Obj. 1:7 - BUKO SIPUNENAN

⁷ Patajurangan kam saaleimui samba tuituiake'rangan kam ka laggaimui. Kalaakerangan kam saaleimui, samba pajorangan kam sirimanua pakomakenenmui. Panounouakerangan pagalaiat tubumui, kaipangan kineiget puagaiatdra tai Edom

Obj. 1:7 Iomraidhean Croise

PSALMEN 41:10

Beringan aleiku katonemienku, simareirei kupukom kai simakere, masiakkatake rere masikaddiuake aku.

PSALMEN 41:9

“Besi' sipamamatei aiorakngannia, sangaminca iperep taan tususurunia minca.

Jes. 27:11

Ke amagarakngan sangamberi ran, oto tubakbakngake le; oirangan geti tainanalep samba laborangannia sibailiu loina paneu. Kalulut nene te sara bangsa sitaanai paatuat, niate lulunia sigalainia ta atupunutukinia baga, samba sibaraakenenia ta aipukatekinia baga.

Jer. 20:10

Akuarepman ngunyut sirimanua simigi: “Moi le' pulotokat sibara ka sangamberi tutut polak! Nganduake le' nia! Taoba le' masinganduakenia!” Sangamberi sirimanua sasuruakku masitaiko bebele' leu pa' aku kutusoksok: “Baleu iobaake tubunia itupusum, bailiu oinangan tukalaakenia, samba moi tugalai lumunta katubunia.”

Jer. 30:14

Sangamberi pununtukietbagam masikalipogi ekeu, ta'an raparerereake ekeu minca. Bulatnia, Aku boboan ekeu pasamba bobobora tai saggak, pasamba liliso ka golu simakope, kalulut maigi selemui, jomui bulat maigi.

Jer. 38:22

Bulatnia, sangamberi tainanalep sikukuddu pei le' ka uma purimataat rimata Jehuda tugerit sia ka uja kamatatda saladdu rimata Babel, sialei soga: Tupajo le' ekeu, rakalaake le' ekeu sangamberi saaleinu. Tapoi iapei aituusep rerem ka loti, arasoksokngan ratoili.

Jer. 4:30

Samba ekeu, sisubuakenen, aponia le' nugagalai, angoi nuleleppeiake leppei simabonan, masipalainge tubu pasamba pulaingean mas, masilokot calak ka matam? Siboboi le nupalainge tubum, aipoi sangamberi umunnakenennu ta'raoba ekeu, samba raoba peile ramataiake ekeu.

Jer. 49:7

Nene le sikuat Tuhan Sebaot pagalaiat Edom, “Ta'pa' momoi rapuaatuat simasiku tai Edom” Taan pa' arakau minca panganturat sipangangantru katubutra? Asaprungan pa' pusikuatra!

Sou. 1:19

Kusogai le sasuruakku tapoi arapajo le aku; tai imam samba sikebbukat laggai amateian sia sangamberitda ka sangamberi enungan laggai, kateteret airagagaba komenda masituppai puririmanuanda.

Hos. 13:13

Tai Israel ai oggak addeat murimanua, tapoi makope le taiagaira patuat bailiu ta'arapakei oggak nenda. Makere lenia kele toga ta'an mabuburu ipututu mata tapoi ta'ioba bela kabalugut inania.

Hos. 7:11

Tai Israel kaipa le raoba ei kele uma, ngorut sitaiagai patuat siboiki sirimanua ratiddou paroman ka Misir, lepa geti ei sia ka tai Asyur!

Joh. 13:18

Ta pagalaiat kam sangamberimui sikuaku nene. Kuagai poi sia sipiliku. Tapoi bule ipuaili siniboi Surat Sipunenan sipasikukua, ‘Alei pakomakenenku aikieakean rerenia ka tubuku.’