Plp. 2:3 - BUKO SIPUNENAN

³ Bui tugalai masigaba uktuk tubu ele katuumunan siboboi. Tapoi bule ka epet paatuat senemui masiaddeake sabagei pei le abeu bele pei tubumui.

Plp. 2:3 Iomraidhean Croise

Pangt. 13:10

Pubuangan patuat iate sibaraake pajoggolat tapoi sia siarepi nganturat masisese sikut patuat.

Luk. 18:14

Kukua nia ka matamui: Sipuuku cukai le aiparoipo Taikamanua aitoili ka lalepnia, ta si Parisena. Aipoi siabeuake tubuna tupagogoiso le nia, samba sipagoiso tubuna tuaabeuake le nia.”

ROMA 12:10

Kau nupanuntu kam baga pasasambamui samba paruei kam masikau paroroiat.

ROMA 13:13

Kau tapuparaboat kam simasuru simateu ka tago; bui masosot pukokom samba pulolo, bui ka puoloman tubu samba pubotbonan, bui ka pagolukat samba sisit baga.

ROMA 2:8

Tapoi ka sia sigaba puuktungan tubu, sitaireddet pubulanan, tapoi situtnake sikatai, golu samba ukuman Taikamanua le rasisilo.

1Kor. 15:9

Aipoi aku le simakope epe ka sangamberi tai apostel, kalulut akukukuru poi paamian Taikamanua.

1Kor. 3:3

aipoi sirimanua akkula pei le kam. Aipoi ke ai ka talagamui tutut baga samba pajoggolat, ta ia ne masipatoila sirimanua akkula le kam, samba muparaboat siripot pusisirimanua?

2Kor. 12:20

Aipoi makarat bagaku, ke moi aku kusese kam ta siripot siobat bagaku, samba aku leu nusese kam ta siripot siobat bagamui. Baleu bara pajoggolat, tutut baga, golu, alau baga, patitiboi, pakasanan, pubuangan samba pulamagat.

Gal. 5:15

Tapoi ke pason samba pagung le kam, paan te ka kam, masubumuian.

Gal. 5:26

Bui tapubeunan tubuta siboboi, paaggara pasasambata samba pasisi pasasambata.

EPESUS 4:2

Kau le muepe paatuat kam, muleppe baga, muom baga samba pakoinong kam nuntut bagamui ka bagat parom pasasambamui!

EPESUS 5:21

Kau nupaepe kam tubu pasasambamui ka bagat loto ka Kristus.

Plp. 2:14

Sangamberinia galai kam si ta ngungu samba paukelat,

Kol. 3:12

Kalulut nene, siripot sipilit Taikamanua, sipuneni samba pukatekietnia baga, pakei kam pukatekat baga, puaanggai, epet paatuat, leppet baga samba om baga.

Kol. 3:8

Tapoi kineneiget ribbaiake kam sangamberinia nene ia te: golu, ngoingoi baga, katai, asa samba nganga sikatai sibebela ka ngungumui.

1Tim. 6:4

ia te siabeuake tubu, sitaiagai apa pa. Oringenda ia te sarat masigaba paisekat samba paukele tiboiet, sibaraake sisit baga, pagolukat, pakataikat nganga, pasuksungan sikatai,

1Ptr. 3:8

Ia geti pasilepania, kau sisara paatuat kam sangamberimui, sikere masiorik, mununtu baga ka saalei, mukate baga samba muepe paatuat.

1Ptr. 5:5

Kisedda leu kam sibau tubu, pusum kam ka simabaja. Samba kam sangamberimui paepe kam tubumui pasasambamui, aipoi aikua Surat Sipunenan, “Isasaggangi le poi simabuak paatuat Taikamanua, simaepe paatuat geti ikikiliu le.”