Plp. 4:3 - BUKO SIPUNENAN

³ Samba kutiddou leu kekeu Sunsugos, aleiku simatopit bule nuromake sia. Aipoi arapaaleian aku ka bagat pasaggangan masipaarep Katuareman Simaeru, samba si Klement leu samba sabagei aleiku mugalai, sitususurat oni ka buko purimanuaiat.

Plp. 4:3 Iomraidhean Croise

PSALMEN 69:28

Tuppai le ukum ka tubutda, samba bui Nuparoipo sia!

2Mos. 32:32

Ke momoi appeakean le' jotda, ke ta posangan le oningku ka buko purimanuaiat.”

Jes. 4:3

Senen sirimanua sikukuddu ka Sion samba sipulelegei ka Jerusalem tuoniake le sipunenan, iate senen sirimanua ka Jerusalem sitususurat bule rasilo purimanuaiat,

Jehz. 13:9

Kutotoiake le geti kabeiKu masisaggangi sangamberi tai nabi sipasiitco sangamberi pakaraoat patajuat samba sitiboake tawa pabokoat.Ta tuaddeake sia ka pusaraat paamianKu samba ta tususuratake sia kabagat surat muntogat, taan tuguguru sia ka polak Israel, agaimuian getinia Aku te Tuhan Taikamanua.

Dan. 12:1

Kuanangan minca malaika nenda, “Keteteret nenda babara geti si Mikhael malaika sabeu sipasijago tai Israel. Lepa nenda babara te geti pangoringan sabeu, sita'pei amuaili kateteret siburu kele pat aili tetere pangoringan sabeu nenda. Tapoi sangamberi tai Israel sitususurat oniia kabagat bukot Taikamanua, tupaarau te geti.

Luk. 10:20

Kenanen kisedda bui imaangka bagamui rereddetda kam sanitu, kau le imaangka bagamui kalulut atusuratnakean onimui ka sorga.”

ROMA 12:1

Oto ka kam sasaraina ka nuntut bagat Taikamanua, bule nubuluake kam tubumui kele buluakenen sipuririmanua, sipunenan samba obaket Taikamanua. Nenda te pususurumui sipulelek.

ROMA 16:12

Salam kai Trifena samba Trifosa, simomoake tubu mugalai kai Tuhan. Salam kai Persis, kilibet bagaku, simomoake tubunia mugalai kai Tuhan.

ROMA 16:9

Salam kai Urbanus, alei pagalaiakenenmai ka bagat Kristus, samba salam kai Stakhis, kilibet bagaku.

Plp. 1:12

Koba le nuagai kam nia sasaraina, sangamberi sibabara ka tubuku, aibailiuan pasiruei imakakara Katuareman Simaeru,

Plp. 1:16

Sia nene masipaarep sibara ka nuntut baga, raagai poi kalulut pasialegiat Katuareman Simaeru le aituake aku sene.

Plp. 1:27

Sarat kau le siripot Katuareman Simaeru sibara ka Kristus puririmanuamui, bule ke moi aku itcokungan nia, ele ta moi aku arepkungan nia pagalaiat ron puririomui ka bagat sara ketsat, samba sisara paatuat masipaukeleake tonem baga sibara ka Katuareman Simaeru,

Plp. 1:5

kalulut paromanmui ka bagat masipaarep Katuareman Simaeru barania ka gogoi siboiki aili teret kineneiget.

Plp. 1:7

Mateuan kupupaatuat kisedda ka tubumui sangamberimui, aipoi ai le kam ka bagat paatuatku, kalulut kam sangamberimui amurubeiatnan kam ka bagat kiliu baga sipanguruatnakenen kaku, ka teteret ai aku ka bagat penjara ele ka teteret pasialegiat samba masironake Katuareman Simaeru.

Plp. 4:2

Kunana si Euodia samba kunana si Sintikhe, bule sikere paatuat ka bagat Tuhan.

Kol. 1:7

Sangamberinia nene anugelaian kam kai Epapras, alei mugalai kilibet bagamai, pagugulet Kristus simatopit masipasikeli kam.

Pamoil. 13:8

Sangamberi sikuddu ka polak nene murappo ka matania, ia te sia sitaitususurat oni ka bagat buko purimanuaiat Togat Biribiri silepa jaja barania ka panandaat polak.

Pamoil. 17:8

Tarimeu siitconu nenda, siburu ai, kineneiget taan, muoottou minca ka guluggu kamateiat samba iaailiake kalangokatnia. Bailiu makisei bagada sikuddu ka polak, sia sitaitususurat oni ka buko purimanuaiat barania ka panandaat polak, raitco tarimeu nenda, ai, lepa taan, samba muoottou minca.

Pamoil. 20:12

Ia geti itcokungan simamatei, sabeu samba sigoiso, murio ka matat uddenan purimataat nenda. Samba sangamberi buko tubuka. Lepa tubuka leu buko bagei, ia te buko purimanuaiat. Oto sia simamatei tuukumake siripot sigalaira sitususurat ka bagat buko.

Pamoil. 20:15

Kasei sitaitususurat oni ka bagat buko purimanuaiat, turibbaiake le nia ka koat api.

Pamoil. 21:27

Tapoi apa pa simalolit, ele sirimanua sigalaiake kasitsitnakenen ele boko, taan tuguguru ka bagania, sarat sia le sitususurat oni ka bagat buko purimanuaiat Togat Biribiri.

Pamoil. 3:5

Simamanang, nia te tuleleppeiji leppei simabulau kele nenda; samba ta kupoposa oninia ka buko purimanuaiat, tapoi kumumunengake le oninia ka matat Ukkuiku samba ka matada samalaikania.