Sip. 1:8 - BUKO SIPUNENAN

⁸ Sangamberinia magelaet, pat taioinangan ratiboakenia sirimanua; mata ta'maengtek masiitco, talinga ta' sesegebaga masiarep.

Sip. 1:8 Iomraidhean Croise

PSALMEN 63:5

Kisedda te' obaku masiumun Ekeu ka sanganantat puririmanuangku samba masigoi oniM sialei situakkat kabei.

Pangt. 27:20

Laggaira tai kabaga samba katusubuat ta sesege bagania, kisedda leu et matat sirimanua taanai kasegekat bagania.

Sip. 1:7

Sangamberi bagat oinan muguruk ka koat, tapoi koat ta masusun; kaipa ipuguruk bagat oinan, sedda te ipuguguruk simariuriu.

Sip. 2:11

Kateteret kulelekake senen galaiet sigalai kabeiku samba senen besiakenen sigalaiakenenku addeat ka saggot tubu, itso le, ka sangamberinia iate siboboi le samba besit tubu masijarik rusa; kirenangan taanai puuktungan ka tei sulu.

Sip. 2:26

Kalulut katubut sirimanua obaketNia ikau pusikuat paatuat, puaagai samba puangkakat baga, tapoi sirimania sijo ikoiniake masiruruake samba masitabbui apa-pa' samba kalepakatnia kaunangannia ka sirimanua kilibet bagat Taikamanua. Nene leuet pusiboboiat le samba besiakenen masijarik rusa.

Sip. 4:8

ai sirimanua sipusasara, taanai tatogania taimanteu ele sarainania taimanteu, samba ta muaari isaggoiji tubunia, matania leu ta sesege ka pukaioat; – kasei uktuk kusasaggoiji tubukku samba kukera pusanangan? – Nene leu siboboi samba pubesikat tubuM.

Sip. 6:7

Sangamberi besit tubu sirimanua iate uktuk ngungunia, tapoi obaket bagania ta sesege.

Hag. 1:9

Nubesiake le kam buat siureman simaigi, tapoi goiso le anusilo kam. Abbitmuiannia ka lalepmui, tapoi buat simoneimui nenda ulupakekungannia isapru. Angoi pa akugalaiake nenda? Alegietnia iate: kalulut umangKu poi siragatat pei le, aipoi sangamberimui sarat masibesiake nugalai kam lalepmui pasasaramui.

Mat. 11:28

Konan kam kaku, kam simasaggo tubu samba simaoru ambinen, kuaroiake kam.

Mat. 5:6

Mauktuk te sia simalaje simaoggou masigalaiake puroipoat; isesegeake poi bagada Taikamanua.