip. 12:1 - BUKO SIPUNENAN

¹ Repdep le geti Sipasibabaraake ekeu kateteret silainge pei le ekeu, kepei bara gogoi pugejaat baga samba imalegre rura sikuam: “Taanai pusanangan kaku ka bagania!”

Sip. 12:1 Iomraidhean Croise

1Mos. 39:2

Si Tuhan masiropmake si Josep pat eddet igalaiake sangamberi galajetnia. Kudduatnia ka lalep tuannia, tai Misiri nenda.

1Mos. 39:23

Siuteake tangsi nenda ta'an ai jago sangamberi sikaunia kai Josep, kalulut si Tuhan poi masiropmakenia pat tueddetnangan kasangamberi galajetnia.

2Sam. 19:35

Kineneiget balu pulu ngarurangan aku, samba taan anai siangkaake bagaku. Taan iagai ngangangku kukom komen samba lo', samba leu taan kuarep nganganda sipuurai. Ibailiu le aku pugejaat bagam.

2Sam. 19:36

Piga ngabakkou le pa akupuenung kutut ekeu ka silat bagat oinan Jordan. Ta mateu kusilo upa bulat sabeu nene.

1Rim. 14:13

Sangamberi tai Israel mureureu baga le geti samba masirateiakenia. Nia te sarania laddou muntogat Jerobeam sirateiakenen geti ka enungan simaeru, aipoi sarania le sipasesese ka matat Tuhan, Taikamanuan Israel.

1Rim. 18:12

Ele muaili kisene, ke mutuitui bai aku sene, kuruk teiteiku akkatnakenangan ekeu Ketsat Tuhan baram sene ka kudduat sitaiaagaijetku! Ke sege bai aku katubut Ahab kupaagai kababaram sene, lepa oinia, tapoi ta anai ekeu, mateiakenangan leu aku. Ta pa anuagaian aku nene simaloto katubut Tuhan le, baranangan ka sigoiso peile aku.

Neh. 4:14

Kele akuitco aramaloto sarakyat panibokungan ka matatdra samba ka matat sikebbukat laggai samba ka saute, “Bui numaloto kam ka tubutdra tai saggak! Repdep kam si Tuhan simagege samba simakope ron, samba kau le nupasaggak kam addeat sasarainamui, tatogamui, sinanalepmui samba lalepmui!”

Job 30:2

Samba leu minca, apa katukauanannia kaku puroron kabeira? Ta'an anai ron tubutdra.

PSALMEN 119:55

Kateteret sinoibo kurepdep le onim, ale Tuhan; kuoba muandai ka surukatNu.

PSALMEN 34:11

Sangamberi singa sibau tubu masiorik pulajeat tapoi sangamberi sirimanua sipasigagaba si Tuhan taanai simagulai simaeru.

PSALMEN 63:6

Ketsatku tuektekake kele tukom unou tolat simananam, samba pasamba bibo sipugegerei gorat baga ngungungku masiuraiake pasiumun.

PSALMEN 90:10

Tetere purimanuaiatmai pitupulu ngarura, ke maron tubumai, balupulu ngarura, samba abeuakenennia sarat pugejaat baga samba pangoringan le; bulatnia maola kutuburut kai tumapepe.

Pangt. 22:6

Gelaiake le sara toga siripot simateu katubunia, iageti pat bajaknia murimanua le nia kisedda.

Pangt. 8:17

Manuntu bagakku ka sirimanua simanuntu baga katubukku, sirimanua simaom baga masigaba aku rasesese aku.

Sip. 11:10

Ribbaiake pureureugat baga ka paatuatnu samba areuake pangoringan ka tubum, kalulut pubabautubu samba torot puririmanua iate pusiboboiat le.

Sip. 11:2

Kau le rubeiat ka sipitu, sama leu ka sibalu sirimanua, lalut tanuagai pugejaat baga aponia sipuaaili geti ka polak.

Sip. 11:8

kalulut nenda ke' mananta rurania sirimanua, eddangan ipuangka baga ka bagania, tapoi kau le irepdep geti gogoi simagepgep, kalulut maigi. Senen sangamberi siooi iate siboboi le

Jes. 26:8

Oi Tuhan, aileu kungengenaake kai ka enungan puroipoatNu teterenia Nuenungake pasiukuman; obaket bagamai iate masisogai onim samba masirepdep Ekeu.

Sou. 3:27

maeru le tapasigelai muombaga kateteret silainge peile.

Dan. 1:17

Taikamanua masikau katubut epat tailainge nenda pusikuat paatuat samba puaagai kabagat senengamata surat. Lepa nenda katubut Daniel ikau leu puaagai masipakolou senengamata siitso samba pangamutet.

Hos. 7:9

Ta'raseseake aipoi paalei ka bangsa-bangsa bagei nenda te, iate itata rondra. Katukappulat tiboi tubudra amalegrengan, tapoi ta'raagai.

Luk. 1:15

Abeu poi nia ka matat Tuhan, samba ta ilolo anggur ele lo simapuinengen, sun le ka tubunia Ketsat Sipunenan barania ka gigi pei le.

Luk. 18:16

Sogainangan sia Jesus kuanangan, “Obaake kam tatoga raoi kaku, ba kekera kam sia; sirimanua kele nene le poi sibakkati Purimataat Taikamanua.

EPESUS 6:4

Samba kam saukkui, bui nupangoingoi kam bagada tatogamui, urau le kam sia ka bagat pajigiat samba nganturat Tuhan.

5Mos. 8:18

Repdem kam, Tuhan Taikamanua le amasiake pukayoatmui. Aigalaiake kele nenda si Tuhan kalulut teret kineneiget aipeile maririuiriuNia ka bagat palelengaNia ka taikebbukatmui.

2Tim. 3:15

Repdep leu ka sulenu pei le anuagaian Surat Sipunenan sipasoppit samba sipalulu ekeu ka puaragat kalulut tonem baga ka Kristus Jesus.

1Sam. 1:28

samba kalulut nenda toga nene kuakenia ibailiunia bakkat Tuhan burut purimanuaiatnia.” Kele ailepa nenda purekkukrangan manindou katubut Tuhan.

1Sam. 16:7

Tapoi kuanangan si Tuhan katubut Samuel, “Bui' te iala bagam kalulut putubuatnia simaeru sambat nantat tubunia, ta nia siobat bagaKu. Ta' kele siitcot sirimanua itcoketKu. Sirimanua masiitco putubuat, tapoi Aku masiitco patuat.”

1Sam. 2:18

Si Samuel tatoga peilenia aipuukuan si Tuhan. Pakeinangan leppei sikokoi sibara ka komak juto, kele leppeira tai imam ka parurukatda rapanindou.

1Sam. 2:26

Tapoi si Samuel, toga nenda, memei mabebeunannia samba memei raobania, ka matat Tuhan kisedda leu et ka matat sangamberi sirimanua.