Pangt. 17:3 - BUKO SIPUNENAN

³ Mas samba perak tusibo le nia ka obengan, tapoi patuat sirimanua geti Tuhan le masisisibo.

Pangt. 17:3 Iomraidhean Croise

Jes. 48:10

Bulatnia te, Akupalinaan ekeu, tapoi ta kele perak, tapoi Akusibongan ekeu kabagat purusuat pangoringan.

Jer. 17:10

Aku, Tuhan, sipasikikinere paatuat, sipasisisibo ketsat, addeat masisisliake katubut senen sirimanua siripokat puparoboanannia' siripokat buat galaitubunia.”

PSALMEN 26:2

Pulelek le aku, oi Tuhan, samba sibo le aku, lelekake obaket bagakku samba paatuatku.

Pangt. 27:21

Kui uktuk masianauake perak samba obengan masianauake mas, samba tuagai sirimanua siripot katuumunan sikau katubunia.

1Ptr. 1:7

Sangamberinia nene ia te pasimuneng linania tonem bagamui – sisaliu pei le kepput sakit mas simasusuet, sisibo linania ka api – sikau kam masisilo katuumun samba pulatsanan samba pubeunanan ka gogoi katutoilakat Jesus Kristus.

1Taw. 29:17

Kuagai Ekeu masisilo paatuat senen sirimanua samba Nuoba sirimanua paatuatnia simalina. Ka lina samba angkat baga kupanguruatake sangamberinia nene katubum. Akulelekakean kipa paamianNu siparuru sene masiabbit panguruatda katubum ka angkat baga.

PSALMEN 66:10

Aipoi Anusibongan kai, ale Taikamanua, aipalinaan kai, kele rapalina perak.

Pamoil. 2:23

Samba sipasitututnia kumateiake, bule raagai nia sangamberi paamian, aku le siagai masisinogi atei samba paatuat sirimanua; samba kusiliake ka kam siripot sigalaimui senemui.

Zakh. 13:9

Sarat sara pertelungan le tupaarau geti. Kupalina le sia geti kele perak silatcatnakenen obengan. Kusibo le geti sia kele sara sipasisibo mas. Lepa panindourangan geti katubukKu, samba alegikungan sia. Kuakungan katubudra, sia iate paamianKu samba sia leu et masimunengake, Aku te Tuhan Taikamanuandra.”

PSALMEN 139:23

Puletsei aku, ale Taikamanua, samba agai paatuatku, sibo le aku samba agai sangamberi pinaatuku;

Pangt. 15:11

Laggaira tai kabaga samba kamateiat matoila le ka matat Tuhan, sarapei patuatda sirimanua.

Pangt. 17:2

Pagugulet simaagai muute le nia geti katubut toga sigalai puailaat, samba silonangan geti pukaioat kupkupakenennia sambatda sasarainan toga nenda.

Jehz. 22:18

“Ale togat sirimanua, Kaku muntogat Israel aibailiuan porak; sangamberitda iate kele tembaga, tima simabulau, laba' samba tima simapusu kabagat pasianaugat; sia kele porat perak.

Dan. 11:35

Sangarubeiat saute simasiku paatuat nenda matei le geti sia, tapoi nenda sibailiu pasisiboat ka paamian pat malinarangan. Pagalaiat nenda mariuriu le geti teret kalepakat polak, iate tetere siteuakenen Taikamanua.

5Mos. 8:2

Repdem kam! Epat pulu ngarura burunia aiuteake kam si Tuhan Taikamanuamui ka pusilaijat simareunan sisaliu simatangeu. Puenunganan nenda pinaatut Tuhan masisibo kam, bule ioi iitco aponia sibabara ka patuatmui samba ai leu pa reddetmui ka sangamberi parentaNia.

5Mos. 8:16

Akenangan manna komenmui ka simatangeu, komen taiagaijetdra taikebbukatmui. Aigalai kele nenda si Tuhan iate masisibo kam samba masiepeake patuatmui, bule kalepakatnia oinangan igalai simaeru si Tuhan ka tubumui.

Job 23:10

Kalulut iagai enungan purimanuaiatku, ke isibo aku, makoinongkungan kele mas.

Job 28:1

“Kirenangan ai kudduat rapasigaba perak sirimanua samba kudduat pasilatsat mas,

Pangt. 16:2

Sangamberi enungan sirimanua maeru kele sipinatunia sarania, tapoi si Tuhan maiitco patuat.

Pangt. 21:2

Senen enungan sirimanua maroipo siripokat sipinatutda, tapoi Tuhan le siagai patuat sirimanua.