Mik. 4:9 - BUKO SIPUNENAN

⁹ Angoi makope nupusou? Angoi nupangorik kele tainanalep sipususule? Tapa kalulut tatania Rimatam samba sipangantoman kam atataan?

Mik. 4:9 Iomraidhean Croise

Jes. 13:8

samba leu tugegerangan. Iorak sia geti imun baga samba besit pususule, mukatci le sia geti kele sinanalep sipususule. Paitcorangan geti mata kabagat karat baga, pumataatda kele sirimanua simaroket.

Jes. 21:3

Kalulut nenda mabesinangan tengangku, imunnangan bagakku kele imun bagat sinanalep sipususule pakoukounangan aku, kalulut siarepku tuge'gekungan, kalulut aponia siitcoku.

Jes. 26:17

Kele sinanalep sipususuruket simalegere gogoinia ipusule, ipabeliu tubunia kakulut besi', mukatci kalulut besit pususule, kisedda te siboiki purimamnuaiatmai ka matam ale Tuhan:

Jer. 22:23

Ale ekeu sipukukuddu ka leleu Libanon, samba sipururumun ka sangamberi loinat pinilok! Makope le' nupungu'ngu' kateteret iorak ekeu besi' besi' kele bairanen sinanalep sipususule!

Jer. 30:10

Iageti Ekeu, ba'maloloto, ale paguguletKu Jakob, kise te' ngangan Tuhan, bui imakarat bagam, ale tai Israel! Aipoi bulatnia te', Kupaarau le' ekeu ka kudduat ka sareunan samba samuntogatnu ka laggai katuribbaiatra. Totoili le' geti si Jakob samba murimanua simakolou samba masanang, samba ta'anai katuge'ge'kat.

Jer. 4:21

Piga moian le' ujunia kuiitco sangamberi toggaiat nenda, samba masiarep ipunau pipiau nenda?

Jer. 4:31

Aipoi kuarep le' nganga kele ngangan sinanalep sipususule', ngangan sirimanua situokip kele ngangan ina sipasitu'tu'ake matat toga siboiki, ngangan okko Sion simaengai, sipasirerepaake kabainia: “Paan te' kaku, aipoi matei le' aku kamatatda sipamamatei!”

Jer. 48:41

Sangamberi laggai samba iripnia tuaaleu geti samba saladdunia muloloto le kele sinanalep sepususule.

Jer. 50:43

Rimata Babel aiarepman katuareman pagalaiat sia, ibailiu masaggo le kabeinia pugejatbaga aitarakupannia, ipangorik kele sinanalep sipususule.

Jer. 8:19

Arep! soga okkot bangsaku masitiddou paroman barania ka laggai simareunan: “Ta'anai pa' si Tuhan ka Sion” Ta'anai pa' Rimatania ka bagania?” – Angoi pa' rabaraake le' besit paatuatKu pasamba sangamberi tularat buluijietda pasamba sangamberi taikamanua bagei sita'katukolobat?” –

Sou. 4:20

Ralaba le rimata sinulaijit Tuhan karonietmai sipasiaake purimanuaiat, samba sipasisakkeri kai ka saggak.

Hos. 10:3

Ta'mauju minca geti kuarangan, “Taat anai rimatatta, aipoi sita ta'anai lotota kai Tuhan. Apangan le katukaunannia sara rimata kasita?”

Hos. 13:13

Tai Israel ai oggak addeat murimanua, tapoi makope le taiagaira patuat bailiu ta'arapakei oggak nenda. Makere lenia kele toga ta'an mabuburu ipututu mata tapoi ta'ioba bela kabalugut inania.

Hos. 3:4

Kasedda te pagalaiatnia bangsa Israel, bulat maburu te rapurimanua sita'anai rimata ele siuteake sia, ta'anai buluakenen ele kudduat keikeijet, ta'anai sabulungan ele jagot tubu sipaagai purimanuaiat ka gogoi sibabara.

Mik. 5:3

Iageti galaiakenangannia samba jagonangan sia kabagat ron Tuhan, kabagat puaabeu onin Tuhan Taikamanuania; pukuddurangan leu simariuriu, kalulut kineneiget ibailiu le nia siabeu pat aili ka tu'tut polak,

Joh. 16:21

Makarat le bagat sinanalep masitutuake matat togania, aiailingan poi teterenia ipasiorik. Tapoi amututuan geti matat togania, taan irerepdep simabesi kalulut angkat bagania, amututuan poi matat sara sirimanua ka polak.

Pamoil. 12:2

Sinanalep nenda ai suruketnia, samba kalulut aian nia masioorik masitutuake matat toga, pugereinangan besinia.