Sip. 11:8 - BUKO SIPUNENAN

⁸ kalulut nenda ke' mananta rurania sirimanua, eddangan ipuangka baga ka bagania, tapoi kau le irepdep geti gogoi simagepgep, kalulut maigi. Senen sangamberi siooi iate siboboi le

Sip. 11:8 Iomraidhean Croise

Job 10:21

Ta'an mabuburu kutuitui samba ta'an totoili minca masiailiake laggai simagepgep,

Job 10:22

laggai simagepgep, simasun ailiggou samba pukakatai, simakere pato ka pugepgeman.”

Job 14:10

Tapoi ke matei sirimanua, tata' purimanuaiatnia, mateinia, lepa kaipa eijanannia?

Job 14:12

kisedda leu sirimanua simamatei: ta'an momoi itusuru minca. Ta'an tugege'genia ka burut aipeile manua, ta'an tususurunia minca ka peremannia.

Job 15:23

Sangamberi uma' seggu masingena gogoi kamateiatnia, rapakomi tubunia simamatei. Iageti againangannia besi'nia purimanuaiatnia ka gogoi sibabara.

Job 18:18

Tukeklenia barania ka pato iei kabagat pugepgeman, samba tutuituiakenia ka polak.

PSALMEN 49:20

tapoi ka reddenanda taikebbuakania le isesege, sitaipasiitco pato teret buruburu.

Sip. 11:2

Kau le rubeiat ka sipitu, sama leu ka sibalu sirimanua, lalut tanuagai pugejaat baga aponia sipuaaili geti ka polak.

Sip. 2:15

Iageti kuakungan kapaatuatku: “Enungan puririmanuanda sitaiagai paatuat leuet ioorak aku. Apa lulunia kumasisiku paatuat?” Lepa kuakungan kapaatuatku, nene leuet siboboi le.

Sip. 2:17

Kalulut nenda malagabagakku ka puririmanua, kalulut kukua le masibesiki aponia sigalaiakenen ka tei sulu, aipoi kasangamberinia iate siboboi le samba besiakenen masijarik rusa.

Sip. 2:19

Samba kasei pa masiaagai, sirimania nenda simasikupaatuat ele sitaiagai paatuat? Kenanen bai kisedda muririmate geti nia ka senen besiakenen sigalaiku ka tei matat sulu ka besit tubu pasamba pasipapakei pusikuat paatuat. Nene leuet siboboi le.

Sip. 2:26

Kalulut katubut sirimanua obaketNia ikau pusikuat paatuat, puaagai samba puangkakat baga, tapoi sirimania sijo ikoiniake masiruruake samba masitabbui apa-pa' samba kalepakatnia kaunangannia ka sirimanua kilibet bagat Taikamanua. Nene leuet pusiboboiat le samba besiakenen masijarik rusa.

Sip. 4:16

Ta sasappru siberikabaga uteakenennia, tapoi sirimanua siooi geti ta raobania. Kalulut nenda, nene leu siboboi samba galajet masijarik rusa.

Sip. 4:8

ai sirimanua sipusasara, taanai tatogania taimanteu ele sarainania taimanteu, samba ta muaari isaggoiji tubunia, matania leu ta sesege ka pukaioat; – kasei uktuk kusasaggoiji tubukku samba kukera pusanangan? – Nene leu siboboi samba pubesikat tubuM.

Sip. 6:11

Kalulut makokope le' igi titiboat, makokope le' igit pusisiboiat. Aponia katukaunannia ka sirimanua?

Sip. 6:6

Kenanen murimanuannia ruangaminca kabagat sangaribu ngarura, ke ta inanam pusanangan: tapa sangamberinia masiailiake sara kudduat?

Sip. 7:14

Ka gogoi simaeru puangka kam baga, tapoi ka gogoi pangoringan repdep kam, gogoi pangoringan leu sibaraakenen Taikamanua le kele leuet gogoi simaeru, bule ta rasese sirimanua sara teterenia ka sibabara.

Sip. 8:12

Kenanen sirimanua sijo samba sigalaiake sikatai sangotungaminca murimanua simaburu, tapoi kiuagai, sirimanua sikalotoake Taikamanua rasilo le geti puuktungan, kalulut maloto sia ka purimataatNia.

Sip. 8:15

Kalulut nenda kuuumun le obaket baga, kalulut taanai puuktungan bagei ka sirimanua ka tei matatsulu, sarat mukom samba mulo samba leu muangka baga. Nenda te sipaaleinia kabagat besit tubunia ka burut purimanuaiatnia sikau Taikamanua katubunia ka tei matatsulu.

Sip. 9:7

Kauan, kom kannu kabagat angkat baga, samba lo anggurnu kabagat sanang patuat, kalulut amaburuan Taikamanua aioba sigalaiakenennu.

Jer. 13:16

Latsatake le' si Tuhan Taikamanuam, kepei Igalaiake gogoi pugepgeman, kepei tusoksok rerem ka uddut sangamberi leleu sisaluki soibo, kele airangengena, toro tapoi Ibailiu le' mainep samba silinangannia bailiu magepgep.

Jol. 2:2

Gogoi nenda magepgep samba mainep, sut kujuk simauket. Saladdut sit siooi kele tanai rusa, sipuririkdingan ka uddut leleu. Sipuaaili kele nenda ta'pei tuagai aibara, saamba taan babara geti teret buruburu.

Mat. 22:13

Kuanangan rimata ka sapaguguletnia, ‘Kabe kam rere samba kabeinia, ribbaiake kam nia ka simagepgep ka bebe, sedda te ipusosou samba iputatangat sotnia.’

Joh. 12:35

Kuanagan ka matada Jesus, “Taan mauuju ikuddu ka kam pato. Oto puenung kam ka teteret ai pei le pato ka kam, bui isaksak kam gepgep; aipoi sipueenung ka gepgep, ta iagai kaipa ieei.

5Mos. 32:29

Ke bai masiku patuatdra, raagai kolou geti, samba paatutdrangan kalepakat purimanuaiatdra.

Jud. 1:18

Arakuangan poi ka matamui, “Kei bara gogoi kalepakat polak, momoi te sipagegegei sipuririmanua masitutnake pubotbonan pukataikatda.”