Mik. 4:6 - BUKO SIPUNENAN

⁶ Kuanangan si Tuhan; “Ai te teterenia kururuake sia siukumKu iate sia sipangongorik ka pasibbaiat.

Mik. 4:6 Iomraidhean Croise

Zep. 3:19

Babara te gogoinia kutataake' sipaoreiji kam, Kuujaake' le sirimanua simasakit; sangamberi sirimanua siribbaiakenen kutoiliake'. Paloloiat katubudda kubailiuake' katuumunanda; ka senen kudduat, samba ka sangaliot polak, raabeuake' le sia samba raumun sia.

Joh. 10:16

Ai pei le bagei biribiriku, biribiri ta ka geli nene; kupalululu leu sia samba raaarepi ngangangku, bailiunangan sia sangamungkuat, sara sipasijajago.

Jes. 56:8

Kise te tiboiet Tuhan Taikamanua, siruruake tai Israel situriribbai: Kurururuake te minca sirimanua katubunia sibailiu tuppaira ka silepa tururuake.”

PSALMEN 147:2

Tuhan masigalai Jerusalem, Iruruake le tai Israel simasasaragai;

Luk. 19:10

Aipoi aioi Togatsirimanua ia te masigaba samba masiarauake sirimanua.”

Mik. 2:12

Kuanangan minca si Tuhan, “Kam tai israel sipulelegei! Kurururuake te kam samba Kusaraake kele biribiri sitotoili ka gelinia. Kele biribiri ka su'sut parou, kisedda leu et laggaimui sun minca sirimanua.

Jehz. 36:24

Kuala le' geti kam ka talagat sangamberi bangsa samba Kururuake kam ka sangaliot laggai samba Kuambit le' geti kam minca ka polakmui.

Jer. 31:8

Bulatnia te, Kuaambit le' geti sia baratra ka polak ka bare' samba turururuake le' geti sia barania ka tutut polak; ka talagatra ai sirimanua simapeset samba simasakit, ia tainanalep sipususuruket pasamba parurukat sipususule'; kabagat mungkuat sabeu toili le' geti sia minca sene!

Jer. 3:18

Kateteret nenda mei le' geti muntogat Jehuda ka muntogat Israel, samba moi le' sia simakere baratda ka laggai ka isit ka bare ka laggai siparubeiKu ka taikebbukatmui sibailiu bakkat ikepmakenen.

PSALMEN 38:17

Sipaatukku: “Babara ragaga'gati aku, samba masibuakake tubu katubukku ke ipageugeu rerekku!”