Pangt. 3:9 - BUKO SIPUNENAN

⁹ Abeuake si Tuhan kabagat pukayoatnu samba ka bua siboiki ka sangamberi sigabam,

Pangt. 3:9 Iomraidhean Croise

1Mos. 28:22

Samba bukku sirioakenenku ibailiu geti kudduat panindogat kai Tuhan. Kasangamberi siakeNu katubukku mariuriu le kupanguruatnake seperpulu katubuM.”

2Taw. 31:10

samba aleginangania si Azarya, utera tai imam muntogat Zadok, kise, “Kateteret aitutaddaake panguruat sikokoi ka Uman Tuhan, taanai komenmai simagulai, tapoi amulegei peile, bailiu maigi peile amulegei. Sangamberi nene kalulut aipanukani si Tuhan paamianNia.”

2Taw. 31:21

Aipuriuriu sangamberi galajetnia, kalulut sangamberi sigalai Rimata Hizkia ka Uman Tuhan samba pasirereddetnia sangamberi surukat Tuhan, igalaiake kabagat muinet patuat samba nuntut baga katubut Tuhan Taikamanuania.

PSALMEN 144:13

Bule kuuduat pangorikattta masun senengamata buat sigalai kabeita; biribiritta ibailiu sipuriribu, samba leu sipupupuluribu ka sangamberi polakta!

2Mos. 22:29

Kateteret siteuakenen, panguruatnake kam katubukKu sangarubeiat sibara ka buat gandum samba suat anggurmui. Ake kam tatogamui simanteu sikebbukat katubukKu.

2Mos. 23:16

Punenake kam Punen Pasimoneiat kateteret nutadda kam masimonei bua siboiki sigalaimui ka monemui. Punenake kam Punen Pusasapou Buluk ka pangampulat rura kateteret nururuake kam buat monen anggur samba monen buat kaju.

2Mos. 23:19

Ka senen rura buita nuambit kam ka Uman Tuhan Taikamanuamui gandum sigetaimui siboiki. Akkulat togat biribiri ele togat kambing tamomoi tuseu pasamba suat tottot inania.”

2Mos. 34:26

Ka senen rura buita nuambit kam ka Uman Tuhan Taikamanuamui bua siboiki bulat simaeru sibara ka polakmui. Akkulat togat biribiri ele togat kambing tamomoi ituseu pasamba suat tottot inania.”

Pangt. 11:25

Kasei maigi masikau panukanan, tukau le sipususukkra, kasei masikau lo, tukau geti lo nia.

Pangt. 14:31

Kasei sigalai simaeru ka simageba, iabeuake le Taikamanuania, tapoi kasei masipaorei sitaioi tubu, masipaloloi Taikamanua le aigalai.

Jes. 43:23

Ta anuabbit biribiri buluakenen rarangennu katubukKu, samba ta anuabeuake Aku ka buluakenen jajaketnu. Ta Akuake bairanennu Kutiddou buluakenen komen ele Kubesiki ekeu Kutiddou kumanyang,

3Mos. 19:25

Ka rura sikalima geti momoian nukom kam buania, bule ituppai buania kakam; Aku te Tuhan, Taikamanuamui.

4Mos. 15:20

Tapung jelaimui siboiki buita nupanguruatake kam sibialiu panguruat sikokoi kele roti simamuine; sibara ka bua pasigetaiatmui, kisedda te bulat nupanguruatake kamnia.

Mat. 25:17

Kisedda leu et sisilo rua talenta, sesenangan uktuknia rua talenta.

1Kor. 16:2

Senen gogoi Menggui senemui masiruruake bulagat teret sibabara, koiri ka kudduatnia, bui teret amoian le aku ia pei tutaddaake masiruru.

5Mos. 14:29

Komen nenda iate komenda tai Lewi kalulut ta anai ka sia polakdra, samba leu ka tai toi, sita' ina samba tai lumang sikukuddu ka laggaimui. Momoi raoi masiala sangamberi komendra ka sia. Ke nugalaiake kam kele nene, iageti sukatnakenangan sangamberi galajetmui si Tuhan Taikamanumui.”