Sip. 11:5 - BUKO SIPUNENAN

⁵ Kele taiagainu pueenungnia rusa samba sangamberi tolat ka bagat suruket sara sinanalep sipususuruket, kisedda te taiaagainu galaiet Taikamanua sigalai sangamberi galaiakenen.

Sip. 11:5 Iomraidhean Croise

Job 37:23

Sipulugege, sitaioi isinougi patuatta, siabeu gege samba puroipoatNia, kenanen makayoNia pubulanan, ta paoreiNia.

Job 38:4

Kaipa ekeu, kateteret akugalakake bongen polak? Pumumuanake, ke ai puaagainu kolou!

Job 5:9

Bulat abeu sigalai Taikamanua, tamomo ikeruijinia patuatta. Sangamberi kiseiet sigalaiNia tamomoi tuadde samba ta'anai katatakatnia.

PSALMEN 104:24

Apate igi sigalaiNu, ale Tuhan, sangamberinia Nubailiuake kabagat pusikuat patuat, polak sun le sibarakenenNu.

PSALMEN 40:5

Mauktuk te sirimanua, sikau tonem bagania katubut Tuhan, sitaitotoili ka sangamberi sirimanua simabuak patuat, ele sitaipasitututake sipaboboko!

PSALMEN 92:5

Kalulut anugalaian aku muangka baga, ale Tuhan, pasamba galajetNu, kalulut sigalaiakenen kabeiNu mugora baga le aku geti.

Sip. 1:13

Kumuineake le paatuatku masigaba samba masilelekake kabagat pusikuat paatuat senengamata sipuaaili katei manua. Nenda galajet sigejaake baga siaket Taikamanua katubut sangamberi tatogat sirimanua sisaggoiji tubu.

Sip. 1:6

Boroi rusa ka isit ka kaiaman, lepa bokkonangan iei ka bare, riuriru le ipasibokko, samba toili minca.

Sip. 11:4

Kasei geti mariuriu masipuletsei rusa ta' mangungurep; samba kasei geti mariuriu masiitco tanai rusa ta' masimomonei.

Sip. 3:10

Akuitcoan galajet siaket Taikamanua katubut tatphgat sirimanua sisaggoake tubunia.

Sip. 3:11

Nia masigalai sangamberinia malainge ka teterenia, samba leu ikau le sitaimasusu kabagat patuatda. Tapoi tamomoi isinouginia sirimanua galajet sigalaiakenen Taikamanua barania kapanandaat pat aili kalepakat.

Sip. 7:24

Aponia sibabara, nenda mareunan samba makeru, bulat makeru, kasei momoi sisesenia?

Sip. 8:17

oto makoinongnangan kaku, sirimanua tamomoi rasinougi sangamberi sigalai Taikamanua, sigalaiakenenNia ka tei polak. Kenanen kipapa besit tubunia sirimanua igabania, ta isesese. Kenanen sirimanua simasiku patuat masikua, iagai, tapoi tamomoi isesese.

Jes. 40:28

Ta pa nuagai, samba ta pa anuarep? Tuhan iate Taikamanua simatom sibaraake polak barania ka tu'tu pat aili ka tu'tu; ta' masasaggo samba ta' masulei tubuNia, tamomoi tusinougi puaagaiNia.

Joh. 3:8

Muboroi le rusa ka siobania, ai le nuaarep ngangania, tapoi ta nuagai kaipa kabaraiatnia samba kaipa kasegekatnia. Kisedda leu te sangamberi siputututu mata ka Ketsat.”

ROMA 11:33

Apate kerunia pukayoat, sikut paatuat samba puaagai Taikamanua! Bulat ta momoi tukerui ukumannia samba bulat ta momoi tusinogi enungannia!