Sip. 1:2 - BUKO SIPUNENAN

² Aikua Sipungangantoman, pusiboboiat, sangamberinia iate siboboi le.

Sip. 1:2 Iomraidhean Croise

Job 11:12

Ke moi raagai kolou sitaiagai patuat, oto oinangan leu iputu'tu matat togat kalidei simalia sibailiu sirimanua.

PSALMEN 144:4

Sirimanua makere' le kele rusa sipuboboroi gogoinia kele ailiggou itusabau.

PSALMEN 89:47

Pigangan burunia, ale Tuhan, Nupulipput simariuriu, ipujuluu goluNu kele obengan?

Sip. 11:10

Ribbaiake pureureugat baga ka paatuatnu samba areuake pangoringan ka tubum, kalulut pubabautubu samba torot puririmanua iate pusiboboiat le.

Sip. 11:8

kalulut nenda ke' mananta rurania sirimanua, eddangan ipuangka baga ka bagania, tapoi kau le irepdep geti gogoi simagepgep, kalulut maigi. Senen sangamberi siooi iate siboboi le

Sip. 12:8

Pusiboboboi ka sangamberi pusiboboboi, ngangan Sipungangantoman, ka sangamberinia iate siboboi le.

Sip. 2:11

Kateteret kulelekake senen galaiet sigalai kabeiku samba senen besiakenen sigalaiakenenku addeat ka saggot tubu, itso le, ka sangamberinia iate siboboi le samba besit tubu masijarik rusa; kirenangan taanai puuktungan ka tei sulu.

Sip. 2:15

Iageti kuakungan kapaatuatku: “Enungan puririmanuanda sitaiagai paatuat leuet ioorak aku. Apa lulunia kumasisiku paatuat?” Lepa kuakungan kapaatuatku, nene leuet siboboi le.

Sip. 2:17

Kalulut nenda malagabagakku ka puririmanua, kalulut kukua le masibesiki aponia sigalaiakenen ka tei sulu, aipoi kasangamberinia iate siboboi le samba besiakenen masijarik rusa.

Sip. 2:19

Samba kasei pa masiaagai, sirimania nenda simasikupaatuat ele sitaiagai paatuat? Kenanen bai kisedda muririmate geti nia ka senen besiakenen sigalaiku ka tei matat sulu ka besit tubu pasamba pasipapakei pusikuat paatuat. Nene leuet siboboi le.

Sip. 2:21

Aipoi, ke' ai sirimanua simasaggo tubu kabagat sikut paatuat, puaagai samba puaagai kasara galaiakenen, iageti buita igalakake rubeiatnia ka sirimanua sitaimasoggo tubu kabagat nenda. Nene leuet pusiboboboi samba pugejaat baga sabeu.

Sip. 2:23

Sanganantat puririmanuania sun le pureureugat baga samba pugagalainia sun le besit paatuat, mandeaan kateteret sinoibo paatuatnia ta' masanang. Nene leu siboboi le.

Sip. 2:26

Kalulut katubut sirimanua obaketNia ikau pusikuat paatuat, puaagai samba puangkakat baga, tapoi sirimania sijo ikoiniake masiruruake samba masitabbui apa-pa' samba kalepakatnia kaunangannia ka sirimanua kilibet bagat Taikamanua. Nene leuet pusiboboiat le samba besiakenen masijarik rusa.

Sip. 2:8

Kururuake leu perak samba mas panguruat sibara ka tairimata ka laggai sisaggangienku. Sipuurai taimanteu samba tainanalep siangkaake bagakku pasamba sangamberi uraira. Siobat bagakku le kubakkati igit sinanalepku kabebe.

Sip. 3:19

Kalulut enungan puririmanuan sirimanua makere le enungan puririmanuan tarimeu, enungan puririmanua simakere iorak le sia; kele imatei sisara, kisedda leu bagei. Ka ruania ai enga simakere, samba sirimanua taanai pabaggeiatnia ka tarimeu, kalulut sangamberinia iate siboboi le.

Sip. 4:16

Ta sasappru siberikabaga uteakenennia, tapoi sirimanua siooi geti ta raobania. Kalulut nenda, nene leu siboboi samba galajet masijarik rusa.

Sip. 4:4

Samba itcokungan senengamata besit tubu samba senengamata puaagai kabagat galajet iate si'sit baga ka sabagei. Nene leu siboboi samba galajet masijarik rusa.

Sip. 4:8

ai sirimanua sipusasara, taanai tatogania taimanteu ele sarainania taimanteu, samba ta muaari isaggoiji tubunia, matania leu ta sesege ka pukaioat; – kasei uktuk kusasaggoiji tubukku samba kukera pusanangan? – Nene leu siboboi samba pubesikat tubuM.

Sip. 5:10

Kabagat tutuppaina pukaioat, tupainangan leu sirimanua sisappruakenia. Samba aponia uktuk sibakkatnia, ta pa sarat masiitco le?

Sip. 6:11

Kalulut makokope le' igi titiboat, makokope le' igit pusisiboiat. Aponia katukaunannia ka sirimanua?

ROMA 8:20

Aipoi sangamberi sibaraakenen amusupman ka kaaanau, ta ke teunia, ka teu Taikamnua sipasisusupmake le,