Obj. 1:15 - BUKO SIPUNENAN

¹⁵ “Bulat amalegrengan gogoinia, Aku, Tuhan, masiukum tai bangsa-bangsa. Aponia sangamberi sigalai Edom bui ta'tulumunake ka tubudda. Raoorik te geti aponia sigalaiakenenda.

Obj. 1:15 Iomraidhean Croise

Est. 9:25

Tapoi amurio le si Ester ka matat rimata, samba rimata masikau parenta sitususurat sibailiuake pinaatu sikatai sigalai Haman siorak tubunia sarania, bailiunangannia samba tatogania tutoakngake ka arigi paninggotat

Job 24:1

Angoi ta aiteuake Taikamanua gogoi pasiukuman, bule sangamberi sirimanua siagaiNia masisilo katuroipoat?

PSALMEN 137:8

Ale okkot Babel, sioba masigalaiake gege sikatai', mauktuk te' sirimanua sisiliake ka tubum sangamberi sigalainu katubumai!

Pangt. 5:22

Sirimanua sikatai tusere kabagat pukakatainia, samba tusere kabagat jonia sarania.

Jer. 12:14

Kasene le' ngangan Tuhan: “Pagalaiat sangamberi pabebeakenenKu sikatai sipakatai laggai sikauKu sibailiu bakkat ikepakenen paamianKu Israel. Kububurau le geti sia ka polakda samba Kububurau le' muntogat Jehuda ka talagatda.

Jer. 49:12

Sirimanua sitaimateu tuukum leu, iorak leu ukum, angoi ekeu taa? Ekeu bulatnia bui tatuukum le!

Jer. 50:29

Kuanangan si Tuhan, “Koiniake le sipabebetu samba sangamberi sipupapana rasaggangi Babel. Goilik kam laggai nenda, bule bui ibara sibebela. Siliake kam sangamberi sigalainia samba galaiake katubunia kele sigalaiakenennia. Aipoi aigalaiakeaan sitaimaroipo katubukKu Sipululatsat, Taikamanuan Israel.

Jer. 51:56

tapoi ka Babel momoi geti sipasikakatai, saladdunia tulaba geti samba rouroura tupakatai geti, aipoi si Tuhan iate Taikamanua sipasisisiliake, samba isisisiliake geti galaitubutra.

Jehz. 30:3

Gogoi nenda amalegrengan, gogoi Tuhan amalegrengan, gogoi samba tanai rusa simagepgep; nenda te teteretda tai bangsa.

Jehz. 35:11

Kalulut nenda, Aku sipuririmanua, kise te tiboiet Tuhan Taikamanua, Kugalaiake le geti katubum kele sigalaiakenennu katubutda kabagat golu samba tu'tut bagam, sibara ka lagat bagam katubutda; samba kupatotoila te tubukKu katubum kateteret kupasiukum ekeu.

Jehz. 35:15

Kele nupuangka baga pagalaiat bakkat ikepakenen muntogat Israel, sibailiu simatangeu, kisedda te Kugagalaiake katubum, ibailu le geti ekeu simatangeu, ale leleu Seir samba ekeu, sangaliot Edom kabagat sangalionia. Agairangan getinia sangamberitda, Aku te Tuhan.”

Jol. 1:15

Gogoi kaoijanan Tuhan amalegrengan, gogoi kalotoakenen Teteret Sipulugege masibaraake katusaragaiat sirimanua.

Jol. 2:1

Nauake kam pipiau, toggaiat ai sibabara ka leleu Sion Sipunenan kudduat Taikamanua, Kau imageret tubumui, ale kam tai Jehuda, gogoi kaoijanan Tuhan malegrengan, samba momoian le.

Jol. 2:11

Mugong le ngangan Tuhan, masiake katuaragat, katubudra saladduNia. Saladdunia maigi sia, samba maron sia masigalaiake sikoiniakenenNia! Bulat makope le lotota gogoi Tuhan, berisara sirimanua siooi masiomake.

Ams. 5:18

Paan te' ka sia sikiddi gogoi Tuhan! Aponia katukaunannia gogoi Tuhan nenda kakam? Gogoi nenda pugepgeman, ta' gogoi simapato!

Ams. 5:20

Ta' pa' gogoi Tuhan nenda pugepgeman le samba ta' pato, mainep samba ta' matoro?

Hab. 2:8

Maigingan bangsa anuparaurangi, tapoi bangsa-bangsa sitaiooi nuraurau, rapararauraugi te ekeu, kalulut pamamatei sigalaiakenennu, samba kalulut gegem ka tobbou laggai-laggai sigoiso' samba sabeu samba ka sirimanua sipulalaggai.

Mat. 7:2

Ukuman sikaumui poi iuukumake Taikamanua ka kam samba kirekat sikireakenenmui leu ikikireake Taikamanua ka kam.

Jak. 2:13

Aipoi ukuman si ta katet baga le kaunen ka tubuda sitaigalai katet baga. Tapoi katet baga le mamamanang ka ukuman.

Pas. 1:7

Kuanangan si Adoni-Bezek, “Siburu pitu pulu tai rimata aku tippu inan singongai kabei samba reretdra, lepa obaakekungan sia masikom legei komen sibebele' ka mejakku. Kineneiget aigalaiakean Taikamanua katubukku kele sigalaiakenenku katubudra.” Lepa geti taroakerangan si Adoni-Bezek ka Jerusalem, samba seddangan le mateinia.