Obj. 1:20 - BUKO SIPUNENAN

²⁰ Tai Israel ka bare' totoili sia baradda ka kudduat katuribbaiatda, samba kudduijirangan geti Fenisia teret ka Sarfat. Tai Jerusalem siribbaiakenen ka Sardis toili geti sia minca', samba bakkatirangan sangamberi laggai karubeiat kaiaman Jehuda.

Obj. 1:20 Iomraidhean Croise

Jer. 13:19

Sangamberi laggai polak Negep atupatpatnakean matatbaliunia, samba berisara sirimanua sipasububuka. Sangamberi tai Jehuda atuambitnan sia ka pasiribbaiat, tuambit ka bagat pasiribbaiat sangamberitda.

Jer. 3:18

Kateteret nenda mei le' geti muntogat Jehuda ka muntogat Israel, samba moi le' sia simakere baratda ka laggai ka isit ka bare ka laggai siparubeiKu ka taikebbukatmui sibailiu bakkat ikepmakenen.

Jer. 32:44

Sangamberi mone rasaki le' sirimanua pasamba perak, masigalai surat pasisasaki, masikau matereinia samba masisogai sipamoiliat ka kupkumen laggai Benjamin, kalegret Jerusalem, ka sangamberi laggai Jehuda, ka sangamberi laggai paleleuleleu, ka sangamberi laggai ka kupkumen Tinambu samba ka sangamberi laggai ka polak Negep. Aipoi Kupaaeru le' puririmanuanda, kise te' ngangan Tuhan.

Jer. 33:13

Ka sangamberi laggai ka paleleuleleu, ka sangamberi laggai ka kupkumen Tinambu, ka sangamberi laggai ka Polak Negep, ka kupkumen Benjamin, kabebet Jerusalem samba ka sangamberi laggai Jehuda, biribiri tusasabau le' minca kakabei sirimanua sipasiaaddenia, kise te' ngangan Tuhan.”

Jer. 33:26

iageti Aku leuet masitata'ake muntogat Jakob samba paguguletKu si David, bailiu muari le' tuuddetnake sibara ka muntogatnia sirimanua sipupaparenta ka mutogat Abraham, Ishak samba Jakob. Aipoi Kupaeeru le' puririmanuanda samba Kupunununtuki baga le' sia.”

Jehz. 36:12

Kugalai le' geti ipagejek sirimanua katubum iate paamianKu Israel, rakudduiji le' geti ekeu samba ekeu ibailiu le' geti bakkat ikemenda samba ta'an Nususubuake sia.

Luk. 4:26

Tapoi ta aikoiniake si Elia Taikamanua ka sia, sarat ka sinanalep silumang ka Sarepta ka tobbou Sidon le.