Sip. 11:9 - BUKO SIPUNENAN

⁹ Pugora kam baga, ale tailainge, kabau tubum, eddangania ipugora bagam ka teteret silainge ekeu, samba tutnake siobat bagam samba kasiobat matam, tapoi agai le, kalulut ka sangamberinia Nene iambit te geti ekeu Taikamanua ka pasiukuman!

Sip. 11:9 Iomraidhean Croise

1Mos. 3:6

Sinanalep nenda masiitco, loina nenda malainge samba buania mananam itukom. Paatunangania bulat maeru le ke' ibailiu nia siagai paatuat. Lulut nenda appeknangan buat kaju nenda, iageti komnangannia samba kaunangan leu kasimanteunia, samba simanteunia leu komnangannia.

1Mos. 6:2

iageti itcorangan tatogat Taikamanua sangamberi taiokko nenda malainge tubutda. Lepa talimouakerangan taiokko siobara nenda.

1Rim. 18:12

Ele muaili kisene, ke mutuitui bai aku sene, kuruk teiteiku akkatnakenangan ekeu Ketsat Tuhan baram sene ka kudduat sitaiaagaijetku! Ke sege bai aku katubut Ahab kupaagai kababaram sene, lepa oinia, tapoi ta anai ekeu, mateiakenangan leu aku. Ta pa anuagaian aku nene simaloto katubut Tuhan le, baranangan ka sigoiso peile aku.

1Rim. 18:27

Kateteret tugge sulu taddaakenangan si Elia masigeigei sia, “Panindou kam simaron peile! Ta pa nia taikamanua? Ele ainia mupatuat, ele ainia ka bebe. Ele ai le nia mugejek! Ele ai le nia merep, oto geugeu le kamnia bule itusuru.”

1Rim. 22:15

Kele aisege si Mikha ka matat Ahab, parerenangan rimata, “Mikha, momoi leu aku samba Rimata Josafat mei masisaggangi Ramot, ele taa?” Aleginangannia si Mikha, “Saggangingan! Bulat tueedet te. Si Tuhan masiake kamanangan katubum.”

Job 31:7

Ke tusoip bakkouku ka enungan, samba patuatku masitutnake siitcot matakku, samba katai tuettet ka kabeiku,

PSALMEN 81:12

Tapoi paamianKu taaiarepi ngangangKu, samba Israel taioba Aku.

Sip. 12:1

Repdep le geti Sipasibabaraake ekeu kateteret silainge pei le ekeu, kepei bara gogoi pugejaat baga samba imalegre rura sikuam: “Taanai pusanangan kaku ka bagania!”

Sip. 12:14

Kalulut iambit le geti Taikamanua senen galaitubuta simalipput ka pasiukuman; galai tubu sikatai samba simaeru.

Sip. 2:10

Ta'kusasakkeri matakku ka obaket matakku, samba ta'kuomake paatuatku ka senen angkat baga, aipoi maangka le bagat paatuatku kelulut ka sangamberi saggot tubuku. Nenda te buat sangamberi saggot tubukku.

Sip. 3:12

Kuagai, taanai ka sia bulat simaeru bele pei muangka baga samba masinanam pusanangan kabagat purimanuaiatda.

Sip. 3:17

Kuakungan ka patuatku: “Iukum le Taikamanua sirimanua simatopit samba leu sirimanua sitaimaroipo, kalulut ka sangamberinia samba sangamberi galajet ai teterenia.”

Sip. 6:9

Maeru peile sarat masiitco bele peile ka pasitutut botbot tubbu. Nene leu pusiboboiat samba galajet masijarik rusa.

Sip. 7:14

Ka gogoi simaeru puangka kam baga, tapoi ka gogoi pangoringan repdep kam, gogoi pangoringan leu sibaraakenen Taikamanua le kele leuet gogoi simaeru, bule ta rasese sirimanua sara teterenia ka sibabara.

Jer. 23:17

mareirei le' rakua katubut sangamberi sirimanua masipataju ngangan Tuhan: Maarau geti kam! samba katubut senen sirimanua sipasitutut pukelakatnia kuarangan: pagejaatbaga geti ta'ioorak kam!”

Jer. 7:24

Tapoi ta'raoba masiarepi samba ta'raoba masipuletsei. Raoba pei le' masitutnake isiatda samba pukelakat paatuatdra sikatai samba rapatoila le' teiteira samba ta' pumataatda.

Sou. 3:27

maeru le tapasigelai muombaga kateteret silainge peile.

4Mos. 15:30

Tapoi sirimanua sigalaiake sara sipalit baga, ele tai Israel siturerere, ele sirimanua siooiake, sirimanua nenda ibailiu sipaloloi si Tuhan, buita tutataakenia katalagat bangsania,

4Mos. 15:39

Oto simajai nenda masiparepdep kam, ke' nuitso bai kam, ka senen parentat Tuhan, pat galaiakemuiannia samba taan nututut kam patuatmui ele matamui, kele simatukkle nugalaiake kam kabagat tai matopitmui katubut Tuhan.

4Mos. 22:32

Parerenangan malaikat Tuhan, “Angoi nubo'bo kalideinu aili telu ngaminca? Moi Aku masisaila ekeu, aipoi siripot sipinatukku, ta maeru nuei.

Mat. 5:28

Tapoi aku masikua ka matamui: Senen sirituake tainanalep, matutunangan bagania ka tubunia, aieletnan nia ka paatuatnia.

Luk. 12:19

Lepa kuakungan ka ketsatku, oi kina ketsat, amusukkarangan bibiletnu, metnangan piga ngarura pa. Puaringan le, mukom mulo samba muangka baga!’

Pugap. 14:16

Ka tetere siburu aiobaake Taikamanua ragalai siobara tai bangsa;

Pugap. 24:25

Kele aitiboi si Paulus pagalaiat puroipoat, surut tubu samba pagalaiat ukuman ka gogoi sialu, malotonangan si Feliks, kuanangan, “Kenanan boiki kineneiget, kaipangan geti ibara oggak, ai leu kusogai ekeu minca.”

ROMA 14:10

Tapoi kekeu, angoi nuukum sarainam? Ele angoi nupaloloi sarainam? Aipoi sita sangamberi buita murio ka matat uddenan pasiukuman Taikamanua.

1Kor. 4:5

Ianenda, bui nupasiukum kam ta ka teterenia, ke tapei amoi si Tuhan. Nia le masitotoroiji simalipput ka bagat pugepgeman samba masipatotoila isiat paatuat. Sedda pei te senen sirimanua masisilo katuumunan sibara ka Taikamanua.

2Kor. 5:10

Aipoi sangamberita buita murio ka matat uddenan pasiukuman Kristus, bule senen sirimanua masisilo siloketnia, siripot sigalaiakenennia ka putubuat, simaeru ele sikatai.

5Mos. 29:19

Ka talagamui sipasiarep tiboiet simalippat nenda, bui' ibara sipaatu itutuppai le erut puririmanuania, kenanen bulat itutnake siobat bagania sarania. Nene te geti sisubuake le kam sangamberimui, sirimanua sikatai samba leu simatopit.

Ibr. 9:27

Makere kele siteuakenen ka sirimanua sangaminca le matei, lepa nenda, ukumanan le,

Jos. 7:21

Ka talagat sangamberi bibilet siopputta, akuitco sara leppei juba simakope lainge, sigalai ka Babilonia, ia leu et perak rua ngakilo, samba sangate'te mas sitenga kilo legei. Bulat koba' le bibilet nenda, oto alakungannia samba lipputnakekungannia ka bagat polak ka sapouku; peraknia ai bulat ka tei.”

2Ptr. 3:7

Tapoi manua samba polak kineneiget, tiboiet Taikamanua leu et ipasikeli nia, itukoiri teret itulaboake ka gogoi pasiukuman samba pasisubuatda sirimanua sitaimareddet ka Taikamanua.