Mik. 7:3 - BUKO SIPUNENAN

³ Sangamberidda maagai masigalai jo. Saute samba tai sipasiukum masitiddou bulagat simalolit sikebbukat laggai masigalaiake siobat bagania kisedda te rapukere baga simakere.

Mik. 7:3 Iomraidhean Croise

Pangt. 16:30

Kasei masipeipeiake matania, iate siisiake patajuat, kasei sipetpetake ngungunia, aigalaiakean sikatai.

Pangt. 17:23

Sirimanua sikatai masisilo bulagat sibara ka enungan sikatai, bule ta igalaiake katuroipoat.

Jes. 1:23

Sautemui iate sitaimareddet samba musara ka sipananangkou. Sangamberitda raoba masisilo bulagat ka sitaimaroipo samba masikukru bulagat ka enungan sitaimaroipo. Ta araropake sitaina ka siripot siloketda, samba ta raoba masiarepi pakaroatda tailumang.

Jes. 26:21

Kalulut bulatnia te, ioba bela si Tuhan barania ka kudduatNia ipasiukum sipulaggai ka polak kalulut puseleatda, samba polak masipakoinong logau simapipili ka uddutnia, taan itatabo sangamberi sirimanua simateiakenen sedda.

Jes. 3:5

Iageti paoreirangan, pasasambatda; sibau tubu rogulu le geti saukkui samba sirimanua sitaiddeakenen masiputata siabeu tiboi tubu.

Jes. 32:7

Ke simapatajuet, sangamberi patuatnia iate sikatai, masipaatu sangamberi galaiakenen sikatai imateiake sirimanua sipangongorik itiboake tiboiet patajuat, kenanen simageba nenda ibesiake isilo simateu siloketnia.

Jes. 5:23

sineseatake sirimanua sikatai kalulut pasisilo bulagat patajuat, samba masiputata pubabakkatda sirimanua simatopit.

Jer. 3:5

Teret buruburu pa' Ipugolu ele mulaga baga simariuriu? Kise le' nukukua, teret siooi nugalaiake sikatai.”

Jer. 4:22

“Bulatnia, Sitaimaagai paatuat le paamianKu nenda, Taan raagai Aku! Tatoga sitaiagai paatuat le sia, samba taanai puaagai kolou! Masoppit le' sia mugalai sikatai, tapoi mugalai simaeru ta' raagai.”

Jer. 8:10

Kalulut nenda Kukakau le' geti sangamberi sinanalepda ka sirimanua sabagei, sangamberi monenda katubut sipaorei. Bulatnia te' barania ka sigoiso pat aili ka sabau, sangamberitda masikukru uktu; nabi samba imam leu, sangamberitda masigalaiake patajuat.

Jehz. 22:12

Sirimanua katubum sisilo uktuk sitaimaroipo bule rapamatei, alanungan bungan bulagat ele masiala uktuk samba masigebaake saaleinu kabagat pasirauraugat, tapoi nukalipogi le kam Aku, kise te tiboiet Tuhan Taikamanua.

Jehz. 22:27

Sikebbukat laggai katalagatda iate kele jo'jot leleu sipasitarakkup komennia kabagat oggou logau, sisubuake sirimanua bule iuktukake tubunia ka enungan sikatai.

Jehz. 22:6

Itco, senen siuteake Israel masikaroake puroronnia katalagamui kabagat ipamatei.

Jehz. 34:21

kalulut sangamberi sitaioi tubu nutukkluake kam pasamba peleppemui samba ta'tamui samba sukkaiakemuiannia pasamba banmui, bailiu lajaumuian sia ka ujat geli,

Jehz. 9:9

Aleginangannia katubukku: “Puseleat muntogat Israel samba Jehuda bulat maigi, bailiu polak nene sun le utak logau samba laggai nene ta'anai puroipoat; kalulut rakua le: Aikaddiuakean si Tuhan polak ne'n'e samba ta'an aipaitcoake si Tuhan.

Hos. 4:18

Lepa aimapuineng kalulut pasilolo anggur simigi, pasakirangan tubudra ka bagat angkat baga. Raoba peile rapaloloi sia bele pei rasuru sia.

Hos. 7:3

Kuanangan si Tuhan, “Sialei pajoat samba sangamberi galai tubu sikatai rakyat masibesiake masiangkaake bagat rimata samba siabeu kapurimataat.

Ams. 5:12

Aipoi Kuagai, galai tubum sikatai maigi samba jomui maigi, ale kam sipasibabailiuake tuokkip sirimanua simaroipo, sipasisisilo bulagat ka sitaimaroipo samba masiputata' sirimanua simageba ka matatbaliu gugurukat.

Mik. 2:8

“Aleginangannia siTuhan, kam te sipasisaggangi paamianku. Toili sia kapasaggangan rakaroni masanang le sia kalalepdra, tapoi anungena le kam sia sedda bule' nuraurau kam lalepdra.

Mik. 3:11

Sautet laggai masiparentaake bule' ibara bulagat kaenungan sitaimaroipo samba tai imam masigalaiake' surukat Tuhan bule ibara upa, samba tai Nabi masitiddou enungan sibara ka Taikamanua, bule ibara bulagatdra. Iageti sangamberidra masipaatu si Tuhan ainia karubeiatdra. Kuadrangan, “Si Tuhan ainia katalagatta; taiorak sita paoreat.”

Mik. 3:2

tapoi malaga le bagamui ka simaeru samba muangka baga le kam ka sikatai. Pabiritmuian kulitdra sa paamianKu samba akkula ka tolatdra.

Mat. 26:15

kuanangan, “Apa nuaake kam kaku, ke kusegeake Jesus ka kam?” Adderangan telu pulu perak kaurangan nia ka tubunia.

1Kor. 4:5

Ianenda, bui nupasiukum kam ta ka teterenia, ke tapei amoi si Tuhan. Nia le masitotoroiji simalipput ka bagat pugepgeman samba masipatotoila isiat paatuat. Sedda pei te senen sirimanua masisilo katuumunan sibara ka Taikamanua.