Obj. 1:3 - BUKO SIPUNENAN

³ Aipatajungan kam buak patuatmui. Laggai sabeu kudduat rimatamui iate leleu bukku simaron, kudduatmui ka leleu simabuak. Lulut nenda paatumuian, “Kasei momoi masibeleake' aku?”

Obj. 1:3 Iomraidhean Croise

1Mos. 36:8

Iageti si Esau leu oniakenen Edom, mukuddu ka leleu Seir.

2Rim. 14:7

Ka sara pasaggangan, si Amazia masimateiake pulu ngaribu saladdutda tai Edom ka Lembah Asin samba alanangan leu laggai Sela. Oniakenangan laggai nenda iate Jokteel. Teret kineneiget Jokteel peile onin laggai nenda.

2Taw. 25:11

Iageti bara gegenia si Amazia samba ambitnangan saladdunia ka Susut Simakalo. Pasaggakrangan sedda samba leu mateiakerangan pulu ngaribu saladdut Edom.

2Taw. 25:12

Pulungaribu sabagei tutangsiake sia. Ambitrangan sia ka uddut leleu bukku ka laggai Sela, lepa ribbaiakerangan sia ka gilak pat matei sia.

Job 20:6

Kenanen puaabeunia pat aili ka manua, pat bekbeknangan ute'nia tanai rusa,

Pangt. 16:18

Pubuangan patuat iate sibarake katusubuat, kelat patuat iate sibaraake katukataikat.

Pangt. 18:12

Buak patuat muboiki le nia ka katukataikat, tapoi sirimanua simaepe patuat tuabeuake le.

Pangt. 29:23

Pubuangan patuat masiputata sirimanua, tapoi sirimanua simaepe patuat, masisilo katuumunan.

Jes. 16:6

Akuarepman kai pagalaiat buak patuatda tai Moab, bulat maukkat sia, pagalaiat purorot baga samba ngongoi bagania, samba pagalaiat tiboiet sitaimaeru.

Jer. 21:13

Bulatnia te' ibailiu le' geti aku saggaknu, ale laggai kauddut pengleu, leleu bukku ka su'su', kise le' ngangan Tuhan, ale kam sipasikukua: Kasei maeme togorosot katubumai samba kasei maeme tuguru ka kudduat pukunemanmai?

Jer. 37:9

Kasenen le' ngangan Tuhan: Bui nupatajukam tubumui masikua: Tai Kasdim nenda atuituian sia ka tubutta teret buru! Tapoi ta'atutuitui sia teret buruburu!

Jer. 48:28

Kam sipulaggai ka Moab, pulaggai le kam ka laggaimui samba kudduake kam ka leleu bukku kele uma' ngorut igalairumunnia ka ngaliu tainit leleu bukku.

Jer. 49:16

Ipataju le ekeu buakpaatuatnu. Taanai simaloto katubum kele sipaatum. Mukuddu le ekeu ka ngaliu bukku, ka tutut leleu. Tapoi, kenanen nugalai lalepnu ka kudduat simakope buak, kelebuak rumun manyang, igogorosotnake le ekeu sedda si Tuhan sedda. Si Tuhan le sipasikukua sangamberinia nenda.”

Jer. 49:4

Ale kam sitaimatopit! Angoi nuabeuake kam su'su'mui simagabru? Apa lulunia nukakaroakekam pukakayomui? Kipa iooi nukuakam, berisara sirimanua simaeme masisaggangikam?

Jehz. 28:16

Kabagat pasisakiatnu sabeu masun le ekeu pukakatai samba nugalaiake le jo. Oto Kuribaiake le ekeu sibara ka leleu Taikamanua samba tularat malaika sipujajago masisubuake ekeu sibara katalagat bukku siputotoro.

Malk. 1:4

Ke paninikat Esau, tai Edom masikua, “Pulaggaiatmai arapakataian, tapoi kupaeru' le kai minca laggaimai.” Kuanangan minca' Taikamanua, “Momoi rapaeru' minca' laggaira, tapoi ai teterenia kupakatainia minca'. Oniakerangan, “Tobbou laggai sikatai' samba “Bangsa siorak golut Tuhan teret buruburu.”